Nehemi 13:5 - U TIENU MAAMA TILI 2013

⁵ wani Eliasibi den ŋanbi ki teni o diecianli, ban den kpa kuandi naani bu paabu, a dugibila, ti tiadi, ŋalikama, o duvenpaano leni mi kpama kuli yaa diim, ke li tie Levi buolu, bi yanyinba leni a buliñoaguuda po. Bi go den kuandi ban ñandi yaala bi kopadicianba po moko laa dieli nni.

Gourmanchéma Bible

⁵ wani Eliasibi den ŋanbi ki teni o diecianli, ban den kpa kuandi naani bu paabu, a *dugibila, ti tiadi, leni yaa*ŋalikama leni yaa duvenpaano leni yaa kpama*dim ke li tie Lefi buolu yaaba, leni bi yanyanba leni a buliñoaguuda po. Bi go den kuandi ban ñandi yaala bi kopadicianba po moko laa dieli nni.

Nehemi 13:5 ပူးပေါင်းရင်းမြစ်များ

2 Bi Badiba Jama 31:11

Esekiasi den ñani li ñoamabonli ke ban maa a diena o Diedo diegu nni. Lanwani, bi den maa ŋa.

2 Bi Badiba Jama 34:11

Yeni, bi den baa fidi ki yaa pa yaaba n kpie ti daadi, bi diemaaba leni bi tuonsoanba, ki yaa daa a tankpiekaana leni ti daadi, ki guani ki fiini yaa diena ke Juda diema badiba den cedi ke a mudi.

Nehemi 10:36

Ti go den bili ke binli kuli ti baa cuani ti tinmu bonluonkakpiala leni ti tiidi kuli yaa bonluonkakpiala U Tienu diegu nni.

Nehemi 10:37

Ti baa yen cuani ti bonjakpiala leni ti yandi bontonkpiamu U Tienu diegu nni, bi kopadicianba kani nani lan diani maama li bali maama tili nni. Ti baa yen cuani ti ne leni ti pe bontonkpiamu, ki teni yaa kopadicianba n tuuni U Tienu diegu nni.

Nehemi 10:38

Ti go baa yen cuani ti yonŋanma waamu leni tin pia yaa paabu, i tiidi kuli bonluonkaala, duven bonpaano leni mi kpama U Tienu diegu diena nni, ki teni ba. Levi buolu n baa yaa die ti kuani bonluonkaala yaa diim. Bi baa cua tin ko yaa tinmu dogi nni ki gaa bani bi ba.

Nehemi 12:44

Landaali, bi den teni ke bi niba guu bu paabu, ki tinga bonluonkakpiala leni ban ñandi yaa diim n bili yaa diena nni. Bi den puogi ba ban yaa gaani ki biliti lienni li dobila kpaandi, li bali maama n bili ban yaa tendi bi kopadicianba leni Levi buolu yaaba yaala. Juda buolu pala den mani ke bi kopadicianba leni Levi buolu kubi bi tuonli,

Nehemi 13:7

ke n guani Jerusalemi. N den laa Eliasibi n tieni yaa bonbiadila, ki teni Tobiya li dieli U Tienu diegu luoli nni.

Esekieli 40:38

Diebiyenli go den ye a buliñoana buliñoajadi siiga. Lankane bi den ŋuudi ban den kodi yaa yandi a padijuukaana po.