Nehemi 9:37 - U TIENU MAAMA TILI 2013

³⁷ Tin tieni yaa tuonbiadi yeni po, A teni ke ki tinga yeni luoni boncianla, Ŋan den teni ke yaa badiba n die ti yeni po. Bi die tinba leni ti yandi kuli, nani ban bua maama. Ti ye leni paboancianli!

Gourmanchéma Bible

³⁷ Ki tinga yeni luoni boncianla ŋan teni ke yaa badiba n die ti Kelima tin tieni yaa tuonbiadi po yeni yaa po. Bi die tinba leni ti yandi kuli nani ban bua maama. Ti ye leni paboancianli!

Nehemi 9:37 ပူးပေါင်းရင်းမြစ်များ

Esidirasi 4:13

Ŋan yaa bani ke bi yaa guani ki maa u naa dogu ki go guani ki maa i bilini, u niba kan go yaa pa bancanli, lubili bi sani tagima ligi. Yeni mo baa cuani o bado ŋalimano tingbali.

Esidirasi 6:8

N bili yi po yaa ñoamabonli n tie ne, ki waani yi yin baa tieni yaala ki todi Jufinba yudanba yeni, ban guani ki maa U Tienu diegu. Yin ñani mani Efrati nintuali yaaba n pa yaa lubili ke li tie mini o bado ŋalimano yeni niinni, ki teni Jufinba yudanba yaa ligi n tie tiladi li tuonli yeni po kuli, ke laa tuonli n da sedi ba waamu.

Esidirasi 7:24

Ti go bua ki waani yi ke yin da gaa bi kopadicianba kani, Levi buolu, U Tienu diegu yanyinba, li buliñoaguuda, li naacenba leni yaaba n tuuni U Tienu diegu nni kuli kani bancanli, lubili bi i sani tagima ligi.

Nehemi 5:8

N den yedi ba: «Ti den guani ki daa ki faabi ti kpiiba Jufinba nani tin fidi maama, ban den kuadi yaaba bi nilanba po. Moala, yinba yi ba mo n nan ji kuadi ba ti buolu po!» Bi den ŋmini, kelima baa den pia ban baa guani yaala.

Jeremi Bubula 5:5

Ti yibalinba fii ki sedi ti po. Bi coagi ti hali boncianla, Baa puni ti fuodima ba waamu.

Levi 26:17

N baa buli yi n nunga, ki sedi yi po. Yi yibalinba baa deli ki paadi yi. Yaa niba n nani yi yeni baa die yi, yi baa sani, ba ke oba kuli naa deli yi.

Jan n diani U Tienu Laabaaliŋamo maama 8:33

Bi den guani ki yedi o: «Ti tie Abalahama puoliŋuani, hali tin ye, tii tua oba kuli yonbi. Be yaa po ke a yedi ke ti baa faabi?»

Mi Tiadima 28:33

Yin kaa bani yaa nibuolu n baa je yi kpaandi, yin soani ki baa yaala, yin go yaa ye daali kuli ti yonbidi nni.

Mi Tiadima 28:39

Yi baa ŋuu duven tiidi ki ko yi, ama yi kan ño li daama, ki buali yin cie li bonluonkaala, kelima a sidibila baa ŋmani likuli.

Mi Tiadima 28:48

Lanwani, moala yi baa yaa tuuni o Diedo n baa soani yi po yaa yibalinba yeni po, mi koma leni u ñuñuunu nni, mi mubima leni mi luoma cain nni. O baa maani yi bunkpana po, ti kudi naakpakpaadi-daadi, hali ki bolini yi cain.

Mi Tiadima 28:51

U baa fie yi yandi leni yi kpaandi kuli, hali yin kpe ki gbeni. U kan ŋaa yi po ŋalikama, duven, kpama, ne leni yanbidi siiga liba kuli, hali wun baa bolini yi ki gbeni.