Sakari 1:4 - U TIENU MAAMA TILI 2013

⁴ Yin da tua mani nani yi yaajanba yeni. Hali yogu, n saawalipuaba den wangi ba ke n yedi ban lebidi ki ŋaa bi sanbiadi leni bi bontienka-biadila. Ama bi den yie kaa cengi nni, baa den tuo ki ŋoadi min yedi ba yaala.

Gourmanchéma Bible

⁴ Yin da tua mani nani yi yaajanba yeni. Hali yogu, n sawalipuaba den wangi ba ke n yedi ban lebidi ki ŋa bi sanbiadi leni bi bontienkabiadila. Ama bi den yie kaa cengi nni, baa den tuo ki ŋoadi min den yedi ba yaala.

Sakari 1:4 ပူးပေါင်းရင်းမြစ်များ

2 Bi Badiba Jama 30:6

A tonda den gaani Juda leni Isidayeli diema nni kuli, ki teni o bado leni o koanbala n den diani yaa tila, ki go den maadi nani o bado mo n den puogi ba maama ki yedi: «Yinba Isidayeli yaaba, yaaba n ki baa Asiiri bado nuu nni, yin lebidi ki guani o Diedo, Abalahama, Isaaka leni Jakob Tienu kani. Yeni, omo baa guani yi kani.

2 Bi Badiba Jama 30:7

Da tieni mani nani yi yaajanba leni yi kpeliba, yaaba n ki den tiegi o Diedo bi yaajanba Tienu po, ke o den ŋaa ba fala nni nani moala yin nua maama.

2 Bi Badiba Jama 34:21

«Yin gedi mani o Diedo kani, ki ban diidi n po, Isidayeli yaaba po leni Juda yaaba, yaaba n sieni kuli po, kelima ban laa yaa tili ne maama po. Nani ti yaajanba n ki den ŋoadi yaa bali maama n diani li tili ne niinni yeni, li fidi ke o Diedo pali beni ti po hali boncianla.»

Esidirasi 9:7

Hali ti yaajanba yogunu ki taa ki pundi hali moala, ti tieni ti tuonbiadi boncianla. Li tie ti tuonbiadi po ke a den taa ti, tinba, ti badiba leni ti kopadicianba ki tieni i nilanbuoli badiba nuu nni, ke bi den tuogi leni ti bu toabu ki paadi ti, ki fagi ti ki gedini ti ti yonbidi, ke dinla i fe kubi ti.

Nehemi 9:16

Ama ti yaajanba den tieni ti japaadi, Ki juagi bi tuli, baa den cengi a bali maama.

Nehemi 9:26

Ama ba yeni, bi den fii ki fiini mi yiema a po. Bi den luni a bali maama, Bi den kpa a saawalipuaba yaaba n den tigini ba Ke ban guani a kani. Bi den tudi a po tudicianma.

Nehemi 9:30

A den juuni leni ba hali yaa bina n yabi. A saawalipuaba yaaba n den gbie leni a Fuoma den tundi ba. Ama baa den cengi. Lanwani, a den taa ba ki tieni bi nilanba nuu nni.

Pisomi 78:8

Ke ban da tie nani bi baanba, Bani yaa nibuolu n ki pia maanli, Ki nan go pia mi yiema mo yeni. Bi pala ki se kaanyendu, Bi yama mo ki ye U Tienu kani bonŋanla.

Esayi 31:6

Yinba Isidayeli yaaba, Lebidi ki guani mani, Yin den buli yua ki nunga kani.

Jeremi 18:11

Maadi moala leni Juda yaaba leni Jerusalemi yaaba, ki yedi ba: o Diedo yedi: ‹Diidi n bogidi yi po mi yebiadima. N pia min jagi yi po yaala. Guani ki lebidi mani yi sanyuogidi. Lebidi mani yi tagi.›

Jeremi 23:22

N juogu daali bi yaa den ye lienni, Bi den baa fidi ki teni n niba n gbadi n maama, Ki teni ban ŋaa bi tagibiadu leni bi tuongunda.»

Jeremi 25:8

Lani n teni ke Li Miali Diedo U Paaciamu Kuli Daano maadi nanda: «Nani yin naa cengi n nialu yeni,

Jeremi 26:5

yi yàá diadi yi tuba ki baa cengi n naacenba bi saawalipuaba maama, min soani yi po yaaba, kelima n tuuni ba yi kani yogunu kuli ki naa cedi, ama yi naa cengi ba.

Jeremi 3:12

Gedi ki ban kpaani nujienu po, ki yedi: Isidayeli o yenyiedo, o Diedo yedi mi naa maama: ‹N kan go yaa pia a po nunbiadiga, Kelima n yama dingi. O Diedo n yedi yeni. N pali mo kan go waagi ki be a po yogunu kuli.

Jeremi 3:14

Guani mani ne, Yinba a biyenyieda yeni, O Diedo n yedi yeni. Mini n tie yi canbaa, N baa gandi niyendo u naa dogu nni, Nibilie mo, u naa buolu nni, Ki guani yi Siyon po.

Jeremi 35:15

N den soani yi kani n naacenba bi saawalipuaba, ki lindi ki tuuni ba u yogunu kuli, ke ban yedi yi: «Yuakuli n pegidi ki ŋaa o sanbiadu, lebidi mani yi bontienkaala, da pia mani ŋantaadi leni tientoe, ki kpiagidi yi. Yaa ye mani, min puni yinba leni yi baanba yaa diema nni.» Ama yi naa cengi. Yi naa diadi yi tuba ki gaa n tundi.

Jeremi 4:1

Isidayeli, mini o Diedo n yedi a: «A yaa lebidi ki guani n kani, Ki ñani a cagindi kuli n nintuali, Yeni, a kaa go puagi.

Jeremi 44:16

«Ba a yaa maadi ti Diedo yeli nni, ti kan cengi a.

Esekieli 14:6

Lani yaa po, ŋan yedi Isidayeli buolu ke o Diedo U Tienu yedi mi naa maama: «Lebidi mani yi pala ki ŋaa yi buli leni yi cagindi kuli.

Esekieli 20:18

N den yedi bi bijaba mi fanpienma nni: ‹Yin da ŋoadi yi baanba ñoamabona, ki da kubi bi maasuagu, ki da gedi ki ban joagini yi yula leni bi buli.

Esekieli 33:11

Yedi ba daa, ke o Diedo U Tienu yua n fo poli ki yedi line: ‹Mii bua o nibiado kuuma ka, ama min bua yaala tie ke wan lebidi o tagu ki yaa ye yo.› Lebidi mani yi pala ki ŋaa i tagibiadi. Be yaa po ke yinba Isidayeli yaaba yi baa kpe?

Esekieli 33:4

laa niba yaa gbadi li naatuntunli piebima ki naa tuo, ki cedi ke yibali cua ki kpa ba, bi soama baa yaa jagi bi yula po.

Danieli 9:6

Tii den cengi a naacenba bi saawalipuaba, yaaba n den maadi leni ti badiba, ti badijaba, ti baanba leni ti diema yaaba kuli a yeli nni.

Ose Tili 14:1

U Tienu baa waani Samari yaaba fala, Kelima bi yie o. Bi yibalinba baa kpa ba leni mu jugisiemu. Bi baa ŋmaa ki midi bi biwaala, Ki lidi bi puotugupunba mo.

Amosi 5:24

Teni mani yaa bujiali n tiegi N yaa puubi yi siiga nani mi ñima yeni. Teni mani mi teginma n yaa ye yi siiga, Nani yaa kpenu n kan ñuudi yeni.

Mise 2:6

Bi tianba tua: «Cedi wolingu. Yua n yedi ke i fe kan lagidi ti tie yanluodaano.

Sakari 1:3

Ama moala, ŋan yedi ba daa: ‹Yin lebidi ki guani mani n kani, nmoko baa guani yi kani.› Mini Li Miali Diedo U Paaciamu Kuli Daano n yedi yeni!

Sakari 7:7

Naani mii den kpa soani n saawalipuaba hali yogu, ke bi waani laa maama ka? Laa yogunu, Jerusalemi dogu leni u dobila da den kaa leni mi yanduanma, ke nuganu po diema leni Sefela mo da pia bi niba.

Jesu Tondiba Tuona 26:20

N den kpa wangi Damasi yaaba, ki yuandi ki wangi Jerusalemi yaaba leni Jude diema nni yaaba kuli. N go den wangi bi nilanba moko, ke ban lebidi bi pala ki ŋoadi U Tienu, ki yaa tuuni yaa tuona n doagidi ke bi lebidi.

Jesu Tondiba Tuona 3:19

Lani yaa po, yin lebidi yi yama ki daani U Tienu ke wan n ŋuudi ki ñani yi tuonbiadi.

1 Pieri 1:18

Yi bani ke U Tienu ki den taa yaa bonla n baa bodi nani ŋanjilifa leni wula yeni ka, ki daa ki faabi yi leni yaa yema n tie fanma fanma, yin den baa yaama yi yaajanba kani.