Nehemi 9:32 - U TIENU MAAMA TILI 2013

³² U Tienu, ti Tienu, fini yua n yabi ki pia u paalu leni i jeje, Fini yua n kubi ŋan den kuani yaa ŋantaado Leni ti ki gba mi ninñima, Ŋan da fali tin laa yaa fala kuli, Tinba leni ti badiba, ti yudanba, ti kopadicianba, Ti saawalipuaba, ti yaajanba leni a niba kuli, Ki cili Asiiri badiba yogunu, Ki taa ki pundi hali dinla.

Gourmanchéma Bible

³² U Tienu, ti Tienu, fini yua n yaba ki pia u paaciamu leni i jeje, Fini yua n kubi ŋan den kuani yaa *ŋantaado Leni ti ki gba mi niñima, Ŋan da fali tin laa yaa fala kuli, Tinba leni ti batieba leni ti yudanba leni ti kopadicianba Leni ti sawalipuaba leni ti yaajanba leni a niba kuli, Ki cili Asili batieba yogunu Ki taa ki pundi hali dinla.

Nehemi 9:32 ပူးပေါင်းရင်းမြစ်များ

1 Bi Badiba 8:23

«Li Miali Diedo, Isidayeli Tienu, tientoa kuli ki ye ki naani leni a, tanpoli po leni ki tinga nni kuli. Fini n kubi ŋan den kuani yaa ŋantaado leni a naacenba, ki go gba bi po mi ninñima bani yaaba n cuoni a nintuali leni bi pala kuli.

2 Bi Badiba 15:19

Asiiri bado Puli den cua mi diema nni. Lanwani, Menahemi den puni o ŋanjilifa, ke o kpiagu pundi, kilo tuda piitaa (30 000), ki bua wan todi o o bali n yaa ye ki pa.

2 Bi Badiba 15:29

Isidayeli diema bado Peka n den die yaa yogunu, Asiiri bado Tigilati-Falasari den cua ki fie Iyoni, Abeli-Beti, Maaka, Janaaki, Kadesi, Hatisori, Galaadi, Galile leni Nefitali diema kuli, ki cuo bi niba ti yonbidi ki gedini ba Asiiri.

2 Bi Badiba 17:23

Hali ke o Diedo den deli ki ñani Isidayeli yaaba o nintuali, nani wan den soani o naacenba bi saawalipuaba ke bi waani ba maama yeni. Li tie yeni ke bi nilanba den ñani Isidayeli yaaba bi diema nni, ki gedini ba Asiiri diema nni ti yonbidi, ban ye naankani hali dinla.

2 Bi Badiba 17:3

Asiiri bado Salimanasari den cua Isidayeli yaaba diema nni ki tuogi leni Ose bu toabu, ki paadi o. O den diedi o ki teni ke o pa o li lubili.

2 Bi Badiba 17:6

Ose bali binyiali binli, Asiiri bado den paadi Samari ki cuo ba, ki gedini ba Asiiri diema ti yonbidi. O den kaani ba Hala dogu nni, Gosan diema nni, Habori kpenu n puubi naankani. O go den kaani ba Medi dociami nni, ke bi ye lankani.

2 Bi Badiba 23:29

Josiasi bali yogunu, Ejipiti bado Neko den fii ki gedi hali u kpenciamu Efrati, ki baa todi Asiiri bado wan koani leni Josiasi. Josiasi den tuogi leni ba bu toabu. Ama wani Ejipiti bado yeni n li laa o, o den kpa o Megido dogu nni.

2 Bi Badiba 25:7

Bi den kodi wani Sedesiasi bijaba o nunbu nni, ki fiadi wani o ba mo yaa nuni, ki loli o ti kumoandi kpaadi, ki gedini o Babilonni.

Esidirasi 4:10

ki taani o niciamo leni o paadaano Osinapadi n cuo ki gedini ki ban kaani yaaba Samari dogu nni leni tinbuotoana, yaaba n ye u kpenu nintuali n diani.»

Esidirasi 4:2

Bi den cua Sorobabeli leni bi diedanba kani ki yedi: «Ti baa taani leni yi ki maa U Tienu diegu, kelima tinba leni yinba kuli jaani Tienyendu. Ti padi a pada o po hali Asiiri bado Asaradoni yogunu, wani yua n cuo ki cuani ti ne.»

Esidirasi 9:13

Fala cuo ti kelima tin den tieni yaa tuonbiadi leni yaa tagiliciami po. Ama ba yeni, ti Tienu ŋaa waani ti fala nani ti tuonbiadi n den pundi maama. A go kubi tinba yaa niba n sieni ti yonbidi nni, ke ti ye.

Nehemi 1:5

ki yedi o: «Li Miali Diedo U Tienu yua n ye tanpoli, fini yua n yabi ki pia i jeje, fini yua n kubi ŋan den bili yaa ŋantaado leni yaaba n bua ŋa, ki kubi a bali maama, ki gba bi po mi ninñima,

Pisomi 47:2

Yinba i nilanbuoli kuli, Pua mani ti nupodi! Yiini mani ki pagi U Tienu!

Pisomi 66:3

Yedi mani U Tienu: «A bontienkaala pia i jeje!» A yibalinba gunbi a kani leni ti ñoamamandi, Kelima a paalu n yabi maama po.

Pisomi 66:5

Cua mani ki le U Tienu n tieni yaala, Yaala n jiendi bi niba, kelima o paaciamu po.

Mi Ñama 18:8

Musa den waani o cuado o Diedo n den tieni Faraon leni Ejipiti yaaba yaala kuli, kelima Isidayeli yaaba po. O den waani o ban den laa yaa fala kuli u sanu nni leni o Diedo n den faabi ba maama.

Esayi 9:6

O bali baa yaa pugidi, Mi yanduanma mo baa yaa ye Yaa yogunu kuli. O baa kali Davidi bali kalikaanu, Ki diedi o diema. O baa pugini mi paalu Ki kubi ma leni mi teginma Leni yaa bujiali n tiegi, Moala leni yaa yogunu kuli. Li Miali Diedo U Paaciamu Kuli Daano n baa Tieni yeni o buacianma po.

Danieli 9:4

N den mia o Diedo n Tienu, ki tuo ki doagidi n buolu tuonbiadi, ki yedi o: «O Diedo, fini U Tienu yua n yabi, ki pia li fangili, fini yua n kubi ŋan den kuani yaa ŋantaado, ki ye leni yaaba n kubi a ñoamabonbilikaana, ki ŋanbidi yaaba n bua ŋa po.

Danieli 9:6

Tii den cengi a naacenba bi saawalipuaba, yaaba n den maadi leni ti badiba, ti badijaba, ti baanba leni ti diema yaaba kuli a yeli nni.

Danieli 9:8

O Diedo, tinba, ti badiba, ti yudanba leni ti baanba, tikuli ye leni i fe, kelima ti tieni a po ti tuonbiadi.

Levi 26:18

Lani kuli yaa tieni, ke yi baa ki yie kaa cengi n maama, n baa faligi yi taalimilele yi tuonbiadi po.

Levi 26:21

Yi yaa go yie kaa cengi n maama, n baa pua yi taalimilele, nani yi tuonbiadi n tie maama.

Levi 26:24

mini moko baa yie yi, ki pua yi taalimilele goga yi tuonbiadi po.

Levi 26:28

n baa sedi yi po leni li pabienli, ki pua ki faligi yi taalimilele goga yi tuonbiadi po.

Mi Tiadima 7:12

Yaa yogunu ke yi cengi a naa ñoamabona, ki kubi ki go tieni ŋan yedi yaala, o Diedo yi Tienu baa kubi wan den poli ki niani yaala leni yaa ŋanbili yi baanba.

Mi Tiadima 7:13

O baa bua yi, ki seligi yi, ki teni yin yaa maa ki pugidi. O baa seligi yi madi leni yi tinga bonluonkaala. O baa seligi yi ŋalikama, yi duvenpaano, yi kpama, yi ne leni yi yanbidi madi, wan den poli leni yi baanba ke o baa pa yi yaa diema nni.

Mi Tiadima 7:21

Yi gbani n da digibi bi po, kelima o Diedo yi Tienu ye yi siiga. O tie yaa Tienu n yabi, ki go pia i jeje.

Mi Tiadima 7:9

Lani, yi baa bandi ke Li Miali Diedo yi Tienu n tie U Tienu, yaa Tienu n tiegi. O kubi o ŋantaado leni o ŋanbili yaaba n bua o, ki kubi o bali maama hali nifiima tudili.