Nehemi 9:29 - U TIENU MAAMA TILI 2013

²⁹ A den tigini ba ban guani ki kubi a bali maama, Ama bi den suagi liiga leni ti japaadi. Baa cengi a mabilikaama, Ki miidi a ñoamabona ya n teni ke yua n tuo ki kubi a, baa yaa ye. Bi den fiini mi yiema ki juagi bi tuli, kaa tuo a maama.

Gourmanchéma Bible

²⁹ A den tigini ba ban guani ki kubi a bali maama, Ama bi den suagi liiga leni ti japaadi, Baa cengi a mabilikaama, Bi miidi a ñoabona ya n teni ke yua n tuo ki kubi la baa yaa ye. Bi den fiini mi yiema ki juagi bi tuli kaa tuo a maama.

Nehemi 9:29 ပူးပေါင်းရင်းမြစ်များ

2 Bi Badiba 17:13

O Diedo den soani Isidayeli leni Juda yaaba po bi saawalipuaba leni yaaba n nua saala bonla kuli, ki yedi ba: «Lebidi mani ki ŋaa yi sanbiadi, ki yaa kubi n bali maama leni n ñoamabona. Yin yaa ŋua mani n bali maama kuli cain, min den bili yi yaajanba po yaa bali maama ki soani n naacenba bi saawalipuaba ke bi waani yi yaama yeni.»

2 Bi Badiba 17:14

Ama Isidayeli leni Juda yaaba naa den cengi. Bi den juagi bi pala nani bi yaajanba yaaba n kaa den dugi o Diedo bi Tienu po n den tieni maama.

2 Bi Badiba Jama 24:19

O Diedo den soani bi saawalipuaba bi siiga, ke ban waani ba ban lebidi ki guani o kani, ama niloba kuli ki den cengi ba.

2 Bi Badiba Jama 33:10

O Diedo den maadi Manase leni o niba, ama baa den cengi.

2 Bi Badiba Jama 36:15

O Diedo bi yaajanba Tienu yua n pia mi buama den tuodi ki lindi ki tuuni o tonda ke ban maadi o maama, kelima o bua ki faabi o niba leni o diegu yaagu n tie o yekaanu.

Nehemi 13:15

Lanyogunu n den laa Juda diema nni, ke bi niba ŋmaadi i duventiidi bonluonkaala, duven ŋanbikaanu U Tienu fuodima daali. Bi tianba den kuandi a ŋalikama baba, ki tungi i ŋunbi duven, duven tiidi bonluonkaala, a kankana leni bonbuolu kuli ki caani Jerusalemi U Tienu fuodima daali. N den funi leni ba ban kuadi bi kuadima yaa daali.

Nehemi 9:10

A den tieni mi bancianma leni li bonlidinkaala, Ki tuogi leni Faraon, o koanbala Leni o diema yaaba kuli, Kelima a bani ban den faligi ti yaajanba maama. Lanwani, a den doagidi a kpiagidi Nani ŋan doagidi ti maama dinla.

Nehemi 9:16

Ama ti yaajanba den tieni ti japaadi, Ki juagi bi tuli, baa den cengi a bali maama.

Nehemi 9:26

Ama ba yeni, bi den fii ki fiini mi yiema a po. Bi den luni a bali maama, Bi den kpa a saawalipuaba yaaba n den tigini ba Ke ban guani a kani. Bi den tudi a po tudicianma.

Nehemi 9:30

A den juuni leni ba hali yaa bina n yabi. A saawalipuaba yaaba n den gbie leni a Fuoma den tundi ba. Ama baa den cengi. Lanwani, a den taa ba ki tieni bi nilanba nuu nni.

Mi Ñama 10:3

Musa leni Alono den gedi Faraon kani ki yedi o: «Li Miali Diedo, Hebilu yaaba Tienu yedi: A baa yaa yiedi ke a kan miini a yuli n nintuali ki pundi u laa yogune? Cedi n niba n gedi ki kpiagi nni.

Jeremi 17:23

Ama yi baanba yeni naa den cengi, baa diadi bi tuba, bi juagi bi pala, kelima baa bua ki gbadi ki go gaa mi bangima.»

Jeremi 19:15

Li Miali Diedo U Paaciamu Kuli Daano, Isidayeli Tienu yedi mine: «N baa teni min den maadi yaa yebiadima maama yeni, n baa u naa dogu leni wun die yaa dogi kuli, kelima bi juagi bi pala kaa bua ki cengi n maama.»

Jeremi 42:19

Jeremi den yedi: «O Diedo yedi yinba Juda yaaba, yaaba n sieni, da gedi mani Ejipiti. Bandi mani ke n kadi ki waani yi i moamoani cain dinla.

Jeremi 43:2

Hosaya bijua Asariya, Kalea bijua Yohanani leni bi japaadanba yeni kuli, den yedi Jeremi: «Ŋan yedi yaala yeni kuli tie faama. O Diedo ti Tienu ki soani a ŋan yedi: ‹Da gedi mani ki ban wuoni Ejipiti diema nni.›

Jeremi 44:10

Hali ki ban tuoni dinla, yi naa biidi yi pala, yi naa baa fangiliba, yi naa ŋoadi min den teni yinba leni yi baanba yaa bali maama leni yaa ñoamabonbilikaana.› »

Jeremi 7:26

Ama baa cengi n maama. Baa diadi bi tuba ki cengi. Bi juagi bi pala. Bi tieni yaala n bia ki cie bi baanba.

Esekieli 20:11

N den teni ba n ñoamabona leni n bali maama, o nilo n baa kubi yaala, ki fidi ki yaa ye.

Danieli 5:20

Ama wan den fiini o yuli, ki juagi o pali, ki cuoni leni ti japaadi yaa yogunu, bi den gaa o bali, ki fie o kpiagidi.

Ose Tili 6:5

Lani n teni ke n pua yi leni n saawalipuaba maama, Ki kpa yi leni n ñoamaama. N buudi baa ludi ki cua nani mi yenma yeni.

Levi 18:5

Yin yaa kubi n bali maama leni n ñoamabonbilikaana. Yaa nilo n kubi ki tiendi likuli, baa yaa ye kelima li yaa po. N tie Li Miali Diedo.

Matie 19:17

Jesu den guani ki buali o: «Be yaa po ke a buali nni yaala n ŋani po? Yendo bebe n ye ki ŋani. A yaa bua ki baa yaa miali n kan gbeni, ŋan yaa tiendi li bali maama n bili yaala.» O den buali o: «Lile?»

Luki 10:28

Jesu den yedi o: «A guani ke li tiegi. Yaa tiendi yeni, a baa yaa ye.»

LOMA YAABA 10:5

Musa diani yaa teginma n baadi kelima li bali maama kubima po ki yedi: «Yaa nilo n tiendi man bili yaala kuli baa yaa ye kelima mi yaa po.»

Galati 3:12

Li bali maama naa taa leni li dandanli, ama mi yedi: «Yaa nilo n kubi ki tiendi likuli baa yaa ye kelima li yaa po.»

Mi Tiadima 31:21

Fala leni li paboanli buoli boncianla yaa ti nandi ba yaa yogunu, bu naa yanbu, bi puoliŋuani n kan sundi yaabu yaa po yeni, baa yaa tie laa niba po siedi, kelima n bani cain dinla, ban jagi yaala hali ke n daa teni ke bi kua min poli ke n baa pa ba yaa diema yeni niinni.»

Mi Tiadima 31:27

N bani yi yiema leni yi tupaali po. Yi yaa den fiini mi yiema o Diedo po min da fo ki ye yi siiga yaa yogunu, ŋme n nan ji buali n yaa ti kpe mo!

Mi Tiadima 4:26

Tanpoli leni ki tinga n tie siedinba mini leni yinba siiga dinla. Li yaa tie ke yi tieni laa tuonbiadi buolu, yi baa kpe ki bodi tontoni yin baa kandi Jurden ki diedi yaa diema yeni niinni. Yi miana kan foagidi, kelima yikuli baa bodi cain.

Bi Bujiaba 6:10

N den yedi yi: N tie Li Miali Diedo yi Tienu. Yin da jie Amoriti yaaba, yin ye bani yaaba yaa diema nni yeni tieni. Ama yii den tuo min yedi yaala.»