Nehemi 10:29 - U TIENU MAAMA TILI 2013

²⁹ Isidayeli yaaba, yaaba n sieni, bi kopadicianba, Levi buolu, a buliñoaguuda, bi yanyinba, U Tienu diegu naacenba leni yaaba n den paadi leni bi nilanba ki ŋoadi U Tienu bali maama kuli, bi puoba, bi bijaba leni bi bisiaba, yaaba n den baa fidi ki gaa bonla kuli,

Gourmanchéma Bible

²⁹ Isalele yaaba, yaaba n sieni, bi kopadicianba, Lefi buolu yaaba, a buliñoaguuda, bi yanyanba, U Tienu diegu naacenba leni yaaba n den paadi leni bi nilanba ki ŋoadi U Tienu *balimaama kuli, leni bi puoba leni bi bijaba leni bi bisiaba, yaaba n den baa fidi ki ga bonla kuli,

Nehemi 10:29 ပူးပေါင်းရင်းမြစ်များ

2 Bi Badiba 10:31

Ba leni lani kuli, Jehu ki den kubi o Diedo Isidayeli Tienu bali maama leni o pali kuli. Waa den cedi Jeroboami n den kuani Isidayeli yaaba yaa tuonbiadi nni.

2 Bi Badiba 23:3

O bado den sedi li binbinli po ki niani o Diedo ke o baa yaa ŋua o Diedo, ki yaa kubi o bali maama, o ñoamabonbilikaana, o tundi leni o pali kuli leni o yantiali kuli, ki yaa tiendi nani yaa maama n diani o ŋantaado tili niinni yeni. Bi niba kuli den tuo li nianli yeni.

1 Bi Badiba Jama 9:2

Bi den cuo Juda yaaba ki gedini ti yonbidi Babilonni, kelima bi den tieni ti tuonbiadi U Tienu po. Yaaba n den kpa kali bi tinmu nni leni bi dogi nni den tie Isidayeli yaaba, bi kopadicianba, Levi buolu leni yaaba n den kubi U Tienu diegu.

2 Bi Badiba Jama 34:31

O bado den fii ki sedi li binbinli po, ki guani ki faadi laa ŋantaado leni o Diedo. O den niani ke o baa yaa ŋua o Diedo, ki yaa kubi o bali maama, o ñoamabonbilikaana leni o tundi, o pali kuli leni o yantiali kuli, ki yaa tiendi nani yaa maama n diani o ŋantaado tili niinni yeni.

2 Bi Badiba Jama 6:16

Moala o Diedo Isidayeli Tienu, ŋan go kuani ŋan den niani n baa Davidi yaa ñoanianu ki yedi: ‹A kan luo a yaabila siiga yua n baa kali n nintuali, Isidayeli yaaba bali gbandi po, li yaa tie ke bi kubi n bali maama, ki cuoni n nintuali, nani fini Davidi n den cuoni maama.›

Nehemi 13:25

N den funi leni ba ki soli ba. N den pua bi siiga bi tianba ki ŋabi bi yudi, ki teni ke bi poli hali U Tienu po, ke bi kan go pa bi bisiaba bi nilanba bijaba, ki kan go taa bi nilanba bisiaba bi bijaba po, bi bi yula po mo.

Nehemi 7:46

U Tienu diegu naacenba den tie Tisisa cuuli, Hasufa, Tabaoti,

Nehemi 8:2

Wani o kopadiciamo Esidirasi den taa li bali maama tili ki cuani li nitaanli kani, bani bi jaba, bi puoba leni yaaba n baa fidi ki gaa mi maama kuli. Li den tie o cileleelo dakpiali.

Nehemi 8:3

Esidirasi den se yaa fanma n tiegi u dogu bilinciamu buliñoabu yaabu n yi mi Ñima Buliñoabu kani, ki cogi li tili yeni, ki cili ku tiŋaagu ki yaa caa hali u yensiinu, ke bi jaba, bi puoba leni yaaba n baa fidi ki gaa mi maama kuli ye likani. Bi niba kuli den cengi bonŋanla wan cogi yaala.

Nehemi 9:2

Bi den paadi leni bi nilanba ki cua ki sedi ki doagidi ki waani bani leni bi yaajanba tuonbiadi.

Pisomi 105:45

Lani, bi den kubi o mabilikaama, Ki go kubi o bali maama. Pagi mani o Diedo!

Pisomi 119:106

Mini, n poli ke n baa kubi A ñoamabona ya n tiegi, ki go tieni la mo.

Pisomi 8:1

Bi yanyinba yudaano yani siiga yanbu. Davidi yanbu, ban yiini yaabu leni Gati yaaba gogiditi.

Pisomi 8:9

I nuani leni i jami, Yaala n ye mi ñincianma nni kuli.

Esayi 14:1

O Diedo baa gbadi mi ninñima Jakob puoliŋuani po. O go baa guani ki gandi Isidayeli yaaba. O baa guani ki kaani ba bi tinga nni. Bi canba baa sani ki taani leni ba, Bikuli n taani ki tua yenma leni Jakob buolu.

Jeremi 26:4

Ŋan yedi ba ke o Diedo maadi yaa maama n tie ne: ‹Yi yàá cengi n maama, ki baa tieni min bili yaa bali maama yi nintuali,

Jeremi 34:15

Yinba, yi guani dinla ki tieni yaala n dagidi n nuni po, ki kpaani ki yedi ke yi baa ŋaa yi yonbi yaaba n tie yi kpiiba. Yi niani laa bonla n nintuali, ban taagi n yeli yaa dieli yaa niinni.

Esekieli 36:27

N baa kuani n Fuoma yi niinni, ki teni yin yaa ŋua n mabilikaama, ki yaa kubi ki go tiendi n ñoamabona mo.

Levi 20:26

Yi baa yaa tie n po bi nigagidiŋanba, kelima mini Li Miali Diedo gagidi ki ŋani. N den gagidi ki ñani yi i nibuoli nni, ke yin yaa tie n yaaba.

Mi Coadima 5:21

O kopadiciamo baa teni o pua yeni n poli ti solindi poli, ki yedi o pua yeni: ‹O Diedo n soli a, ki teni ŋan tua a diema niba n baa yaa taagi yua yaa yeli, ki solini. O Diedo n teni a kali n kuodi, a tugu mo n piebi.

Jan n diani U Tienu Laabaaliŋamo maama 1:17

Musa den cuani li bali maama, ama li ŋanbili leni i moamoani cua kelima Jesu Kilisiti yaa po.

Jan n diani U Tienu Laabaaliŋamo maama 15:14

Yi yaa tuo ki tiendi min bili yi po yaala, yi tie n danlinba.

Jan n diani U Tienu Laabaaliŋamo maama 7:19

Musa n den soagini yi po li bali maama. Bi yeni ka? Ama yi siiga nni, ba niyendo naa tiendi man bili yaala. Be yaa po ke yi lingi ki bua ki kpa nni?»

Jesu Tondiba Tuona 11:23

Wan den pundi ki laa U Tienu ŋanbili, o pali den mangi. O den tundi bikuli ke ban yaa ŋua o Diedo leni payenli.

Jesu Tondiba Tuona 17:34

Bi nitianba den taani Poli po, ki tuo ki daani. Bi siiga yendo den tie li nitaanli yua ki yi Deniisi, yendo mo den tie pua, ki yi Damarisi. Nitoaba moko den ye.

Jesu Tondiba Tuona 23:21

Ŋan da tuo bi miabu, kelima yaa niba n cie piinaa wuoni ki bua ki bibi o. Bi poli ke jiema bi bonñokaala kan kua bi ñoana nni, kali bi kpani o. Bi bogini ki ji guu ŋan tuo bi po bi miabu bebe.»

LOMA YAABA 12:9

Yin da bua yi lieba mo leni palalie. Yin yaa nani yaala n bia, ki yaa kubi yaala n ŋani ke li pa.

Mi Tiadima 33:4

Musa den diani ti po li bali maama, Tinba yaaba n tie Jakob buolu nitaanli.

Mi Tiadima 5:1

Musa den yini Isidayeli yaaba kuli ki yedi ba: «Dinla, cengi mani, yinba Isidayeli yaaba, min kpaani ki maadi yaa mabilikaama leni yaa ñoamabona kuli yi tuba nni. Bangi la mani, ki kubi, ki go tieni lan yedi yaala.

Mi Tiadima 5:32

Yi baa kubi ki go tieni o Diedo yi Tienu n bili yi po yaala. Yin da jadi ganu, ki bagi jienu.