Nehemi 6:9 - U TIENU MAAMA TILI 2013

⁹ Laa niba kuli den bua ki jieni ti. Bi den tama ke ti gbani baa wudi, tin cedi li tuonli. «Moala, n Tienu, ŋan pugini nni u fidu.»

Gourmanchéma Bible

⁹ Laa niba kuli den bua ki jieni ti. Bi den tama ke ti gbani baa wudi tin cedi li tuonli. «Moala, n Tienu, ŋan pugini nni u fidu.»

Nehemi 6:9 ပူးပေါင်းရင်းမြစ်များ

2 Bi Badiba Jama 15:7

Ama yinba, yin paagi mani yi pala, ki da cedi yi gbani n wudi, kelima yi baa baa i panpaani yi tuonli po.»

2 Bi Badiba Jama 32:18

Bi den maadi Hebilu maama nni ki kpaani, ki bua ki jieni ki go wudi Jerusalemi yaaba, yaaba n den jagi u bilinu po gbani. Bi den tieni yeni, ki bua ki fie u dogu.

Esidirasi 1:6

Ban den ye yaaba siiga kuli den puni ba yaa tiadi n tie ŋanjilifa, wula, tiatoadi, ti yandi leni yaa paabu n pia mayuli, kaa taa leni ban den puni yaala kuli bi yama po.

Nehemi 6:14

«N Tienu, ŋan tiadi Tobiya, Sanbala leni bi tuona po. Ŋan go tiadi o saawalipualo yua n tie pua, ki yi Noadia leni bi saawalipuaba yaaba n sieni po, bani yaaba n den lingi ki baa jieni nni.»

Pisomi 138:3

Lani n tie ban bandi Mi tinfanma kuli nni a sanu, Leni i nibuoli kuli siiga a faabima.

Pisomi 56:3

Daali kuli n yibalinba yagini n yama. U Tienu U Paaciamu Daano, Yaaba n cidi nni bu toabu yabi.

Pisomi 68:35

Kpaani mani ki doagidi Ke U Tienu n tie U paalu Daano! O kpiagidi yiini Isidayeli yaaba po, O paalu mo ye ti tawadi nni.

Pisomi 71:1

O Diedo, n sani ki wuoni a yaa kane, Da teni min fiagi.

Esayi 40:29

O puuni yua n coagi u fidu, Ki pugidi yua n tadigi mo u paalu.

Esayi 41:10

Ŋan da jie kelima n ye leni a. Ŋan da nua leni yanbani Kelima n tie a Tienu. N baa yaa pugidi a fidu, N baa cua ki todi a, N kubi a leni n nujienu yuu paani li bonla kuli.

Jeremi 38:4

O bado koanbala den yedi o bado: «Teni ban kpa o naa joa, kelima o teni ke yaa toatieba n sieni u dogu nni leni bi niba kuli gbani baa wudi, kelima o maama po. O joa ne ki lingi bi niba ŋamu ka, o lingi bi yebiadima yo.»

Esekieli 30:24

N baa pugini Babilonni bado buadi u fidu ki mubini o nuu nni n yaa jugisiega. N baa kua kua Faraon buadi wan kpe ki mua ki yalini o nintuali.

Sakari 10:12

N baa pa n niba u fidu, Bi baa yaa kpiagidi nni, Ki tuodi ki tiendi min yedi yaala. Mini o Diedo n yedi yeni!»

2 Korenti 12:9

Ama o den yedi nni: «N ŋanbili dagidi a po, kelima n paalu doagidi ku tadingu nne.» Lani yaa po, n tadingu nni, n baa yaa kpiagidi n yuli ki pugidi. Lani n tie Kilisiti yaa paalu n yaa ŋua nni.

Efesa 3:16

N miadi wani U Tienu, wan pa yi nani o kpiagidi ŋalimano n yabi maama, ke o Fuoma n yaa tuuni yi niinni leni u paalu, ki teni yin yaa pa hali yi pala tugu nni,

Efesa 6:10

N majuodikaama n tie ne: Yin yaa baadi mani yi fidu o Diedo kani leni o paalu yuu n cie li bonla kuli nni.

Filipi 4:13

N fidi likuli, kelima wani yua n puuni nni li paalu po.

Hebilunba 12:12

Lanwani, yin paagi yi nii yii n yoaligi leni yi duna ya n tadigi.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa tuo ki laa fala u yogunu waamu po. Wani o ba n baa ŋanbi yi cain, ki teni yin yaa se bonŋanla, ki paagi yi pala, ke liba kuli kan fidi ki lengi yi.

1 Samueli 30:6

Davidi den ye leni li paboancianli, kelima o toatieba den yedi ke bi baa lugidi o a tana. Yaala yaa po, bikuli pala den biidi kelima bi bijaba leni bi bisiaba po. Ama Davidi den guani ki paagi o pali, kelima o Diedo o Tienu po.