Nehemi 9:10 - U TIENU MAAMA TILI 2013

¹⁰ A den tieni mi bancianma leni li bonlidinkaala, Ki tuogi leni Faraon, o koanbala Leni o diema yaaba kuli, Kelima a bani ban den faligi ti yaajanba maama. Lanwani, a den doagidi a kpiagidi Nani ŋan doagidi ti maama dinla.

Gourmanchéma Bible

¹⁰ A den tieni mi bancianma leni li bonlidikaala Ki tuogi leni *Falono leni o koanbala Leni o diema yaaba kuli Kelima a den bani ban tieni ti yaajanba yaa tugutongu. Lanwani a den doagidi a kpiagidi Nani ŋan doagidi ti maama dinla.

Nehemi 9:10 ပူးပေါင်းရင်းမြစ်များ

Nehemi 9:16

Ama ti yaajanba den tieni ti japaadi, Ki juagi bi tuli, baa den cengi a bali maama.

Nehemi 9:29

A den tigini ba ban guani ki kubi a bali maama, Ama bi den suagi liiga leni ti japaadi. Baa cengi a mabilikaama, Ki miidi a ñoamabona ya n teni ke yua n tuo ki kubi a, baa yaa ye. Bi den fiini mi yiema ki juagi bi tuli, kaa tuo a maama.

Pisomi 83:18

Teni ban yaa ye leni i fe Leni ti jawaandi yaa yogunu kuli po. Teni ban le i fe, ki bodi cain!

Mi Ñama 18:11

N bani moala ke Li Miali Diedo pia u paalu ki cie i tieni kuli, kelima o teni ke Ejipiti yaaba biadima guani ki baa bi yula po.»

Mi Ñama 3:20

N baa tandi n nuu ki pua Ejipiti leni mi bancianma buoli kuli, min baa tieni yaama mi diema nni. Lani yaa pendi, o baa gbe ki cedi yin gedi.

Mi Ñama 5:2

Faraon den yedi: «Li Miali Diedo tie ŋme yo ke n baa tuo ki ŋoadi o maama, ki cedi Isidayeli yaaba n gedi? Mii bani Li Miali Diedo, n kan tuo Isidayeli yaaba n gedi mo.»

Mi Ñama 7:1

O Diedo den yedi Musa: «Diidi, n baa teni ŋan tua nani U Tienu yene Faraon po. A kpelo Alono, o baa yaa tie a saawalipualo.

Mi Ñama 9:16

Ama n cedi ke a ye. Yeni, a baa le n paalu, n yeli mo go baa ña li ŋandunli nni kuli.

Esayi 42:20

A laa li bonla boncianla, Ama ŋaa den kpaagi li po. Bi tuba pigidi, ama baa gba liba.

Esayi 63:12

O den tandi o buagu yaagu n pia u paalu, Ki gobidi Musa nujienu. O den jia mi ñima bi nintuali, Ki baa teni o yeli n ña hali Yaa yogunu kuli po.

Esayi 63:14

O Diedo Fuoma den gedini ba Mi fuodima kaanu, Nani yaa yandi n ji ku joaloangu nni yeni. Lani n tie ŋan den gobidi a niba maama, Ke a yeli ñani ki pia ti jigidi.

Jeremi 32:20

A tieni mi bancianma leni li bonlidinkaala Ejipiti diema nni. Hali dinla, Isidayeli diema nni leni bi niba kani, a yeli ñani dinla nani tin nua maama.

Esekieli 20:9

Die mii den tieni la, kelima mii den bua ban ye yaa nibuoli siiga yaaba n fali n yeli. N den teni ke bi bandi nni i nibuoli kuli nintuali, ki ñani ba Ejipiti diema nni.

Danieli 5:23

A fiini a yuli, ki koani leni Tanpoli Diedo, ki teni ke bi cuani a kani yaa tadiñokaamu n den ye o diegu nni, ke yi ñuni mi daama mu niinni, fini leni a paatieba, a puoba leni a puoconcona. A pagi i buli yii n tie ŋanjilifa, wula, ti kumoandi, ti kuboandi, ti daadi, yaa ka a tana, yaala n kaa gba, kaa bani liba mo. Ŋaa kpiagi U Tienu yua n kubi a miali leni a cabili kuli o nuu nni.

Danieli 9:15

O Diedo ti Tienu, a yeli den ñani ki kpedi nani lin tie maama dinla, kelima a den ñani tinba a buolu Ejipiti nni leni a nuu paalu. Ama tinba, ti tieni ti tuonbiadi ki tudi a po.

Jesu Tondiba Tuona 7:36

Wani Musa den tieni mi bancianma leni sinankeeninba Ejipiti nni leni mi Ñincianmoanma nni, ki ñani Isidayeli yaaba, ki go tiendi mi bancianma leni sinankeeninba mi fanpiencianma nni hali bina piinaa.

LOMA YAABA 9:17

Li go diani Faraon mo yaa po ki yedi: «Min yini a ki teni ke a tua o badiciamo yaala yaa po tie ke n bua ki doagidi n paalu kelima a yaa po, ki go teni n yeli n ña ŋanduna nni kuli kelima a yaa po.»

Mi Tiadima 4:34

Naani li kpa baa yaa tienu n cua ki gandi u yuli po nibuolu nibuotoe siiga? Naani tiento kpa tieni biigima, sinankeene, bancianma, bonlidinkaala, jama leni paalu, nani Li Miali Diedo yi Tienu n tieni yi po maama, yi nunbu nni, Ejipiti nni?

Mi Tiadima 7:19

O Diedo yi Tienu paalu n den ñani yi Ejipiti nni yaa yogunu, yi den laa wan den waani ba yaa falaciamo. Yi den laa mi biigicianma buoli kuli, sinankeene leni li bonlidinkaala. O Diedo yi Tienu baa soani yin jie yaa nibuoli kuli yene.

1 Pieri 5:5

Yinba bi jawaaba mo, yin yaa miindi yi yula a nikpela kani. Yikuli n yaa miindi yi yula yiyaba kani, ki yaa la li yumiinli, ki yaa todi yiyaba kelima li diani: «U Tienu yiedi bi japaadanba, Ama o puuni bi yumiindanba o ŋanbili.»