Nehemi 8:7 - U TIENU MAAMA TILI 2013

⁷ Li yaa puoli, Josue, Selebia, Jamini, Akubi, Sebetayi, Hodiya, Maaseya, Kelita, Asariya, Josabadi, Hanani, Pelaya leni Levi buolu den bundi bi niba po li bali maama, ke nilo kuli se o kaanu.

Gourmanchéma Bible

⁷ Li yaa puoli, Josue leni Selebia leni Jamini leni Akubi leni Sebetayi leni Hodija leni Maaseja leni Kelita leni Asalia leni Josabadi leni Hanani leni Pelaya leni Lefi buolu yaaba den bundi bi niba po li bali maama, ke nilo kuli se o kaanu.

Nehemi 8:7 ပူးပေါင်းရင်းမြစ်များ

1 Bi Badiba 8:14

O bado den jigidi ki nuali Isidayeli yaaba nitaanli kuli ke bikuli se, ki gaali ba.

2 Bi Badiba Jama 30:22

Esekiasi den maadi ki paagi Levi yaaba pala, kelima bi yankuali o Diedo tuonli po, den yabi boncianla. Bi den padi mi taanyenma pada, ki di mi jaanjiema, ki kpiagidi o Diedo bi yaajanba Tienu.

2 Bi Badiba Jama 35:3

O den maadi leni Levi yaaba, yaaba n den bangi bi niba ki go ye o Diedo tuonli po, ki yedi ba: «Kuani mani yaa kpaku n gagidi ki ŋani, Isidayeli diema bado Davidi bijua Salomon n den maa yaa diegu yaa niinni. Yi kan go bugi ku yi boacaba po. Moala yin soani o Diedo yi Tienu po leni Isidayeli yaaba po.

Esidirasi 8:18

Nani U Tienu n den ye leni ti ki kubi ti yeni, bi den cuani ti po Selebia, yua n den tie yanfuodaano ki tie Makiri buolu yua, Jakob bijua Levi yaabili. Bi den cuani wani, o bijaba leni o kpiiba ke bikuli tie piiga n nibinii.

Nehemi 10:18

Ateli, Esekiasi, Asuri,

Nehemi 10:2

Yaaba n den tieni bi maalima nne: Hakalia bijua Nehemi, yua n den tie guveneeri,

Nehemi 11:16

Li den tie wani leni Sabetayi leni Josabadi, yaaba n den tie Levi buolu siiga yudanba, ki die U Tienu diegu niinpo tuona maama.

Nehemi 11:19

A buliñoaguuda mo den tie Akubi, Talimoni leni bi buliñoaguudilieba. Bikuli den taani ki tie kobiga n piilele n nibilie.

Nehemi 12:33

leni Asariya, Esidirasi, Mesulami,

Nehemi 3:17

Levi buolu den maa ki tugini o kani: Bani bijua Rehum leni Keyila dogu boagidima yudaano Hasabia yua n den soani o dogu po

Nehemi 3:19

leni Josue bijua Eseli Misipa dogu yudaano yua n den maa bilinjentoali ki tiegi ti toatiadi ŋmaadokaanu, i bilini logidima kani.

Nehemi 3:23

Bi yaa puoli, Benjamen leni Hasubi den maa bilinjenyenli ki kuu bi diedi. Maaseya bijua Asariya, wani Anania yaabili den maa ki tugini bi kani, ki kuu o diegu.

Nehemi 8:12

Lanwani, bi niba kuli den kuni ki ban dini ki go ñuni, ki soani mi jiema yaaba n ki pia po, ki mangi bi pala boncianla, kelima bi den gaa ban den bundi bi po yaa maama.

Nehemi 8:4

Esidirasi den doni ki se ban den taa ti daadi ki ŋanbi yaa sedikaanu, li taanli yeni po. Matitia, Sem, Anaya, Uriya, Hilikiya leni Maaseya den se o jienu po ki baali o, ke Pedaya, Mikayeli, Malikiya, Hasumi, Hasibadana, Sakari leni Mesulami mo se o ganu po.

Nehemi 8:6

Esidirasi den jaandi ki kpiagi o Diedo U Tienu yua n yabi. Bi niba kuli den yugidi bi nii ki yedi: «Amina! Amina,» ki labini tiipo ki kpiagi o Diedo.

Nehemi 8:8

Bi den cogi U Tienu bali maama tili bonŋanla, ki go bundi ke bi niba kuli n fidi ki gaa ban cogi yaala.

Nehemi 9:3

Ban den fii ki sedi, bi den cogi bi po o Diedo bi Tienu bali maama tili nni, hali kuditaa. Bi go den laabi ki doagidi ki wangi bi tuonbiadi ki miadi U Tienu sugili hali kuditaa.

Nehemi 9:4

Josue, Bani, Kadimieli, Sebania, Buni, Selebia, Bani leni Kenani den doni ki sedi Levi buolu sedikaanu po, ki kpaani ki mia o Diedo bi Tienu mi todima.

Levi 10:11

ki bangi Isidayeli yaaba o Diedo n den puogi Musa ke o bili yi po yaa bali maama kuli.»

Malaki 2:7

O kopadiciamo tuonli n tie ki bangi bi niba. Bi niba baa buali wane li bali maama, kelima wani n tie Li Miali Diedo U Paaciamu Kuli Daano tondo.

Mi Tiadima 33:10

Bi bangi a ñoamabona Jakob puoliŋuani, Isidayeli yaaba mo a bali maama. Bi juugi yaa dugibila yaa nuulu n mani a po, Ki juugi li padili mo kuli a padibinbinli po.