Nehemi 13:15 - U TIENU MAAMA TILI 2013

¹⁵ Lanyogunu n den laa Juda diema nni, ke bi niba ŋmaadi i duventiidi bonluonkaala, duven ŋanbikaanu U Tienu fuodima daali. Bi tianba den kuandi a ŋalikama baba, ki tungi i ŋunbi duven, duven tiidi bonluonkaala, a kankana leni bonbuolu kuli ki caani Jerusalemi U Tienu fuodima daali. N den funi leni ba ban kuadi bi kuadima yaa daali.

Gourmanchéma Bible

¹⁵ Laa yogunu n den laa Juda diema nni ke bi niba ŋmaadi i duven tiidi bonluonkaala duven ŋanbikaanu *U Tienu fuodima daali. Bi tianba den kuandi a ŋalikama baba, ki tungi i ŋunbi duven, duven tiidi bonluonkaala, a kankana leni bonbuolu kuli ki caani Jelusalema U Tienu fuodima daali. N den funi leni ba ban kuadi bi kuadima yaa daali.

Nehemi 13:15 ပူးပေါင်းရင်းမြစ်များ

2 Bi Badiba Jama 24:19

O Diedo den soani bi saawalipuaba bi siiga, ke ban waani ba ban lebidi ki guani o kani, ama niloba kuli ki den cengi ba.

Nehemi 10:31

Lanwani, ti den niani ke ti kan pa mi diema niba ti bisiaba, ke ti kan taa bi bisiaba mo ki teni ti bijaba.

Nehemi 10:32

U Tienu fuodima daali, bi jaanma daali, bi yaa cuani ŋalikama bi kuaditoama ki baa kuadi, ti kan daa bi kani liba kuli. Binaluoba yaa yen pendi kuli, ti baa fuoni ki tinga li binleleeli, ki cabi yaaba n kubi ti pana mo.

Nehemi 13:16

Tiiri yaaba, yaaba n den ye Jerusalemi moko den kpendi nni i jami leni bonkuadibuolu kuli, ki kuadi Juda buolu po U Tienu fuodima daali, Jerusalemi nni.

Nehemi 13:21

N den funi leni ba ki yedi: «Be yaa po ke yi dua u bilinu puoli? Yi yaa go tieni yeni kuli, n baa cuo yi.» Hali lanyogunu, baa go cua U Tienu fuodima daali.

Nehemi 9:29

A den tigini ba ban guani ki kubi a bali maama, Ama bi den suagi liiga leni ti japaadi. Baa cengi a mabilikaama, Ki miidi a ñoamabona ya n teni ke yua n tuo ki kubi a, baa yaa ye. Bi den fiini mi yiema ki juagi bi tuli, kaa tuo a maama.

Jobi 39:12

Naani wani n baa todi a ŋan taani a kpaandi, Ki bili likuli a jalu nni?

Pisomi 50:7

N niba, cengi mani, n baa maadi. Isidayeli yaaba, n baa tieni siedi ki cuo yi. N tie U Tienu yi Tienu.

Mi Ñama 31:12

O Diedo den maadi leni Musa, ki yedi:

Mi Ñama 31:16

Isidayeli yaaba baa kubi U Tienu fuodima daali jaanma. Nifiima n tuu nifiima, bi baa bogidi U Tienu fuodima daali jaanma. Lani n tie min bili yaala leni ba, i yogini kuli po.

Mi Ñama 34:21

Yin yaa tuuni mani yi tuona kuli danaluoba, ki fuodi ki da soani li daleleeli. Yin yaa fuodi mani yeni, ba bu kpaabu leni u jetaagu yogunu kuli.

Mi Ñama 35:2

Yi baa soani yi tuona hali danaluoba, ama li daleleeli wani baa yaa tie yaa daali n gagidi ki ye li baa. Lini n tie U Tienu fuodima daali, yaali n tie mi jaanma daali o Diedo po. Yua n soani lan tie yaa tuonli kuli landaali, yi baa kpa o.

Mi Kpanjama 28:4

Yaaba n yie li bali maama pagi o nibiado yo, Ama yaaba n ŋua li bali maama koani leni o.

Esayi 58:13

Yi yàá miidi n fuodima daali, Kaa tiendi yaala n mani yi yula po N dagagidikaali daali, Yi pamanli baa yaa ye o Diedo niinni. Yi yaa nua ke n fuodima daali tie Yaa bonla n mani hali bonŋanla, Ke o Diedo daali mo tie yaa daali n pia ti kpiagidi, O Diedo baa yaa tie yi pamanli. Yi yaa kpiagi li daali yeni, Kaa ŋua yi yaa sani, Ki puuni yi yula yaala n mani, Bi kaa puuni yi yula mayuogidi po,

Jeremi 17:24

O Diedo yedi: «Cengi mani bonŋanla! Mi fuodima daali, yin da tugi tugikpiagili ki poandi u dogu nni. Gagidi mani ki ŋanbi landaali n po. Da soani tuonliba kuli landaali.

Jeremi 17:27

Ama yi yàá cengi nni, ki naa gagidi ki ŋanbi mi fuodima daali, ki tugi a tugikpiaga ki tagini ki kua Jerusalemi buliñoana kani mi fuodima daali, lanwani n baa juu u dogu buliñoana u mu. U baa buoni Jerusalemi badidiedi, ki nan kan gbindi mo.»

Jeremi 42:19

Jeremi den yedi: «O Diedo yedi yinba Juda yaaba, yaaba n sieni, da gedi mani Ejipiti. Bandi mani ke n kadi ki waani yi i moamoani cain dinla.

Esekieli 20:13

Ama Isidayeli yaaba den fiini n po mi yiema mi fanpienma nni. Baa den ŋoadi n bali maama. Bi den luni n ñoamabona, o nilo n baa kubi ki go tieni yaala, ki fidi ki yaa ye. Bi go den joagini yogunu kuli n fuodima dana. N den jagi ke n baa wuli bi po n pabienli mi fanpienma nni, ki bolini ba.

Amosi 8:5

Yi tua: «O ŋmapaano jaanma daali baa pendi u laa yogune, Ke tin baa ki kuadi ti ŋalikama? Mi fuodima daali baa gbeni u laa yogune, Ke tin baa ki luodi ti buabuana? Ti baa wadi ku tiabiigikaagu. Ti baa pugini ki dunga. Ti baa ŋmiagi li bonbiigikaala, ki yaa janbidi bi niba.

Mise 6:3

O yedi: ‹N niba, n tieni yi be? N coagi yi leni be? Waani nni mani!

Jesu Tondiba Tuona 2:40

Pieli den maadi matoama boncianla ki pugini, ki tiendi siedi Jesu po, ki tundi ba ki yedi: «Sani mani ki faabi yi yula leni bi naa nibiadiba.»

Jesu Tondiba Tuona 20:21

N den wangi Jufinba leni Girekinba kuli, ke ban lebidi bi pala U Tienu po, ki tuo ki daani ti Diedo Jesu.

Galati 5:3

N go kadi ki waani yua n tuo ke bi kuani o ku koanciagu kuli, li baa yaa tie o po tiladi wan yaa tiendi li bali maama n bili yaala kuli.

Efesa 4:17

Lanwani, min yedi yaala leni min kadi ki waani yi yaala, o Diedo yeli nni tie line: Yi tagi n da naani leni bi nilanba yaa tagi, bani yaaba n ŋua bi yantiana ya n tie fanma fanma.

Mi Tiadima 8:19

Yi yaa sundi Li Miali Diedo yi Tienu po, ki ŋoadi tientoe, ki kpiagi yi, ki gbaani ki pugi yi, yi baa bodi. N waani yi laa maama dinla!

1 Tesaloniki 4:6

Oba kuli n da boandi o kpiilo laa bonla nni, ki janbi o. Ti den tuodi ki waani yi ki go kadi ki waani yi, ke o Diedo baa tuu laa biadima buolu kuli panpaani.