Nehemi 8:1 - U TIENU MAAMA TILI 2013

¹ O cileleelo n den ñani, Isidayeli niba yaaba n den ye bi dogi nni kuli den cua. Bikuli den taani leni yanyenma yaa fanma n tiegi u dogu bilinciamu buliñoabu, mi Ñima Buliñoabu kani. Bi den yedi li bali maama bando Esidirasi, ke wan taa Musa bali maama tili, U Tienu n den teni Isidayeli yaaba yaa bali maama yeni ki cuani.

Gourmanchéma Bible

¹ O cileleelo n den ñani, Isalele niba yaaba n den ye bi dogi nni kuli den cua. Bikuli den taani leni yanyenma yaa fanma n tiegi u dogu bilinciamu buliñoabu, Ñima Buliñoabu kani. Bi den yedi li *bali maama bangika Esidilasi, ke wan taa Musa bali maama tili, U Tienu n den teni Isalele yaaba yaa bali maama yeni ki cuani.

Nehemi 8:1 ပူးပေါင်းရင်းမြစ်များ

2 Bi Badiba 23:2

Lanwani, o bado, Juda diema yaaba, Jerusalemi yaaba, bi kopadicianba, bi saawalipuaba, bi niba kuli, a nikpiaga leni taliginba kuli den gedi U Tienu diegu kani. O den cogi bikuli po o ŋantaado tili maama, ban den laa yaali o Diedo diegu nni yeni.

2 Bi Badiba Jama 34:15

Lanwani, Hilikiya den maadi leni Safani o tidianlo ki yedi o: «N laa li bali maama tili o Diedo diegu nni.» Hilikiya den teni li tili yeni Safani.

2 Bi Badiba Jama 34:30

Bani leni o bado, bi kopadicianba, Levi yaaba, Juda leni Jerusalemi niba kuli, ki cili a nikpela ki pundi hali a bila kuli den taani ki kua o Diedo diegu nni. O den cogi bikuli po o ŋantaado tili maama kuli, ban den laa yaali o Diedo diegu nni yeni.

Esidirasi 7:1

Lani kuli n den pendi, Esidirasi den kpeni Jerusalemi, Persi diema bado Aritakiselisesi bali yogunu. Esidirasi yeni den tie Seraya bijua, bi kopadicianba bado Alono puoliŋuanu yua. Alono den mali Eleasari, Eleasari n maa Finea, Finea n maa Abisua, Abisua n maa Buki, Buki n maa Usi, Usi n maa Seraya, Seraya n maa Melajoti, Melajoti n maa Asariya, Asariya n maa Amaria, Amaria n maa Ahitubi, Ahitubi n maa Sadoki, Sadoki n maa Salumi, Salumi n maa Hilikiya, Hilikiya n maa Asariya, Asariya n maa Seraya, Seraya mo n maa Esidirasi.

Esidirasi 7:10

Li den tie yeni kelima Esidirasi den kuani o yama ki bangi o Diedo bali maama, ki go kubi ma ki tieni man yedi yaala, ki go bangi Isidayeli yaaba U Tienu bali maama yeni leni o ñoamabonbilikaana kuli.

Esidirasi 7:11

O bado Aritakiselisesi den diani li tili ki teni Esidirasi yua n den tie o kopadiciamo leni li bali maama bando, ki go dangi o Diedo n den bili yaa bali maama leni yaa ñoamabonbilikaana Isidayeli yaaba po. Li tili yeni maama den tie mine:

Esidirasi 7:6

Esidirasi yeni den ñani Babilonni ki guani ki kpeni Jerusalemi. O den tie li bali maama bando, ki bani o Diedo Isidayeli Tienu n den teni Musa yaa bali maama hali bonŋanla. O bado den teni o wan mia o yaala kuli, kelima o Diedo o Tienu den ye leni o ki ŋanbi o po.

Nehemi 12:26

Bi den ye Yotisadaki yaabili Joakimi, Josue bijua yogunu, guveneeri Nehemi leni Esidirasi yua n den tie o kopadiciamo leni li bali maama bando yaa yogunu.

Nehemi 12:37

Ban den pundi li Ñinbunli Buliñoabu kani, bi den sua ke bi ye Davidi dogu dojiidikaanu nintuali. Bi den doni u bilinu dokaanu kani. Bi den kpedi ki caadi Davidi badidiegu, ki cuoni ki ban pundi hali mi Ñima Buliñoabu, u dogu puoli.

Nehemi 3:26

U Tienu diegu naacenba yaaba n den ye Ofeli Ñianjaali, ki juaga po, den maa ki ban pundi hali yaa diefoagili n tuugi leni u bilinu, ki ye mi Ñima Buliñoabu puoli po.

Nehemi 8:16

Lanwani, bi niba kuli den gedi ki ban baa i beni ki tii a suga bi diena yula po, bi luoli nni, U Tienu diegu luoli nni, u bilinciamu buliñoabu, mi Ñima Buliñoabu fanma nni leni yaabu n yi Efrayimi Buliñoabu yaa fanma nni kuli.

Nehemi 8:3

Esidirasi den se yaa fanma n tiegi u dogu bilinciamu buliñoabu yaabu n yi mi Ñima Buliñoabu kani, ki cogi li tili yeni, ki cili ku tiŋaagu ki yaa caa hali u yensiinu, ke bi jaba, bi puoba leni yaaba n baa fidi ki gaa mi maama kuli ye likani. Bi niba kuli den cengi bonŋanla wan cogi yaala.

Esayi 8:20

Bi yaa buali yi, yi baa guani ba: Li tie ban guani li bali maama leni siedi kane. Bi yàá tieni yeni, suginmiba kuli kan yaa ye bi niba po.

Levi 9:5

Bi den taa Musa n den waani ba yaala yeni kuli, ki cuani u Kadikaanu Gbandieli buliñoabu kani. Li nitaanli kuli den cua ki sedi o Diedo nintuali.

Matie 13:52

O den yedi ba: «Lanwani, li bali maama banda siiga yua n tuo ki gaa yaala n tie tanpoli diema bonla kuli, tie nani yaa diedaano n ñandi o ŋalimano nni li bonpanla leni li bonkpelila kuli.»

Matie 23:13

Fala baa yaa ye leni yi, yinba li bali maama banda leni Farisieninba palalie danba, kelima yi luoni tanpoli diema kuama bi niba po. Yii kua yiba, yaaba n bua ki kua mo, yi kan cedi ban kua. [

Matie 23:2

«Li bali maama banda leni Farisieninba pia li bali ki bangi Musa n den soagini yaa bali maama.

Matie 23:34

Li tie lani yaa po ke n tuuni yi po bi saawalipuaba, bi yanfuodanba leni U Tienu Laabaaliŋamo bangikaaba. Yi baa kpa bine, ki joani bine a dapoanpoana po, ki pua bine i baliji li bali maama bangima diena nni. Yi baa yaa ŋua ki wangi bine fala ban kua yaa dogu nni kuli,

Mi Tiadima 31:11

Isidayeli yaaba kuli yaa cua o Diedo a Tienu nintuali wan gandi yaa kaanu yeni kani, a baa cogi li naa bali maama Isidayeli yaaba kuli nintuali ban gbadi ma.

Bi Bujiaba 20:1

Isidayeli yaaba kuli den taani ñoabu, ki gedi ki taani Misipa dogu nni, o Diedo nintuali. Bi den ñani i kaani kuli, ki cili nujienu po, Dan dogu, ki yaa caa hali nuganu, Beti-Seba dogu leni Galaadi, puoli po yaa diema.

Bi Bujiaba 20:8

Bi niba kuli den taani ñoabu, ki fii ki yedi: «Ti siiga oba kuli kan kuni o denpo, o gbandieli po bi o diegu po.