Nehemi 12:43 - U TIENU MAAMA TILI 2013

⁴³ Landaali bi den padi a pada boncianla, ki mangi bi pala kelima U Tienu den puni Isidayeli yaaba li pamancianli. Bi puoba leni a bila moko den mangi bi pala. Lane bi niba den gbadi Jerusalemi pamanli kpaani hali foagima.

Gourmanchéma Bible

⁴³ Laa daali bi den padi a pada boncianla ki mangi bi pala kelima U Tienu den puni Isalele yaaba li pamancianli. Bi puoba leni a bila moko den mangi bi pala. Lane bi niba den gbadi Jelusalema pamanli kpaani hali foagima.

Nehemi 12:43 ပူးပေါင်းရင်းမြစ်များ

2 Bi Badiba Jama 20:13

Juda yaaba kuli, bi biwaala, bi puoba leni bi bijaba kuli den se o Diedo nintuali.

2 Bi Badiba Jama 20:27

Juda yaaba, Jerusalemi yaaba kuli leni Josafati yua n den tugi li yuli den lebidi ki guani Jerusalemi leni li pamanli, kelima o Diedo den faabi ba bi yibalinba nuu nni, ki gbieni ba leni li pamancianli.

2 Bi Badiba Jama 7:10

Lani n pendi, cilele piilie n dataali, Salomon den cabi bi niba ke bi kuni bi denpo. Bi pala den mangi leni o Diedo n den tieni yaa ŋanbicianli Davidi po, Salomon leni o niba Isidayeli yaaba kuli po.

Esidirasi 3:13

hali ke baa den fidi ki gagidi yaa fuugu n tie li pamanli fuugu leni yaa fuugu n tie a bubula, kelima ku niligu den kpaani yaa kpaani n yabi hali ke yaaba n ye foagima gba.

Nehemi 12:27

Jerusalemi bilini gagidima jaanma yogunu, bi den yini Levi buolu ban ye naankani kuli, ki cuani ba Jerusalemi ke ban jaani i bilini gagidima jaanma leni ti pagidi leni i yani, ki pua ti kupandi leni ti gogiditi buoli kuli.

Nehemi 12:42

leni Maaseya, Semaya, Eleasari, Usi, Yohanani, Malikiya, Elami leni Eseli. Bi yanyinba den yiini. Jisilakija den gobidi ba.

Jobi 34:29

U Tienu yaa puni nibuoluba Bi diemiba mi yanduanma, Ŋme nan baa fidi ki jaligi o li po? O yaa buli o nunga, ŋme n baa fidi ki diidi o?

Pisomi 27:6

N yuli caadi n yibalinba, Yaaba n gaani ki lindi nni kuli. N baa yaa padi o gbandieli nni Yaa pada n tie ti pagidi pada. N baa yiini ki go pagi o Diedo!

Pisomi 28:7

O Diedo n tie n fidu leni n gbankoandigu. N dugi o po, kelima o todi nni, N pali mani hali ke li kandi. N baa yaa yiini ki pagi o.

Pisomi 9:2

N baa kpiagi o Diedo leni n pali kuli, N baa togidi a tuonŋama kuli.

Pisomi 92:4

Tin pagi o leni yaa gogiditi n pia joma piiga, Leni a gogidibila leni ti gogidiciandi.

Esayi 61:3

N baa lebidi Siyon yaaba paboanli maalima, Ki teni ba ti kpiagidi lan lebidi Mi fantanpienma kaanu. N baa teni li pamanli tulale n gaa Li paboanli kaanu, Ti kpiagidi tiayiekaadi mo n gaa Li pabiidili kaanu Ke ban yaa yi ba mi teginma ticiandi, O Diedo tiŋuuke, yii n baa doagidi o kpiagidi.

Jeremi 31:13

Lanwani, bi jafanba baa jeli ki mangi bi pala, Bani leni bi jawaaba leni a jakpela kuli. N baa teni bi paboanli n tua pamanli. N baa baagi ba. Bi falabiado yeni puoli po, N baa teni bi pala n mangi.

Jeremi 33:11

I pamandanyani, li pamankandikaali yani, togibaa leni toginaa yani. Yi go baa gbadi ke bi niba yiini ki tua: ‹Pagi mani Li Miali Diedo U Paaciamu Kuli Daano kelima o ŋani, o ŋanbili mo ye hali yaa yogunu kuli!› Yi go baa gbadi yaaba n cuani i tuondi pada yani o Diedo diegu nni. N baa teni yaaba n den ye ti yonbidi n guani ki kpeni min kaani ba nani kpiama yeni. Mini o Diedo n yedi yeni.»

Mi Coadima 10:10

Yi pamanli dana nni, yi jaanma dana nni leni yi ŋmapaani dana nni, yi baa yaa piebi kakacinba, ki padi yi padijuukaana leni yi taanyenma pada. Lani n baa tua yi po mi tiadima, yi Tienu nintuali. N tie Li Miali Diedo yi Tienu.»

Matie 21:15

Ama bi kopadicianba yudanba leni li bali maama banda n den laa wan tieni yaa bonlidinkaala yeni, ki gbadi ke a bila kpaani U Tienu diegu nni ki tua: «Davidi Bijua n baa ti pagidi, Davidi bijua n baa ti pagidi,» bi pala den beni boncianla.

Matie 21:9

Yaa niligu n den ye Jesu liiga leni yaagu n ŋua o puoli kuli den kpaani ki tua: «Davidi Bijua n baa ti pagidi! U Tienu n seligi yua n kpendi wani o Diedo yeli nni. U Tienu yua n ye hali tanpolijoma n baa ti pagidi.»

Jan n diani U Tienu Laabaaliŋamo maama 16:22

Li baa yaa tie yeni leni yinba moko. Moala li pabiidili cuo yi, ama n go baa le yi ke yi pala baa mangi. Oba kuli kan fie yi kani laa pamanli.

Efesa 5:19

Lani, yi baa yaa maadi leni yiyaba, ki togidi Pisominba leni yaa yani n pagi U Tienu leni U Tienu Fuoma Yua n gobidi yi, ke yi yini yaa yani. Yaa yiini mani ki pagi o Diedo leni yi pala kuli.

Jaki 5:13

Yi siiga niloba yaa ye leni fala, wan jaandi. Niloba yaa ye leni li pamanli, wan yiini U Tienu yani, ki pagi o.

1 Samueli 4:5

Ban den kuani o Diedo kpaku li toanagili nni, Isidayeli yaaba kuli den kpaani leni li pamanli, hali ke ki tinga ban digibi.