Nehemi 1:2 - U TIENU MAAMA TILI 2013

² N kpiiba siiga yendo, Hanani leni nitoaba den ñani Juda diema ki cua. N den buali ba yaa Jufinba n faabi leni ti yonbidi ki guani ki kpeni Jerusalemi leni Jerusalemi laabaali kuli.

Gourmanchéma Bible

² N kpiiba siiga yendo, Hanani, leni nitoaba den ñani Juda diema ki cua. N den buali ba yaa Jufinba n faabi leni ti yonbidi ki goa ki kpeni Jelusalema leni Jelusalema laabaali kuli.

Nehemi 1:2 ပူးပေါင်းရင်းမြစ်များ

Mi cilima 14:10

Sidima joaloangu den pia ki tinga sinboanma caana boncianla, Sodomi bado leni Gomori bado den sani ki bua ki ciadi bu toabu po, ki den baa a caana yeni niinni. Yaaba n sieni den sani ki kua a juana nni.

2 Bi Badiba 24:14

O den cuo Jerusalemi yaaba kuli ti yonbidi, lani n tie bi bulicinba, a jakoanda, bi kpagikpieba leni bi maaba kuli, ke bi pundi niba tuda piiga (10 000). Taliginba bebe n den sieni Juda diema nni.

2 Bi Badiba 25:12

Ama o den ŋaa yaaba n tie mi diema taliginba siiga bi tianba, ke bi guu duven tiidi kuani, ki go ko bu kpaabu.

Esidirasi 9:14

Naani lani kuli yaa puoli, ti go baa miidi a kuali ki taa yaa nibuolu n tuuni li cancagintuonli ne bisiaba ki go teni ba ti bisiaba? Naani a pali kan fii ki pebidi hali ki bolini ti cain ki kan ŋaa liba?

Nehemi 7:2

N den teni ke n kpiilo Hanani leni Hanania gobidi Jerusalemi. Hanania yeni den tie u kaanpaalu toatieba yudaano. O den tie nidugika, ki fangi U Tienu ki cie bi niba boncianla.

Jeremi 44:14

Oba kan cia, yaaba n ñani Juda ki baa cua ki wuoni Ejipiti diema nni yeni siiga, oba kuli kan ŋmadi. Oba kuli kan go ti guani Juda diema nni, bi yama n baa ki ye ban guani ki ban kali naanpo. Li yàá tie yaaba n cia siiga niyendo yendo yaa ka.»

Esekieli 6:9

Lani, yi niba yaaba n ciadi yeni, baa tiadi n po, ban ban ye ti yonbidi yaa nibuolu siiga. Min baa mudi bani yaaba yaa pala, ya n yie nni ki tiendi mi conconma leni i buli yeni, baa tiadi min den faligi ba maama. Bi kan go fidi ki diidi bi lieba nunmu, kelima bi cancagituona po.

Esekieli 7:16

Yaaba n sieni ki naa kpe, Baa sani ki do a juana po, Nani ti joaloandi nni kpaajela yeni. Bikuli baa mua ki figindi, Yuakuli baa mua o tagili po.