Ose Tili 4:3 - U TIENU MAAMA TILI 2013

³ Li tie lani yaa po yo, ke li paboanli baa cuo Mi diema na yaaba, Bani leni ti moayandi Leni ti bonyugiditi kuli baa waadi. Ba mi ñincianma jami baa bodi.

Gourmanchéma Bible

³ Li tie lani yaa po ke li paboanli baa cuo mi diema na yaaba, Bani leni ti moayandi leni ti bonyugiditi kuli baa waadi. Baa mi ñincianma jami baa bodi. U Tienu yedi:

Ose Tili 4:3 ပူးပေါင်းရင်းမြစ်များ

Esayi 33:9

Mi diema ye leni li paboanli ki kuodi, Liban diema ye leni i fe ki duni. Saron naani leni u tialu. Basan leni Karimeli tiidi kuli faadi suodi.

Jeremi 12:4

Hali u laa yogunu yo, Ke mi diema baa yaa baa ki ye, Mi kuuma paboanli nni? Hali u laa yogunu yo, Ke i kuani mo yaa muadi baa kuodi? Mi diema niba biadima po, Ti yandi leni i nuani kuli bodi. Bi yedi: «O kan fidi ki bandi yaala n faadi ki ye ti po.»

Jeremi 23:10

‹Mi diema kuli gbie leni yaa niba N tiendi mi conconma. Bi tiini ki caa mi biadima po yo, Bi gbani saagi yaala n ki ŋani tienma po. Lani yaa po n teni ke mi diema kuli Ye leni li paboanli, Ke bi yankpaakaani kuli mo kuodi.

Jeremi 4:25

N diidi ki sua niba ki go ye, Tanpoli nuani mo kuli sani.

Jeremi 9:10

O Diedo yedi: «N baa teni Jerusalemi diema n tua diegbengu, I tanboe n ye naankani. N baa teni Juda dogi n tua paboanli kaanu, Niba n ki go ye naani.»

Jeremi 9:9

A juana po, N baa mua ki figindi. Mi fanpienma nni, i yankpaakaani nni, N baa wanli i wanli kelima bi juu ba. Oba ki poandi likani. Baa go gba yankuli lanbu, Ki cili tanpoli nuani, Ki ban taani leni ti yandi, Likuli bodi cain.

Esekieli 38:20

Mi ñincianma jami leni tanpoli nuani, ku muagu nni yandi leni yaa bonfuoda n balini ki ye ki tinga po kuli, ki taani leni yaa niba n ye mi tinfanma po kuli, baa digibi n nintuali. A juana baa wudi, ti tanlondi mo baa libi, u bilinu mo n baa tiipo.

Joeli 1:18

Ti yandi n buudi maama ne te! I naakuli pua yaayaa ki lindi, Kelima moaŋmankaadi ki go ye, Ba ti yanbidi mo ye leni falaciamo.

Amosi 1:2

Amosi den tua: «O Diedo ye Siyon ki buoni. O ye hali Jerusalemi ki kpaani. A yankpaafuana kuodi, Karimeli juali yuli po kuodi.»

Amosi 5:16

Lani yaa po, Li Miali Diedo, U Tienu, U Paaciamu Kuli Daano, O Diedo yedi yaa maama n tie ne: «Bi niba baa mua i kumoe u dogu nitaankaani nni Leni i sani nni kuli, ki yedi: ‹Ŋain!› Bi baa yini ba bi kpakpaaba, ban cedi bu kpaabu, Ki cua ki mua i kumoe, Bi baa yini yaaba n bani i wanli, ban cua ki wanli.

Amosi 8:8

Lani yaa po, mi diema kuli baa digibi, Mi diema yaaba kuli baa mua i kumoe, Mi diema kuli baa yaa fiidi ki goa ki ñuandi nani Ejipiti kpenciamu yeni.

Nahumi 1:4

O fu leni mi ñincianma Ke mi ñuudi ki kuodi cain, Ki teni ke i kpeni mo ñuudi. O teni ke Basan leni Karimeli yankpaafuana kuodi, Ke Liban puuma mo mali.

Sofoni 1:3

N baa duuni ki ñani bi niba leni ti yandi, Ki kpa ti bonyugiditi leni i jami, Ki tudi ki lu bi nibiadiba leni bi tuonjoagima, Ki bolini bi niba kuli mi tinfanma po.» Mini o Diedo n yedi yeni.

Sakari 5:4

Li Miali Diedo U Paaciamu Kuli Daano yedi: ‹N yadi ti solindi yeni, ke tin kua suudo kuli diegu nni leni yua n taagi n yeli ki pua mi faama ki polini kuli yaa diegu nni. N yadi ti ke tin kua lienni, ki yaa ye, ki bolini ki taani a yoaga leni a tana kuli.› »