Nehemi 11:31 - U TIENU MAAMA TILI 2013

³¹ Benjamen buolu den kaa Geba dogi nni, Mikimasi, Aya, Beteli leni u dobila nni,

Gourmanchéma Bible

³¹ Benjamina buolu yaaba den kaa Geba dogi nni, Mikimasi, Aya, Betela leni u tinkundogi nni,

Nehemi 11:31 ပူးပေါင်းရင်းမြစ်များ

Mi cilima 12:8

O den fii ki fuadi lankani, ki gedi yaa juali n ye Beteli puoli po. O den tii o gbandiena lankani, ke Beteli ye o nintuali, ke Ayi mo ye o puoli. O go den maa li padibinbinli lankani, ki jaandi ki kpiagi Li Miali Diedo yeli.

Mi cilima 28:19

O den yini laa kaanu Beteli, lani n bua ki yedi: «U Tienu diegu.» Ama laa dogu den kpa yi Lusi.

Nehemi 11:30

Sanoa, Adulami leni yi dobila nni, Lakisi leni u lindima, Aseka leni u dobila nni. Bi den kali kali ki cili Beri-Seba, ki taa ki yaa caa hali Hinomi joaloangu.

Nehemi 11:32

Anatoti, Nobi, Hanania,

Nehemi 12:29

Beti-Giligali, Geba leni Asimafeti yaa dogi nni ki taani, kelima bi den maa a dobila Jerusalemi lindima.

Esayi 10:28

O tagini Ayati ki kpendi, o puadi Migoloni, Ki bili o tiadi Mikimasi.

Josue 18:13

U bianu den ñani lankani ki teli Lusi dogu, ki ban cua ki ñani Lusi dogu yuu n go yi Beteli yeni ganu po. U den poandi yaa juali n ye jiidima yaa Beti-Horoni ganu po, ki gedi Atiroti-Adari.

Josue 18:22

Beti-Ariba, Tisemalayim, Beteli,

Josue 18:24

Kefari-Amona, Ofini leni Geba. Likuli tie piiga n dogilie leni li dobila.

Josue 8:9

Josue den soani ba ke bi fii ki gedi ki ban boali ki guu Beteli leni Ayi siiga, Ayi dogu nintuali. Laa ñiagu, Josue den dua yaa toatieba n sieni siiga.

1 Samueli 13:11

Samueli den buali o: «A tieni be mo nne?» Sayuli den guani o: «Min laa ke bi toatieba yadi ki foagidi leni nni, ke a mo naa cua ŋan den bili yaa daali, ke Filisiti yaaba mo taani Mikimasi,

1 Samueli 13:2

Sayuli den gandi Isidayeli yaaba siiga jaba tudataa (3 000). Jaba tudalie (2 000) den ye leni o Mikimasi dogu nni, Beteli juana nni. Tudili mo den ye leni Jonatan Gibeya dogu nni, Benjamen diema nni. Sayuli den cabi yaa toatieba n sieni ke yuakuli kuni o gbandieli po.

1 Samueli 13:23

Filisiti yaaba toagola siiga toagoyenli den cua ki kpaa bi toanagili Mikimasi juali mabidima kani.