Nehemi 9:6 - U TIENU MAAMA TILI 2013

⁶ Fini bebe n tie o Diedo yua n tagi tanpoli Leni tanpoli yaa tanpoli, tanpoli toagola, Ki tinga leni yaala n ye ki niinni kuli, Mi ñincianma leni yaala n ye mi niinni kuli. A puuni laa bonla kuli li miali. Tanpoli toagola mo labindi a nintuali.

Gourmanchéma Bible

⁶ Fini bebe n tie Li Miali Diedo yua n tagi tanpoli Leni tanpoli yaa tanpoli leni tanpoli toagola, Leni ki tinga leni yaala n ye ki niinni kuli, Mi ñincianma leni yaala n ye mi niinni kuli. A puuni laa bonla kuli li miali. Tanpoli toagola mo labindi a nintuali.

Nehemi 9:6 ပူးပေါင်းရင်းမြစ်များ

Mi cilima 1:1

Hali mi cilima, U Tienu den tagi tanpoli leni ki tinga.

Mi cilima 1:9

U Tienu den yedi: «Yaa ñima n ye tanpoli tiipo n taani kaanyendu, ke ki tinkuonga n yaa ye.» Li den tua yeni.

Mi cilima 2:1

Lanwani, U Tienu den tagi tanpoli, ki tinga leni yaala n ye lienni kuli ki gbeni.

Mi cilima 32:2

Jakob go den fii ki taa u sanu, ke U Tienu malekinba den tuogi o.

1 Bi Badiba 22:19

Mise go den yedi: «Go cengi o Diedo maama. N den laa o Diedo ke o kaa o bali kalikaanu, ke tanpoli toagola kuli se o ganu leni o jienu kuli.

1 Bi Badiba 8:27

Ama daa, naani U Tienu baa fidi ki yaa ye ki tinga nni moamoani? Diidi baa tanpoli leni o yabinu kuli ki dagidi o po, ki ban buali min maa a po yaa diegu ne.

2 Bi Badiba 19:15

O den jaandi o Diedo ki yedi: «Li Miali Diedo Isidayeli Tienu, fini yua n kaa a bali kalikaanu selubanba po, fini bebe n tie U Tienu ki die ŋanduna diema kuli. Fini n tagi tanpoli leni ki tinga kuli.

2 Bi Badiba 19:19

Lanwani, o Diedo ti Tienu, ŋan gaa ti Senakeribi nuu nni, ke ŋanduna diema kuli n bandi ke fini o Diedo bebe n tie U Tienu.»

Nehemi 9:5

Lane Levi buolu yaaba Josue, Kadimieli, Bani, Hasabinia, Selebia, Hodiya, Sebania leni Petaya den yedi: «Fii mani! Pagi mani o Diedo yi Tienu yaa yogu n tuu yaa yogu.» Ti Diedo, nilo kuli n pagi a yeli yaali n pia ti kpiagidi, Yaali n cie seli leni pagidi kuli.

Pisomi 102:25

N den yedi: «N Tienu, da ñani n miali n panma siiga, Fini yua yaa bina n ki pia gbenma.»

Pisomi 103:21

Pagi mani o Diedo, Yinba o toagola, Yinba yaaba n tuuni o po, Ki tiendi o yanbuama.

Pisomi 115:15

O Diedo yua n tagi tanpoli Leni ki tinga n seligi yi.

Pisomi 124:8

Ti faabima kuli ña o Diedo kane, Wani yua n tagi tanpoli leni ki tinga.

Pisomi 146:6

O Diedo n tagi tanpoli leni ki tinga, Mi ñincianma leni yaala n ye mi niinni kuli. O kubi i moamoani yaa yogunu kuli po.

Pisomi 24:10

Ŋme n tie laa kpiagidi bado? Li Miali Diedo de! Wani U Paaciamu Kuli Daano, Wani n tie ti kpiagidi bado! Joma.

Pisomi 33:6

O Diedo maama n tagi tanpoli. O li maadi bebe yo ke a ŋmabila moko tieni.

Pisomi 36:6

O Diedo, a ŋanbili pundi hali tanpoli. A moamoani mo pundi hali ti tawadi nni.

Pisomi 86:10

Fini, a yabi ki go tiendi mi bancianma. Fini bebe n tie U Tienu.

Esayi 37:16

«Li Miali Diedo U Paaciamu Kuli Daano, Isidayeli Tienu yua n kaa ti gbandi po selubanba siiga, fini bebe n tie U Tienu, ki tinga diema kuli po. Fini n tagi tanpoli leni ki tinga.

Esayi 37:20

Moala, o Diedo ti Tienu faabi ti Senakeribi nuu nni, lani n tie i nibuoli kuli n bandi ke fini bebe n tie Li Miali Diedo.»

Esayi 43:10

O Diedo yedi: «Yinba n tie n siedinba, Yinba n tie n naacemo min gandi yua, Ki bua yin bandi ki yaa dugi n po. N bua yin bandi ke li tie mini. Toa ki den kpa ye ki ŋaa nni, Ke n puoli po mo, toa kan tieni, abada.

Esayi 44:6

O Diedo Isidayeli bado, Wani Li Miali Diedo U Paaciamu Kuli Daano Yua n daa ki faabi ba, Yedi yaa maama n tie ne: «N tie o kpialo leni o juodika Mini yaa ka, toa ki ye.

Esayi 44:8

Da jie mani, da digibi mani, Mii den teni ke yi gbadi Ke n go waani yi la hali yogu te? Yinba n tie n siedinba: Naani toa go ye ke laa tie mini? Tanciantoagu kuli ki ye Min ki bani yaagu yaa po.»

Esayi 45:12

Mini n tagi ki tinga, Ki go tagi o nisaalo ke o ye ki niinni. N yaa nii n dadi ki tandi ti tawadi, Ki gobidi tanpoli toagoli kuli.

Jeremi 32:17

«Li Miali Diedo U Tienu, fini n tagi tanpoli leni ki tinga, ki doagidi a paalu leni a banma. Liba kuli ki pa a po.

Esekieli 20:11

N den teni ba n ñoamabona leni n bali maama, o nilo n baa kubi yaala, ki fidi ki yaa ye.

Jonasi 1:9

O den guani ki yedi ba: «N tie Hebilu buolu. N fangi o Diedo, wani U Tienu yua n die mi ñincianma, yua n tagi tanpoli leni ki tinga kuli.»

Jan n diani U Tienu Laabaaliŋamo maama 10:30

Mini leni Baa tie yendo.»

Jesu Tondiba Tuona 4:24

Ban den gbadi lani, bi den taani yanyenma ki jaandi ki mia U Tienu ki yedi: «Ti Diedo, fini n den tagi tanpoli, ki tinga, mi ñincianma leni yaala n ye mi niinni kuli.

Mi Tiadima 10:14

Diidi mani, tanpoli leni tanpoli yaa tanpoli, ki tinga leni yaala n ye ki niinni kuli, tie o Diedo yi Tienu yaale.

Mi Tiadima 32:39

Lanwani, moala, diidi mani ki bandi Ke mini bebe n tie U Tienu. Mini yaa ka mo, tientoa ki ye. Mini n puuni li miali, mini n go kpaani. Mini n poagiliti, mini n go buu. Niloba mo kan fidi ki lobidi la n nuu nni.

Mi Tiadima 6:4

Cengi mani, yinba Isidayeli yaaba! O Diedo ti Tienu, o Diedo yeni tie YENDO.

Hebilunba 1:3

Wani Bijua yeni n yadi U Tienu kpiagidi yenma. U Tienu n tie maama, o Bijua moko tie yene cain. O go kubi mi tagima kuli ke mi ye kelima o maama paalu po. Wan den soani ti tuonbiadi ŋuudiñanma tuonli ki dudi, o den kali hali tanpolijoma, U Tienu yua n pia ti kpiagidi jienu po.

Hebilunba 1:6

Ama U Tienu n soani o Bijakpiaga ŋanduna nni yaa yogunu, o go yedi: «U Tienu malekinba kuli n kpiagi o.»

Mi Doagidima 14:7

O den kpaani leni u nialu, ki tua: «Yin fangi mani U Tienu ki kpiagi o, kelima o bujiali yogunu pundi. Yin gbaani ki kpiagi wani yua n den tagi tanpoli, ki tinga, mi ñincianma leni a ñinbuna kuli.»

Mi Doagidima 4:11

«Ti Diedo, ti Tienu, A pundi ki yaa baadi ti kpiagidi Leni ti jigidi leni u paalu, Kelima fini n tagi li bonla kuli, A yanbuama po mo ke likuli tagi, Ki go baa ye.»