Nehemi 1:3 - U TIENU MAAMA TILI 2013

³ Bi den guani ki yedi nni ke yaa niba n sieni leni yaaba n ñani ti yonbidi ki guani ki kpeni Juda diema nni ye likani leni o falaciamo leni yaa fe n kandi, ke Jerusalemi bilinciami mudi mudi, ke u mu mo buoni u buliñoana.

Gourmanchéma Bible

³ Bi den goa ki yedi nni ke yaa niba n sieni leni yaaba n ñani ti yonbidi ki goa ki kpeni Juda diema nni ye likani leni o falaciamo leni yaa fe n kandi, ke Jelusalema bilinciami mumudi, ke mi fantama mo buoni u buliñoana.

Nehemi 1:3 ပူးပေါင်းရင်းမြစ်များ

1 Bi Badiba 9:7

n baa ñani Isidayeli yaaba min den puni ba yaa diema nni, ki ŋaa min den gagidi yaa diegu n kpiagidi po ne. Lanwani, Isidayeli yaaba baa tua ti laadi leni li ñuali bonla i nilanbuoli kuli po.

2 Bi Badiba 25:10

Lanwani, Kalide yaaba toagola ya n den ye leni bi guudikaaba yudaano yeni, den mudi yaa bilinciami n den lindi ki cebini Jerusalemi.

2 Bi Badiba Jama 36:19

Babilonni yaaba den juu U Tienu diegu, ki tudi ki luni Jerusalemi bilinu, ki juu o bado diegu, ki mudi yaa tiadi n den pia mayuli kuli.

Esidirasi 2:1

Babilonni bado Nebukanesa n den cuo yaaba ti yonbidi ki gedini Babilonni diema nni, bi siiga boncianla den guani ki kuni Jerusalemi leni Juda diema nni. Yuakuli den kuni o denpo.

Esidirasi 5:8

O bado, ti bua ki waani a ke ti gedi U Tienu yua n yabi diegu kani, Juda diema nni. Bi maa ku leni a tanciama, ki maandi ti daadi i bilini po. Bi tuuni bonŋanla, li tuonli mo cuoni tontoni.

Nehemi 11:3

Yaa dogi n sieni niinni, Isidayeli yaaba, yaaba n sieni, bi kopadicianba, Levi buolu, U Tienu diegu naacenba leni Salomon naacenba yaaba den kaa bi tincele nni, yuakuli o dogu nni. Juda diema yudanba den ye Jerusalemi.

Nehemi 2:13

Ku ñiagu, n den tagini u bilinciamu buliñoabu, ku Joaloangu Buliñoabu kani, ki ñani u dogu nni, ki teli o bonfuodibiado Ñinbunli leni ti Bugidi Buliñoabu. N den diidi Jerusalemi bilinciami yii n mudi mudi leni u buliñoana, u mu n den dini ya.

Nehemi 2:17

Ama n den yedi ba: «Yi laa tin ye leni yaa falaciamo. Jerusalemi mudi mudi, u mu buoni o buliñoana. Cua mani tin guani ki maa Jerusalemi bilinciamu ke tin da go ye leni i fe.»

Nehemi 2:3

ama n den guani ki yedi wani o bado: «Fini o bado n yaa ye ki fo hali yaa yogunu kuli. N nunga baa gaa lede ki kan biidi n baanba takula n ye yaa dogu nni yaa bodi, ke u mu dini u bilinciamu buliñoana?»

Nehemi 7:6

Babilonni bado Nebukanesa n den cuo ki gedini yaaba ti yonbidi siiga, niba boncianla den guani ki kuni Jerusalemi leni Juda diema nni. Yuakuli den kuni o denpo.

Esiteri 1:1

Li den tie o bado Asuerusi n den kaa ti gbandi po yaa yogunu. Wani Asuerusi den die yaa diecianma n boagidi kobiga n piilie n diemilele, ki cili Indi diema, ki yaa caa hali Etiopi diema.

Pisomi 79:4

Ti tua i fe bonla ti yieninlieba po. Ti tua li ñuali leni ti laadi yaaba n lindi ti po.

Mi Kpanjama 25:28

Yaa nilo n kan fidi ki ñii o pali, Tie nani ban baa yaa dogu ke wuu pia bilini yene.

Esayi 43:28

Li tie lani yaa po yo ke n den teni Ke u kaangagidiŋamu kopadicianba kuli joagini, Ki ŋaa ke yibali bolini Jakob buolu, Ki fiagi bani Isidayeli yaaba.

Esayi 5:5

Lanwani, n baa teni yin bandi Moala min baa soani n duventiidi Kuanu yaa tuonli. N baa fobi ku goangoangu ki lu, Yaa yandi n bua ban kua ki ŋmani, Yaa santagiba mo n baa, ban ŋmaa.

Jeremi 24:9

N baa teni ban tua ti jawaanciandi leni fala bonla li ŋandunli nibuoli po. Bi baa tua fe, ñuali, laadi leni ti solindi bonla min baa lu ba naani kuli po.

Jeremi 29:18

N baa ŋoadi ki deli ba leni bu toabu, mi koma leni u yianbiadipuodiko. N baa teni ban tua ti jawaanciandi bonla ki tinga diema nibuoli po, ti solindi, ti yanyagidi, ti laadi, li ñuali leni u yualu bonla, min baa yadi yi yaa nibuoli kuli siiga.

Jeremi 39:8

Babilonni yaaba den juu o bado diegu leni bi niba diedi. Bi den pua ki mudi Jerusalemi bilini kuli.

Jeremi 42:18

Li Miali Diedo U Paaciamu Kuli Daano, Isidayeli Tienu yedi: ‹Nani n pali n beni Jerusalemi yaaba po maama yeni, n pali baa be yi moko yaa po yene, yi yaa gedi Ejipiti diema nni. Yi baa tua ti solindi leni li pabiidili bonla, mi falima leni u yualu bonla. Yi kan go le u naa kaanu mo abada.› »

Jeremi 5:10

Do mani u dogu bilini po, Ki pua ki mudi mudi yi. Ama yin da bolini yi cain. Ñani mani i beni, kelima o Diedo ki die yi.

Jeremi 52:14

Lanwani, Kalide yaaba toagola ya n den ye leni bi guudikaaba yudaano yeni, den mudi yaa bilinciami n den lindi ki cebini Jerusalemi kuli.

Jeremi Bubula 1:7

Jerusalemi baa ki tiani o puagidi dana po, Wan laa i fe yaa dana nni. O baa ki tiani o piamoanma kuli po, Yibali daa paadi o yaa yogunu, Ke niloba kuli ki cua ki baa todi o. O yibalinba den nua o bodima ki laa.

Jeremi Bubula 2:9

Siyon buliñoana feli ki tinga nni. O bolini a, ki pua ki mudi o sendabila. O bado leni o koanbala kuli ye I nilanbuoli siiga. Bali maama ki go ye, Ba o saawalipualo ki go baadi Bonlekaala o Diedo kani.

Jeremi Bubula 3:61

O Diedo, a gba bi sugidi kuli, Leni ban pia n po yaa janbi.

Jeremi Bubula 5:1

O Diedo, tiadi yaala n tieni ti! Diidi ki le ti fe!

Levi 26:31

N go baa bolini yi dogi, yin tua diegbendi. N baa bolini yin padi yi buli naankani yeni. N kan go tuo ki gaa yi tulale pada nuulumanu.

Levi 26:33

N baa yadi yikuli ŋanduna nibuoli siiga, ki noadi n jugisiega ki ŋoadi yi puoli. Yi diema yeni baa ye leni li paboanli, yi dogi mo kuli kan go yaa pia niba.