Nehemi 8:2 - U TIENU MAAMA TILI 2013

² Wani o kopadiciamo Esidirasi den taa li bali maama tili ki cuani li nitaanli kani, bani bi jaba, bi puoba leni yaaba n baa fidi ki gaa mi maama kuli. Li den tie o cileleelo dakpiali.

Gourmanchéma Bible

² Wani o kopadiciamo Esidilasi den taa li bali maama tili ki cuani li nitaanli kani, bani bi jaba leni bi puoba leni yaaba n baa fidi ki ga mi maama kuli. Li den tie o cileleelo dakpiali daali.

Nehemi 8:2 ပူးပေါင်းရင်းမြစ်များ

Nehemi 10:29

Isidayeli yaaba, yaaba n sieni, bi kopadicianba, Levi buolu, a buliñoaguuda, bi yanyinba, U Tienu diegu naacenba leni yaaba n den paadi leni bi nilanba ki ŋoadi U Tienu bali maama kuli, bi puoba, bi bijaba leni bi bisiaba, yaaba n den baa fidi ki gaa bonla kuli,

Nehemi 13:1

Lanyogunu bi den cogi Musa bali maama tili nni, ki laa ke li diani ke Anmoni buolu yua leni Moabi buolu yua kan taani U Tienu niba siiga,

Nehemi 8:18

Bi den cogi bi po U Tienu bali maama tili daali kuli, ki cili mi jaanma cilidaali, ki ban pundi hali mi juodima daali. Bi den jaani laa jaanma danalele, ki taani taancianli li daniili daali nani lan den bili maama.

Nehemi 8:9

Nehemi, yua n den tie guveneeri, li bali maama bando Esidirasi, yua n go den tie o kopadiciamo leni Levi buolu, yaaba n den bangi bi niba yeni, den yedi bi niba kuli: «Dinla yaa daali gagidi o Diedo yi Tienu po. Yin da boandi yi pala ki yaa buudi yeni,» kelima bi niba kuli n den gbadi li bali maama n yedi yaala, bi den buudi.

Nehemi 9:1

Cilele yeni piilie n danaali, Isidayeli yaaba den taani ki baa loli bu ñoabu. Bi den yie li paboanli tiadi, ki wuli bi ba po mi tama.

Esayi 28:9

Bi tua: «O bua ki bangi ŋme yo mi bangima? O bua ki tundi ŋme yo? Naani li tie ban da babidi yaa bila li biile? Bi ban kaa go ŋaandi yaa bila?

Levi 23:24

«Yedi Isidayeli yaaba: Cilele dakpiali baa yaa tie yi po fuodima daali. Yi baa piebi a naatuntuna, ki kpaani. Yi baa taani bi niba ki tieni taangagidikaali.

Malaki 2:7

O kopadiciamo tuonli n tie ki bangi bi niba. Bi niba baa buali wane li bali maama, kelima wani n tie Li Miali Diedo U Paaciamu Kuli Daano tondo.

Mi Coadima 29:1

Cilele dakpiali, yi baa taani ki tieni taangagidikaali. Yi kan soani tuonpaaliba kuli. Li baa yaa tie yi po a naatuntuna piebima daali.

Jesu Tondiba Tuona 15:21

Ki cili hali yogu, li den pia dogu nni kuli yaaba n wangi Musa bali maama, kelima bi den cogi ma mi fuodima daali kuli li bali maama bangima diena nni.»

Mi Tiadima 17:18

O yaa ban kali ti gbandi po yaa yogunu, o baa teni ban cogi o po li tili nni, mi naa bali maama, wan baa gaa yaama bi kopadicianba Levi buolu yaaba kani.

Josue 8:35

Josue den cogi bi po Musa n den bili yaa ñoamabonbilikaana kuli. Waa den ŋaa ba mayenma kaa cogi ma Isidayeli yaaba nitaanli, bi jaba, bi puoba, a bila leni yaa nilanba n den ye bi siiga kuli po.