Nehemi 12:27 - U TIENU MAAMA TILI 2013

²⁷ Jerusalemi bilini gagidima jaanma yogunu, bi den yini Levi buolu ban ye naankani kuli, ki cuani ba Jerusalemi ke ban jaani i bilini gagidima jaanma leni ti pagidi leni i yani, ki pua ti kupandi leni ti gogiditi buoli kuli.

Gourmanchéma Bible

²⁷ Jelusalema bilini gagidima *jaanma yogunu, bi den yini Lefi buolu yaaba ban ye naankani kuli ki cuani ba Jelusalema ke ban jaani i bilini gagidima jaanma leni ti pagidi leni i yani, ki pua mu lonmu, ti kogiditi leni ti kogidiciandi.

Nehemi 12:27 ပူးပေါင်းရင်းမြစ်များ

2 Samueli 6:12

Bi den cua ki yedi o bado Davidi ke o Diedo seligi Obedi-Edomi deni yaaba leni wan die yaala kuli, kelima wani U Tienu kpaku po. Lani, Davidi den gedi Obedi-Edomi denpo ki ban taa U Tienu kpaku yeni, ki baa gedini ku wani Davidi kaanciamu kani. U sanu nni, yaaba n den yegi leni ku den tieni u badu kelima bi pamanli po.

1 Bi Badiba 8:63

Wani Salomon den padi ne piilie n tudalie (22 000) leni pe kobiga n tuda piilie (120 000), ke li tie i jaandi pada o Diedo po. Yeni o bado leni Isidayeli yaaba kuli den gagidi ku diegu yeni o Diedo po.

1 Bi Badiba Jama 13:8

Davidi leni Isidayeli yaaba kuli den yiini ki jeli U Tienu nintuali leni ti gogiditi, mu lonmu, kakacinba, ti kupandi leni bi fidu kuli.

1 Bi Badiba Jama 15:12

O den yedi ba: «Yinba n tie Levi buolu diedanba. Gagidi ki ŋanbi mani yi yula, yinba leni yi kpiiba, ki teni ban gedini o Diedo Isidayeli Tienu kpaku min den ŋanbi ku po yaa kaanu yeni.

1 Bi Badiba Jama 15:16

Davidi den yedi Levi buolu yudanba, ke ban teni bi kpiiba bi yanyinba leni ti baantiadi, ti gogidiciandi leni a gogidibila, ban den ŋanbi ki pua yaadi ki wangi bi pamanli.

1 Bi Badiba Jama 15:28

Isidayeli yaaba kuli den ban taa o Diedo ŋantaadikpaku ki kpaani leni li pamanli, ke li yegi leni li naatuntunli leni kakacinba piebima, mu lonmu leni ti gogiditi puama.

1 Bi Badiba Jama 15:4

Davidi n den taani Alono puoliŋuani leni Levi buolu yuu nne:

1 Bi Badiba Jama 16:42

Hemani leni Jedutuni n den ye leni ba, ki piebi kakacinba, ki pua ti kupandi leni yaa baantatiadi n sieni, ki baa yaa cangi U Tienu yani. Jedutuni bijaba n den tie a buliñoaguuda.

1 Bi Badiba Jama 16:5

Asafi n den tie o yudaano, Sakari n yaa ŋua, li yaa puoli Asieli, Semilamoti, Yehieli, Matitia, Eliabi, Benaya, Obedi-Edomi leni Yeyieli. Bi den pia ti baantiadi, ti gogiditi buoli kuli. Asafi mo n den pua ti kupandi.

1 Bi Badiba Jama 23:5

niba tudanaa (4 000) mo n yaa yiini ki kpiagidi o Diedo leni wan den teni ke bi tieni yaa baantatiadi ki baa yaa pagi o yeni.

1 Bi Badiba Jama 26:31

Yaala n tie Hebiron yaaba po, Yeliya n den tie bi yudaano, ki ŋoadi o baadiegu n den tie maama. Davidi bali binpiinaadi binli, bi den lingi ki ban laa bi siiga bi jakoandimoanba Yaeseli dogu nni, Galaadi diema nni.

2 Bi Badiba Jama 29:25

O den sieni Levi yaaba o Diedo diegu nni ke bi kubi ti kupandi leni ti gogiditi, nani Davidi, Gadi yua n den nua o bado po saala bonla leni o saawalipualo Natan n den bili maama. Li tie ke laa ñoamabonli den ñani o Diedo kani, ke o maadi leni o saawalipuaba.

2 Bi Badiba Jama 29:30

O bado Esekiasi leni o koanbala den yedi ke Levi yaaba n yaa pagi o Diedo leni Davidi leni Asafi yua n nua saala bonla n den ñani yaa yani. Lanwani, Levi yaaba den yiini leni li pamanli, ki den labini hali tiipo ki pugi U Tienu.

2 Bi Badiba Jama 5:13

Yaaba n den piebi kakacinba leni yaaba n den yiini kuli den taani ki kpiagidi o Diedo, ki piebi kakacinba, ki pua ti kupandi leni baantiatoadi, ki tua: «Pagi mani o Diedo kelima o ŋani, o ŋanbili mo ye hali yaa yogunu kuli!» Lanyogunu ku tawaligu den cua ki gbieni o Diedo diegu.

2 Bi Badiba Jama 7:6

Bi kopadicianba den ye bi tuonsoankaanu. Levi buolu mo den pua o bado Davidi n den ŋanbi yaa baantatiadi o Diedo po. Bi den kpiagidi o Diedo ki tua: «O ŋanbili ye hali yaa yogunu kuli!» Li den tie yanbu, ke Davidi den bangi ba. Bi kopadicianba den ye bi nintuali ki piebi kakacinba ke Isidayeli yaaba kuli mo den fii ki se.

Esidirasi 6:16

Isidayeli yaaba, bi kopadicianba, Levi buolu leni yaaba n sieni ki ñani ti yonbidi nni ki kpeni kuli, den jaani ki gagidi ki ŋanbi U Tienu diegu leni li pamanli.

Nehemi 11:20

Isidayeli yaaba, yaaba n sieni, bi kopadicianba leni Levi buolu den kali kali Juda dogi nni kuli, yuakuli o tincele nni.

Nehemi 12:43

Landaali bi den padi a pada boncianla, ki mangi bi pala kelima U Tienu den puni Isidayeli yaaba li pamancianli. Bi puoba leni a bila moko den mangi bi pala. Lane bi niba den gbadi Jerusalemi pamanli kpaani hali foagima.

Nehemi 8:17

Yaa nitaanli n den ñani ti yonbidi kuli den tii a suga ki ye a niinni. Ki cili Nun bijua Josue yogunu, ki pundi hali landaali, Isidayeli buolu naa go den jaani laa jaanma buolu. Bi den mangi bi pala hali boncianla.

Pisomi 149:3

Ban pagi o yeli leni ki ciaga, Ki yiini ki jigini o leni ki longa Leni ku gogidigu,

Pisomi 30:1

U Tienu diegu gagidima yogunu yanbu. Davidi yaabu.

Mi Tiadima 16:11

Yi baa mangi yi pala o Diedo yi Tienu nintuali, o Diedo yi Tienu n baa gandi ki kuani o yeli yaa kaanu yeni kani, yinba, yi puoba, Levi buolu yua, o caano, ki kpienbiga leni li kpepuoli yaaba n ye leni yi.

Mi Tiadima 20:5

Bi toatieba yudanba baa yuandi ki maadi leni bi toatieba ki yedi ba: ‹Ŋme n maa diepanli ki daa kua li niinni? Wan lebidi ki guani o dieli po, ki da ti ban kpe bu toabu nni, nitoa n kua o dieli nni.

Filipi 4:4

Yaa mangidi mani yi pala o Diedo nni yogunu kuli. N go waani yi yeni, yaa mangidi mani yi pala!

Mi Doagidima 5:8

Wan den gaa li tili, a bonfuodinaada leni bi piilie n nikpenaadiba den gbaani wani ki Pebiga nintuali. Bi siiga yuakuli den muubi ku gogidigu leni wula tadibuomu ke mu gbie leni a dugibila, yaala n tie bi nigagidiŋanba jaandi.