Nehemi 9:8 - U TIENU MAAMA TILI 2013

⁸ A den sua ke o pali tiegi a po. A den danli leni o ki niani o Ke a baa pa o puoliŋuani Kanana yaaba, Hititi yaaba, Amoriti yaaba, Perisiti yaaba, Jebusi yaaba Leni Giligasi yaaba diema kuli. A kuani a ñoanianu mo kelima a tiegi.

Gourmanchéma Bible

⁸ A den sua ke o pali tiegi apo, A den danli leni o ki niani o Ke a baa pa o puoliŋuani Kanana yaaba diema, Heta buolu yaaba diema, Amola buolu yaaba diema, Felesa buolu yaaba diema, Jebusa yaaba diema Leni Giligasa buolu yaaba yaa diema kuli. A kuani a ñoanianu mo kelima a tiegi.

Nehemi 9:8 ပူးပေါင်းရင်းမြစ်များ

Mi cilima 12:7

O Diedo den doagidi Abalama kani ki yedi o: «N baa pa a puoliŋuani mi naa diema.» Lane Abalama den maa li padibinbinli o Diedo po, wani yua n den doagidi o po yeni.

Mi cilima 15:6

Abalama den daani o Diedo yedima, lani yaa po o Diedo den coadi o po la ke li tie teginma.

Mi cilima 22:12

Maleki den yedi o: «Ŋan da sii o jawaalo yeni, ŋan da tieni o bonbiadiliba kuli, kelima n bani moala ke a fangi U Tienu, ke ŋaa yie ki baa pa nni a bonjayenyenga.»

2 Samueli 22:31

U Tienu sani ŋani ki dagidi cain. O Diedo maama mo tie moamoani. O tie gbankoandigu yaaba n sani ki baa o po kuli po.

1 Bi Badiba Jama 1:14

Jebusi, Amori, Giligasi,

1 Bi Badiba Jama 16:16

Wan den kuani yaa ŋantaado leni Abalahama Leni wan den niani Isaaka ki poli yaa poli!

Esidirasi 9:15

O Diedo, Isidayeli Tienu, a tiegi. Dinla ŋan faabi tinba yaaba, ti taani ki ye a nintuali leni ti tuonbiadi, ama ti kan bi baa ki yaa ye a nintuali leni ti tuonbiadi.»

Nehemi 9:33

Yaala n den tieni ti kuli siiga, a den tiegi Kelima a den doagidi ke a tie tin baa fidi ki dugi yua yaa po, Ke timo nan tieni yaala n bia.

Pisomi 116:5

O Diedo tie mi ŋanma leni mi teginma daano. Ti Tienu gba mi ninñima.

Mi Ñama 3:17

ke n yedi ke n baa teni yin ña Ejipiti nni, yin laadi fala naankani. N baa teni yin kua Kanana, Hititi, Amoriti, Perisiti, Hiviti leni Jebusi yaaba diema nni, mi naaŋanma leni ti siadi n dua naani.›

Mi Ñama 3:8

N jiidi ki baa faabi ba Ejipiti yaaba nuu nni, ki teni ban ña laa diema nni, ki kua yaa diema n ŋani ki go yabi yaa niinni. Mi naaŋanma leni ti siadi n dua naani. Li tie Kanana, Hititi, Amoriti, Persi, Hiviti leni Jebusi yaaba n ye yaa diema nni.

Esekieli 33:24

«Nisaalo biga, ban bolini ki ŋaa yaaba Isidayeli diema dogi nni tua: ‹Abalahama den ye obebe, ama ba yeni, wani n den diedi yaa diema n tie ne. Lanwani, tinba yaaba n yabi ki cie, tin diedi ma.›

Mi Coadima 13:29

Amaleki buolu kaa mi diema ganu po, Hititi, Jebusi leni Amori yaaba mo kaa a juana n ye yaa kalu po. Kanana yaaba mo kaa ki kuu mi ñincianma leni Jurden kpenu boanjaana.»

Mi Coadima 23:19

U Tienu ki tie nisaalo ka, ki baa pua mi faama, Waa tie nisaalo ka, ki baa lebidi o yantiali. Waa bili bonla, ki daa tieni la! Naani o baa niani ñoanianu, kaa baa kuani o cuu?

Jesu Tondiba Tuona 13:22

U Tienu den dindi o, ki gandi bi po Davidi ki dini o li bali, ki tieni o po yaa siedo n tie ne: ‹N laa ke Isayi bijua Davidi tie yaa joa n dagidi n pali po, ki baa yaa tiendi n yanbuama kuli.›

Mi Tiadima 26:3

Yi baa gedi o kopadiciamo yua n tuuni laa dana nni kani, ki yedi o: ‹N doagidi dinla o Diedo a Tienu kani, ke n kua o Diedo n den poli ke o baa pa ti baanba yaa diema nni.›

Mi Tiadima 32:4

O tie Tanciangu yo, o tuonli mo ŋani cain Kelima o sani kuli tiegi. O tie ti dugidi Tienu, waa go pia tagiliba, Wani n tiegi ki go ŋani mo.

Mi Tiadima 7:1

O Diedo yi Tienu yaa gobidi ki kuani yi yin baa diedi yaa diema yeni niinni, o baa deli yi nintuali yaa nibuoli n yabi ki cie yi. Lani n tie: Hititi, Giligasi, Amoriti, Kanana, Hiviti, Perisiti leni Jebusi yaaba. Laa nibuoleleedi pia u paalu ki cie yi.

Mi Tiadima 9:5

Laa tie yi teginma leni yi tagiŋamu po ka, ke yi baa kua ki diedi bi diema. Ama li tie bi biadima po yo, ke o Diedo yi Tienu deli ba yi nintuali, ke wan den poli ki niani yi yaajanba, Abalahama, Isaaka leni Jakob yaala n tieni.

Titi 1:2

Lani n tie ban baa yaa dugidi n baa pa ya miali n kan gbeni, U Tienu yua n kan pua faama n den niani yaa miali, hali ke ŋanduna daa ye.

Hebilunba 11:17

Li tie li dandanli yaa po ke Abalahama den padi Isaaka, U Tienu n den biigi o yaa yogunu. Wani yua n den baa u ñoanianu, den tuo ki baa padi o bonjayenyenga,

Hebilunba 6:18

U Tienu den bili laa bonliedila, yaala n kan lebidi, wan kan pua faama yaala yaa po, ki bua ki yaa paagidi ti pala boncianla, tinba yaaba n sani ki baa o po, ki cuo wan bili ti po yaa dugidi ki muubi.

Josue 11:23

Yeni Josue den paadi mi diema kuli, nani o Diedo n den puogi Musa maama. O den boagidi ma Isidayeli yaaba. Li yaa puoli, Isidayeli yaaba den fuodi leni bu toabu.

Josue 11:3

O go den soani yaa niba n tie ne moko yaa kani: Kanana yaaba, yaaba n ye Jurden kpenu puoli, u nintuali, Amori yaaba, Hititi yaaba, Perisiti yaaba leni Jebusi yaaba, yaaba n ye a juana nni leni Hiviti yaaba, yaaba n ye Hermon juali balinma, Misipa diema nni.

Josue 23:14

Diidi ki le mani, moala n dana tuoni. Yin bandi leni yi pala kuli leni yi yantiana kuli, ke o Diedo yi Tienu n den niani yi yaa ñoanianŋami kuli, ba yendu ki tua fanma, laa ñoaniani kuli kua cain.

Josue 9:1

Yaa diema n ye Jurden nintuali, lani n tie yaa diema n ye a juana nni, yaama n ye ku joaloangu nni leni yaama n baali mi ñincianma, ki tandi ki gedi hali Liban diema yaa badiba kuli den gbadi Ayi dogu bolinma laabaalo. Lanwani, bani Hititi yaaba, Amori, Kanana, Perisiti, Hiviti leni Jebusi yaaba yaa badiba yeni

1 Jan 1:9

Ti yaa tuo ti tuonbiadi, Nani wan tie nidugika ki go tiegi yeni, O baa pa ti ti tuonbiadi sugili, Ki go ŋuudi ki ñani ti biadima kuli cain.