Nehemi 1:9 - U TIENU MAAMA TILI 2013

⁹ Ama yi yaa lebidi ki guani n kani ki go kubi n bali maama, ki tiendi man yedi yaala mo, lanwani ba bi yaa gedini yi ti yonbidi hali ŋanduna bianu, n baa ñani yi lipo ki taani yi, ki guani yi min den gandi yaa kaanu nni, ki bili ke bi baa yaa kpiagidi nni likani yeni.›

Gourmanchéma Bible

⁹ Ama yi yaa lebidi ki guani n kani ki go kubi n balimaama ki tiendi man yedi yaala mo, lanwani baa bi yaa gedini yi ti yonbidi hali ŋanduna bianu, n baa ñani yi lipo ki taani yi ki guani yi min den gandi yaa kaanu nni, ki bili ke bi baa yaa kpiagidi nni likani.›

Nehemi 1:9 ပူးပေါင်းရင်းမြစ်များ

1 Bi Badiba 8:48

Bi yaa guani a kani leni bi pala kuli leni bi yantiana kuli, bi yibalinba diema nni, ban gedini ba ti yonbidi naani yeni, bi yaa diidi ŋan den puni bi yaajanba yaa diema, ŋan den gandi yaa dogu leni min maa a po yaa diegu ne po ki jaandi a,

1 Bi Badiba 9:3

O Diedo den yedi o: «N gaa a jaandi leni ŋan den mia nni yaa miabu yeni. N gagidi ŋan maa yaa diegu ne, ki puni ku n yeli, ke ban yaa yi ku U Tienu diegu yogunu kuli. N baa yaa nua ku ki kuani n yama lienni yaa yogunu kuli.

1 Bi Badiba Jama 16:35

Yedi mani: «Faabi ti, U Tienu fini yua n tie ti faabima, Ñani ti i nilanbuoli siiga ki taani ti, Lani n tie tin pagi a yeli yaali n gagidi ki ŋani! Ti baa yaa jigini ti yula leni tin kpiagidi a yeni.»

Esidirasi 6:12

U Tienu yua n gandi Jerusalemi ke lan yaa tie ban baa yaa kpiagidi o naani, n bolini yaa bado bi yaa nibuolu n baa yie n maama, ki biigi ke o baa bolini U Tienu diegu yaagu n ye Jerusalemi. Mini Dariyusi, n bili yaa ñoamabonli n tie ne: Yin tieni cap cap min yedi yaala.»

Pisomi 106:47

O Diedo ti Tienu, faabi ti! Ñani ti i nilanbuoli siiga ki taani ti. Lani, ti baa yaa taagi a yeli, Yaali n gagidi ki ŋani ki pagi a. Ti baa yaa kpiagidi a ki go pagi a.

Pisomi 107:3

O ñani ba diema nni kuli, Puoli leni nintuali, nuganu Leni nujienu po kuli ki taani ba.

Pisomi 147:2

O Diedo guani ki maa Jerusalemi, O guani ki taani Isidayeli yaaba, Yaaba n den ye ti yonbidi.

Esayi 11:12

O baa sieni mi maalima i nilanbuoli po. O baa taani Isidayeli yaaba, Yaaba n ye ti yonbidi kuli, Ki gobidi ki kpeninni Juda yaaba Ban den yadi yadi yaaba Ki tinga ñoakunnaadi nni.

Esayi 27:12

Landaali, o Diedo baa yoagi i tiidi, Ki cili u kpenciamu Efrati, Ki ban pendi Ejipiti ñinbaadu. Bi baa duo yi yendo yendo Yinba Isidayeli yaaba.

Esayi 56:8

Li Miali Diedo U Tienu, Wani yua n taani ban luni Isidayeli yaaba, Yaaba yeni yedi: «N baa taani nitoaba leni Isidayeli yaaba, Yaaba n mali ki taa.»

Jeremi 12:15

Ama n yaa ŋabi ba yaa yogunu, se mi ninñima n guani ki cuo nni bikuli yendo yendo po, min goa ki guani ba yuakuli o tinga nni, yuakuli o diema nni.

Jeremi 3:14

Guani mani ne, Yinba a biyenyieda yeni, O Diedo n yedi yeni. Mini n tie yi canbaa, N baa gandi niyendo u naa dogu nni, Nibilie mo, u naa buolu nni, Ki guani yi Siyon po.

Jeremi 31:10

I nibuoli, cengi mani o Diedo maama, Ki yadi laa maama hali a kpendega Ya ye foagima po: «Yedi mani ke yua n den yadi Isidayeli yaaba, Baa guani ki taani ba ki kubi ba, Nani o yankpaalo n kubi o yankulu maama yeni.

Jeremi 32:37

«N baa taani ba, min den yadi ba yaa dogi nni kuli, n pabienli, n mutuoli, n pabiidili leni n pali n den boandi bi po yaa yogunu. N baa guani ba nekanba, ki teni ban yaa ye leni mi yanduanma.

Jeremi 6:22

O Diedo yedi mi naa maama: «Diidi yaa nibuolu n tie ne ñani nujienu diema po. Nibuociamu ñani hali u tinbianu po ki kpendi.

Esekieli 14:6

Lani yaa po, ŋan yedi Isidayeli buolu ke o Diedo U Tienu yedi mi naa maama: «Lebidi mani yi pala ki ŋaa yi buli leni yi cagindi kuli.

Esekieli 36:24

N baa ñani yi mi dielanma nni, i nilanbuoli siiga, ki taani yi ki guani yi diema nni.

Levi 26:3

Yi yaa ŋua n mabilikaama, ki kubi n bali maama ki tiendi li kuli bonŋanla,

Sakari 8:7

N baa faabi n niba yaaba n ye ti yonbidi, Puoli leni nintuali diema nni.

Matie 24:31

O baa soani o malekinba leni kakaci, ban yaa piebi ki taani U Tienu n gandi yaaba ŋanduna kaannaadi kuli nni, ki cili napo yaa bianu ki yaa caa hali u poyuu.

Mi Tiadima 12:21

O Diedo yi Tienu n bili ke o yeli baa yaa ye yaa kaanu yeni yaa foagi leni yi, yi baa fidi ki kodi o Diedo n puni yi yaa yangbenga leni yaa yanbidi, nani min bili yi po maama, ki ŋmani ba yin ye naankani, nani yin bua maama.

Mi Tiadima 12:5

Ama yi baa lingi o Diedo yi Tienu, wan baa gandi yi buoli kuli siiga yaa kaanu, ki kuani o yeli likani, ke lin yaa ye. Lani n tie yin baa yaa caa naankani.

Mi Tiadima 30:1

Musa den yedi: «Min bili yi po yaala, li seli leni ti solindi nni yeni kuli baa tieni. Yaa yogunu ke o Diedo ti yadi yadi yi, ki kuani yi i nilanbuoli siiga, yi baa kpaagi li po.