Nehemi 2:10 - U TIENU MAAMA TILI 2013

¹⁰ Horoni yua Sanbala leni o duogili Tobiya, Anmoni buolu yua, n den gbadi ke n cua, li den biidi bi pala boncianla ke o nilo cua ki baa lingi Isidayeli yaaba ŋamu.

Gourmanchéma Bible

¹⁰ Holoni yua Sanbala leni o duogili Tobija, Amoni buolu yua, n den gbadi ke n cua, li den biidi bi pala boncianla ke o nilo cua ki baa lingi Isalele yaaba ŋamu.

Nehemi 2:10 ပူးပေါင်းရင်းမြစ်များ

Nehemi 13:1

Lanyogunu bi den cogi Musa bali maama tili nni, ki laa ke li diani ke Anmoni buolu yua leni Moabi buolu yua kan taani U Tienu niba siiga,

Nehemi 13:28

Yoyada bijua yendo, yua n den tie bi kopadicianba bado Eliasibi yaabili, den cuadi leni Horoni yua Sanbala. N den deli o ki foagidi n kani.

Nehemi 13:4

Hali ke laa bonla daa tieni, bi den gandi o kopadiciamo Eliasibi ke wan yaa die U Tienu diegu diena maama. Nani wan den tie Tobiya kpiilo yeni,

Nehemi 2:19

Horoni yua Sanbala, o duogili Tobiya Anmoni buolu yua leni Gesem Arabi buolu yua, n den gbadi tin jagi yaala, bi den ñuadi ti ki fali ti, ki yedi: «Yi tiendi be nne? Yi bua ki fiini o bado po mi janjanma yo?»

Nehemi 4:7

Lani yaa po, n den sieni bi niba yaa kaani n ñua ki pia u kaanpaalu u bilinu puoli po. Bi den taa ki ye likani buolu buolu, ke yuakuli kubi o jugisiega, o kpaanli leni o dabanli.

Nehemi 6:1

Hali ke n daa caani ti buliñoaluoditi, Sanbala, Tobiya, Gesem Arabi yua leni ti yibalinba yaaba n sieni, den gbadi ke n guani ki maa u dogu bilinu, ke bonli ki go ye.

Nehemi 6:16

Ti yibalinba n den gbadi, yaa diema n den lindi ti kuli den jie boncianla ki tuo ke li tuonli den soani, kelima U Tienu yanbuama po.

Esiteri 10:3

Mardoke yua n den tie Jufi, den pia li bali ki ŋua ki duogi o bado Asuerusi. O Jufilieba kuli den bua o ki kpiagidi o. O den lingi bi ŋamu ki moandi ke o buolu kuli n yaa pia mi yemanma.

Pisomi 112:10

O nibiado yen le o o pali n yaa be, Wan yaa cegi o ñina ki kuodi. Bi nibiadiba suginma kuli baa bodi.

Mi Kpanjama 27:4

Ku tugumoangu bia, li pabienli pia mi jama, Ŋme n baa fidi ki niagi leni li nunponbiadili mo?

Mi Kpanjama 30:22

O yonbo yaa dini li bali, O gaado yaa baa ki dini ki guo,

O Yanfuodaano 10:7

N laa ke i yonbi jagi i taami, ke bi badijaba cuoni bi taana nani i yonbi yeni.

Esayi 15:5

N mua leni n pali kuli Moabi po, Yua yaa kpaada n tiini ki caa Tisoari po, Hali Egilati Selisiya, Kelima bi tiini ki go buudi ki do Luhiti, Bi mua i paboandanmoe hali Holonayim sanu nni.

Jeremi 41:10

Isimayeli den taa yaa niba n sieni Misipa dogu nni, ki gedini ba ti yonbidi. Lani n tie: o bado bisiaba leni yaaba n bi sieni Misipa Nebusaradani badidiegu guudikaaba yudaano n den piani Ahikami bijua Gedalia yaaba. Netania bijua Isimayeli den cuo ba ti yonbidi ki gedini ba. O den fii ki gedi Anmoni yaaba diema nni.

Jeremi 48:34

Hesibon bubula pundi hali Eleale, ki ban tuodi hali Yahatisi, ki ña Tisoari ki caa hali Horonayimi leni Egilati-Selisiya, kelima Nimirimi moko yaa ñima tua paboanli kaanu.

Jeremi 48:5

Bi niba do ki caa Luhiti leni a bubula, Horonayimi jiidima mo, bi gba ke bi buudi Li paboanli bubula.

Jesu Tondiba Tuona 4:2

Bi pala den beni kelima Pieli leni Jan bangi bi niba ki wangi ba ke bi tinkpiba kuli baa fii, kelima Jesu den fii bi tinkpiba siiga.

Jesu Tondiba Tuona 5:24

U Tienu diegu jiidikaaba yudaano leni bi kopadicianba yudanba n den gbadi laa maama, li den wudi ba ke bi bungi yaala n baa yuandi ki tieni.