Ruti 2:4 - U TIENU MAAMA TILI 2013

⁴ Yogunu waamu n pendi, Boasi den ñani Betelemi ki cua. O den tuondi bi tuonsoanba ki yedi: «O Diedo n yaa ye leni yi!» Bi den guani ki yedi o: «O Diedo n seligi a!»

Gourmanchéma Bible

⁴ Lan den yen waamu, Boasa den ñani Betelema ki cua. O den tuondi bi tuonsoanba ki yedi: «Li Miali Diedo n yaa ye leni yi.» Bi den goa ki yedi o: «Li Miali Diedo n seligi a.»

Ruti 2:4 ပူးပေါင်းရင်းမြစ်များ

Mi cilima 18:19

N den gandi wani ke wan bili li ñoamabonli o bijaba leni o diegu yaaba po, yaaba n baa ŋoadi o puoli, ki baa yaa kubi o Diedo sanu, ki go tiendi yaala n tiegi, ki kubi mi teginma. Li tie lani yaa po ke o Diedo baa tieni Abalahama po wan den niani o yaala kuli.»

Mi cilima 28:3

U Tienu yua n pia u paalu kuli n seligi a, ki teni ŋan yaa pugidi boncianla, ke ŋan tua i nibuoli boncianla.

1 Bi Badiba Jama 2:51

Salima yua n den cili Betelemi dogu leni Halefi yua mo n den cili Beti-Gedeli dogu.

Pisomi 118:26

U Tienu n seligi yua n kpendi, Wani o Diedo yeli nni! Ti gaaliti yi, o Diedo diegu nni!

Pisomi 134:3

O Diedo yua n tagi tanpoli leni ki tinga yeni, N cili Siyon kani ki yaa seligidi yi!

Jeremi 31:23

Li Miali Diedo U Paaciamu Kuli Daano, Isidayeli Tienu maadi yaa maama n tie ne: «Diidi mani ban go baa yedi yaala Juda diema leni mi dogi, min baa teni bi yonbi n guani ki kpeni yaa yogunu: ‹Fini mi teginma diegu, mi gagidiŋanma juali, o Diedo n seligi a!›

Mi Coadima 6:24

‹O Diedo n seligi yi, ki kubi yi!

Luki 1:28

Maleki yeni den cua o kani ki yedi o: «N fuondi a, fini yua n baa li ŋanbili U Tienu kani. O Diedo ye leni a.»

2 Tesaloniki 3:16

Mi yanduanma Diedo, wani o ba n yaa puuni yi mi yanduanma u yogunu kuli yi yema buoli kuli nni. Wani o Diedo n yaa ye leni yikuli.

1 Timote 6:2

Yaa yonbi n tuuni yaa canbaanba n daani po n da fali ba, kelima bi tie bi kpiiba po. Ama ban yaa tuuni bi po bonŋanla ki cie, kelima bi tie yaaba n daani ki go tie bi buakaaba. Lani n tie ŋan baa bangi, ki go bili ban yaa tiendi yaala.

2 Timote 4:22

O Diedo n yaa ye leni a. U Tienu ŋanbili n yaa ye leni yikuli. Amina!

Josue 24:15

Dinla, yi yaa bua ki yaa ŋua Li Miali Diedo, yin gandi yin bua ki yaa ŋua yua, li yaa tie yi yaajanba n den ŋua yaa tieni Efrati duoli po yo, bi li yaa ko tie Amori yaaba, yin ye yaaba yaa diema nni, n ŋua yaa buli yo. Mini leni n diegu yaaba wani, ti baa yaa ŋua Li Miali Diedo yo.»

Bi Bujiaba 6:12

O Diedo maleki den doagidi o kani, ki yedi o: «O Diedo ye leni a, fini o jakoandiciamo.»

Bi Bujiaba 6:16

O Diedo den yedi o: «N baa yaa ye leni a, lanwani a baa paadi Madiani yaaba nani bi tie jayendo yeni.»

Ruti 2:3

Ruti den gedi koayendu nni, ki ban ŋua ki liegi yaaba n ce puoli. Li den sua ke wan ban kua yaa kuanu nni tie Elimeleki kpiilo Boasi yeni kuanu nne.

Ruti 2:5

Boasi den buali wan den guuni yua bi tuonsoanba: «Ŋme yaa puojafaano nne?»

Ruti 4:11

A nikpela leni yaaba n den ye u dogu bilinciamu buliñoabu kani kuli den yedi: «Ti tie a siedinba, o Diedo n teni ke yaa pua n baa kua a diegu nni yeni, n yaa tie nani Raseli leni Lea yeni, bani yaa puoliediba n mali Isidayeli yaaba buolu yeni. A paalu n doagidi Efrata cuuli nni, a yeli n kpedi Betelemi nni.

1 Samueli 17:37

Davidi go den yedi: «O Diedo yua n den faabi nni leni o yangbanlo taajenbiñadi leni yaa fuayanbiadi n yi ursi yaa taatali nni, go baa gaa nni Filisiti yua ne moko yaa nuu nni.» Sayuli den yedi Davidi: «Gedi. O Diedo n yaa ye leni a.»