Pisomi 17:7 - U TIENU MAAMA TILI 2013

⁷ Fini yua n faabidi yaaba n lingi u wuonkaanu, Doagidi a tuona n ŋani maama, Ki gaa ba yaaba n fii ki sedi bi po, Leni mi jama nuu nni.

Gourmanchéma Bible

⁷ Fini yua n faabidi yaaba n lingi u kaanpaalu, Doagidi a tuona n ŋani maama, Ki baa ga ba yaaba n fii ki sedi bipo leni mi jama.

Pisomi 17:7 ပူးပေါင်းရင်းမြစ်များ

2 Bi Badiba 19:22

A den sugi ŋme yo? A den yuani ŋme yo? A den maadi ki kandi ŋme yaa po yo? A fiini a yuli ki ñigidi ki dabidi ŋme yo? Li tie mini Isidayeli Tienu yua n gagidi ki ŋani!

2 Bi Badiba 19:34

Mini U Tienu baa yaa guu yaa dogu n tie ne, ki faabi u kelima n kpiagidi po leni n naacemo Davidi po.› »

2 Bi Badiba Jama 16:9

O Diedo diidi ki tinga nni kuli ki baa todi yaaba n bua o leni bi pala kuli. Lanwani, moala ŋan soani nani o yanluodaano yeni, dinla liiga, a kan go luo toabu.»

Pisomi 20:6

Ti baa yigini leni li pamanli, Kelima a faabima po. Ti baa yugidi ti jakoandicabili ti Tienu yeli nni. O Diedo n tieni a po ŋan mia o yaala kuli.

Pisomi 31:21

A yen wuoni ba a kani, Ki gaa ba leni bi nisaaliba ñoana. A yen wuoni ba naankani Ke bi nisaaliba ñoana kan nandi ba.

Pisomi 31:22

O Diedo yeli n baa ti pagidi, Kelima o doagidi n po o ŋanbili, Yaa dogu yaa yema n pa nni.

Pisomi 44:3

A den pua ki deli i nilanbuoli, Ki bua ki teni bi diema n diadi. A den fie i nilanbuoli tinmu, Ki teni ke bi kali mu niinni.

Pisomi 60:5

A waani a niba yaa fala n pa. A teni ke ti ñuni mi dabiadima.

Pisomi 78:12

O den tieni mi bancianma bi baanba nintuali Ejipiti diema nni, ki goa Tisoani dogu po.

Mi Ñama 15:6

O Diedo, a nujienu paalu ki pia lie, O Diedo, a jienu mudi a yibalinba cain.

Esayi 41:10

Ŋan da jie kelima n ye leni a. Ŋan da nua leni yanbani Kelima n tie a Tienu. N baa yaa pugidi a fidu, N baa cua ki todi a, N kubi a leni n nujienu yuu paani li bonla kuli.

Jesu Tondiba Tuona 2:33

U Tienu den duoni o o jienu po ki kpiagi o. O den baa wani Baa kani U Tienu Fuoma Yua nani U Tienu n den niani maama, ki yadi yadi o ti po, nani yin nua ki go gba maama.

Mi Doagidima 15:3

ki yiini U Tienu naacemo Musa yanbu, buni, ki Pebiga yanbu, ki tua: «Li Miali Diedo U Tienu U Paaciamu Kuli Daano, A tuona yabi ki pia mi ñuadima. A sani tiegi ki tie moamoani, Fini yua n tie i nibuoli kuli bado.