Nehemi 10:34 - U TIENU MAAMA TILI 2013

³⁴ Laa ligi baa yaa tie tin baa yaa puuni U Tienu yaa dupen po, daali kuli padili, U Tienu fuodima daali yaa pada po, i ŋmapaani leni mi jaanma yaa pada po. I ligi yeni go baa yaa tie yaa pada n sieni ke bi padi U Tienu po, ban padi yaa pada ki miadi sugili Isidayeli yaaba tuonbiadi po leni yaala n tiendi U Tienu diegu nni kuli po.

Gourmanchéma Bible

³⁴ Laa ligi baa yaa tie tin baa yaa puuni U Tienu yaa dupen po, leni daali kuli padili leni U Tienu fuodima daali yaa pada yaa po, leni i ŋmapaani leni mi jaanma yaa pada po. I ligi yeni go baa yaa tie yaa pada n sieni ke bi padi U Tienu po leni ban padi yaa pada ki miadi sugili Isalele yaaba*tuonbiadi po leni yaala n tiendi U Tienu diegu nni kuli po.

Nehemi 10:34 ပူးပေါင်းရင်းမြစ်များ

1 Bi Badiba Jama 24:5

Bi den boagidi ba caga caga leni biyaba, nani ban den toani tiatia ke li baa maama, kelima u kaangagidiŋamu koanbala leni U Tienu koanbala den tie Eleasari bijaba leni Itamari yaa bijabe.

1 Bi Badiba Jama 24:7

Diidi ban den toani tiatia ki boagidi ki dini a caga yudanba yaaba nne: 1 Yoyaribi 13 Hupa 2 Yedaya 14 Yesebabi 3 Harim 15 Biliga 4 Seorimi 16 Imeri 5 Malikiya 17 Hesiri 6 Miyamini 18 Hapitise 7 Hakotisi 19 Petaya 8 Abiya 20 Esekieli 9 21 Yakini 10 Sekania 22 Gamuli 11 Eliasibi 23 Delaya 12 Yakim 24 Maasia.

2 Bi Badiba Jama 2:3

Diidi, n baa maa o Diedo n Tienu yeli kpiagidi po ku diegu, min baa gagidi yaagu, ki baa yaa juugi o po yaa tulale n pia u nuulumanu, ki baa yaa kpendinni yogunu kuli dupen, a padijuukaana ku tiŋaagu leni ku yenjuagu kuli, mi fuodima dana, i ŋmapaani dana leni o Diedo ti Tienu jaanma dana, nani lan den bili maama Isidayeli yaaba po, hali yaa yogunu kuli po.

Esidirasi 3:5

Laa jaanma puoli, bi den suagi ki padi daali kuli yaa padijuukaana nani lan den diani ki bili yaa padijuukaana i ŋmapaani po leni yaa jaanma n den gagidi o Diedo po. Bi go den padi yuakuli n den puuni o Diedo yaala o yama po.

Nehemi 11:1

Isidayeli yaaba yudanba den kali Jerusalemi. Yaaba n sieni den toani tiatia ke niba piiga siiga niyendo n cua ki yaa ye Jerusalemi u dogagidiko nni, ke yaaba n sieni mo n yaa ye yaa dogi n sieni nni.

Nehemi 13:31

N go den bili Isidayeli yaaba n baa yaa tendi ti daadi leni li bonluonkakpiala kuli yaa yogunu. «N Tienu, ŋan tiadi n po, ki mangi n po a nunga.»

Mi Kpanjama 18:18

Bi yen toa tiatia yo, Ki paadi bi paatieba janjanma.

Esayi 40:16

Liban fuali daadi kan dagidi u mu po, O yandi kuli mo kan dagidi li padijuukaali po.

Levi 24:5

Ŋan taa mi yoma ki pua piiga n dupenbilie. Dupen kuli yoma baa yaa tie kilo bonbiluoba.

Levi 24:6

Yin taa dupen yeni ki bili kpamilie, bonbiluoba luoba, yaa tabili n tie wulamoano ki se o Diedo nintuali yeni po.

Mi Coadima 28:2

«Teni Isidayeli yaaba li naa ñoamabonli, ki yedi ba: Yin da sundi ki yaa kpendinni n po bu paabu yaabu n tie n jiema, lan bili yaa yogunu. Lani n tie yaa pada n juugi u mu nni, ki pia n po u nuulumanu.

Jesu Tondiba Tuona 1:26

Bi den toani tiatia ke li baa Matiasi po, ke o taani leni bi piiga n tondiyendiba.

Josue 9:27

Ama hali landaali, o den bili ke bi baa yaa kpaagi ti daadi, ki yii mi ñima li nitaanli po leni o Diedo padibinbinli po, wani U Tienu n baa gandi naani. Bi tiendi yeni hali dinla.