Pisomi 4:2 - U TIENU MAAMA TILI 2013

² N yaa kpaani ki yini a, U Tienu, fini yua n tie n teginma, Ŋan tuo! N paboanli nni, a todi nni. Gbadi n po mi ninñima, ki gaa n jaandi.

Gourmanchéma Bible

² N yaa kpaani ki yini a, Guani npo, U Tienu, fini yua n tie n *teginma. N paboanli nni, a todi nni. Gbadi npo mi niñima, ki ga n jaandi.

Pisomi 4:2 ပူးပေါင်းရင်းမြစ်များ

Pisomi 106:20

Bi den taa U Tienu yua n tie bi kpiagidi, Ki lebidi leni o nua yua n ŋmani Ti muadi yaa nannanli.

Pisomi 14:6

Yinba bi nibiadiba, yi teni Ke bi ninñinniba dugidi lebidi ki tua fe, Ama o Diedo n tie bi wuonkaanu.

Pisomi 2:1

Be n teni ke bi nilanba fii ki tiendi ku fuugu, Ke i nibuoli mo pia laa yantiabiada?

Pisomi 3:3

Bani yaaba n maadi n po ki tua: «Faabima ki ye o po U Tienu kani,» Yabi boncianla. Joma

Pisomi 31:6

N teni miali a nuu nni. O Diedo i moamoani Tienu, A faabi nni.

Pisomi 5:6

Bi nibiadiba kan baa sedikaanu a nintuali, A nani yaaba n ki tiendi yaala n tiegi kuli.

Pisomi 50:15

Yi yaa tieni yeni, Yin mia nni mi todima yi paboanli daali, N baa faabi yi, yimo n kpiagi nni.

Pisomi 57:4

Hali tanpoli, o baa soani n po mi faabima. N yibali n yagini n yama yaa yogunu, U Tienu baa soani o ŋanbili leni o moamoani. Joma

Pisomi 58:1

Bi yanyinba yudaano yani siiga yanbu, ban yiini yaabu nani ban yi yaa yanbu: «Da bolini» yaa nialu. Davidi yanbu.

Pisomi 58:3

Kalam! Yi tiendi mi biadima Nani yin bua maama. Yi biadima wuli ki ladi ki tinga po.

Pisomi 63:11

Bi baa bolini ba leni ki jugisiega, Ban tua i tanboe jiema.

Pisomi 72:2

Teni wan jia a niba buudi leni mi teginma, Bi ninñinniba mo yaa buudi mo, Nani lan tiegi maama.

Mi Ñama 10:3

Musa leni Alono den gedi Faraon kani ki yedi o: «Li Miali Diedo, Hebilu yaaba Tienu yedi: A baa yaa yiedi ke a kan miini a yuli n nintuali ki pundi u laa yogune? Cedi n niba n gedi ki kpiagi nni.

Mi Kpanjama 1:22

«Bi yanpiidanba, yi baa ye mi yanpiima nni hali u laa yogune? A ñuañuada, yi baa se yi ñuali nni hali u laa yogune? Bi yanluodanba, yimo baa yaa nani mi banma hali u laa yogune?

O Yanfuodaano 8:11

Yua n tiendi yaala n bia naa yen gaa li panpaani lanyogunu lanyogunu. Lani n teni ke bi nisaaliba bua ki yaa tiendi yaala n bia.

O Yanfuodaano 9:3

Yaa bonbiadila n ye ne n tiendi ki tinga bontienkaala kuli nni: Lani n tie ke bonyenla n ye ki baali bi niba kuli. Bi nisaaliba pala gbie leni mi biadima leni mi gaadima bi miali dana nni kuli. Lani kuli yaa puoli, bi baa kpe.

Esayi 20:5

Bi baa yaa ye leni ti jawaanciandi leni i fe, kelima Etiopi yua n den tie bi suginma, ke Ejipiti yua mo tie ban jigini yaala.

Esayi 45:17

Isidayeli yaaba wani, bi baa baa Mi faabima kelima o Diedo po. Yaa faabima n baa yaa ye hali yaa yogunu kuli, Yi kan go fiagi, yi kan go yaa ye Leni i fe hali yaa yogunu kuli po.»

Esayi 59:4

Oba kuli ki jaligidi o lielo leni teginma, Oba mo ki koa ti buudi nni leni teginma. Bi dugi yaala n tie fanma fanma po, Ki yieni yaala n ki pia mayuli. Bi punbi tugutongu, Ki mali yaala n ki tiegi.

Jeremi 2:11

Naani li pia yaa nibuolu n ŋaa u buli, Ba ke yii tie Tienu? Ama yinba wani ŋaa mini U Tienu Yua n tie yi kpiagidi, ki ŋua i buli.

Jeremi 2:5

O Diedo go yedi: Yi yaajanba laa n kani i laa tagile, Ki sani ki foagidi leni nni? Bi sani ki ŋoadi mi faama, Ki tua biba fanma?›

Jeremi 9:3

Yuakuli n fangi o yuli leni o danli, Oba n da dugi o kpiilo ba yendo po, Kelima kpiilo kuli baa fidi ki lu i janbi, Danli kuli mo pia bu tingbangbaabu.

Ose Tili 4:7

Bi kopadicianba yabidi ki pugini, Ki tiendi n po ti tuonbiadi ki pugidi. Lani n teni ke n baa lebidi bi kpiagidi, Bi cidi n tua fe.

Jonasi 2:8

N fidu n den gbeni, Ke mi kuuma dia nni yaa yogunu, N den tiadi fini o Diedo po, N miabu den pundi a kani, Hali a jaandiegagidikaali nni.

Mi Coadima 14:11

Lani, o Diedo den yedi Musa: «Bi naa niba baa fali nni, ki ban dagini hali u laa yogune? Ba leni min tieni bi siiga yaa bancianma kuli, bi baa luo n po ti dugidi, hali ki ban dagini u laa yogune?

Jesu Tondiba Tuona 24:9

Yaa Jufinba n den ye likani den saa Tertulusi maama po i moamoani, ki yedi ke wan maadi Poli po yaala kuli tie yene.

1 Korenti 1:31

Lanwani, nani lan diani maama: «Yua n bua ki jigini o yuli, Wan jigini o yuli o Diedo nni.»

Efesa 4:25

Lani yaa po, yin cedi mani mi faama, yi siiga yuakuli n yaa maadi o lielo i moamoani, kelima tikuli tie gbananyendi yaaba.

1 Samueli 12:21

Yin da ŋuadi o puoli, kelima yi yaa ŋaa o, yi baa ŋoadi yaala n tie fanma fanma, lani yaala n kan todi yi, ki kan faabi yi mo kelima li tie fanma.