Nehemi 1:10 - U TIENU MAAMA TILI 2013

¹⁰ Tinba Isidayeli yaaba tie a naacenba leni a nibuolu, ŋan den daa ki faabi yaa nibuolu leni a fidu leni a paalu.

Gourmanchéma Bible

¹⁰ Tinba Isalele yaaba tie a naacenba leni a nibuolu, ŋan den da ki faabi yaa nibuolu leni a fidu leni a paaciamu.

Nehemi 1:10 ပူးပေါင်းရင်းမြစ်များ

Pisomi 136:12

O den ñani ba leni o nuu paalu, Kelima o ŋanbili ye hali yaa yogunu kuli!

Pisomi 74:2

Tiadi a niba po, Ŋan den daa ki faabi yaaba hali yogu, Ŋan den daa ki faabi yaaba ke bi tua a yaaba. Tiadi Siyon juali po, ŋan den ye naani.

Pisomi 89:14

A buagu pia u paaciamu, A nuu mo pia u fidu leni ti kpiagidi hali boncianla!

Mi Ñama 13:14

A bijua yaa buali a yaa daali: ‹Line bundi be?› A baa guani ki yedi o: ‹O Diedo den teni ke ti ñani ti yonbidi kaanu, Ejipiti diema nni leni o nuu yaa paalu.

Mi Ñama 13:16

Li baa yaa tie nani mi maalima a nuu po, ki go yaa naani leni mi tiadima tila a yutunli po. Li tie o nuu yuu n pia u paalu po yo, ke o Diedo den teni ke ti ñani Ejipiti diema nni.»

Mi Ñama 13:3

Musa den yedi bi niba: «Yaa tiadi mani li naa daali po, yaa daali ke yi ñani yi ti yonbidi kaanu, Ejipiti diema nni. Li tie leni o nuu paalu yo, ke o Diedo ñani yi mi diema nni. Oba kuli n da ŋmani yaa dupen n pia dabinli landaali.

Mi Ñama 13:9

Li baa tua a po maalima a nuu po, ki tua a yutunli po tiadima. Yeni o Diedo bali maama baa ye a ñoabu nni, kelima leni o nuu paalu yo, ke o den teni ke a ñani Ejipiti nni.

Mi Ñama 15:13

Kelima a ŋanbili po. A den gobidi ki go faabi bi naa niba, Ki gedini ba kelima a paalu po, Ke ban teli a yekaanu yuu n gagidi ki ŋani po.

Mi Ñama 32:11

Musa den mia o Diedo U Tienu ki yedi: «O Diedo, be n teni ke a pali pebidi a nibuolu po nanda, ŋan den ñani bani yaaba Ejipiti diema nni leni a paalu leni a nuu paalu?

Mi Ñama 6:1

O Diedo den yedi Musa: «Moala, a baa le min baa tieni Faraon yaala. N baa teni wan cedi ban gedi leni n nuu paalu. N go baa tieni o u paalu, wan deli yi o diema nni.»

Mi Ñama 6:6

Li tie lani yaa po ke a baa yedi Isidayeli yaaba: N tie Li Miali Diedo, n baa faabi yi leni Ejipiti yaaba n tuuni yi yaa tuona. N baa faabi yi bi yonbidi nni. N baa doagidi n paalu, ki jia ti buudi ki ciadi yi.

Mi Ñama 6:7

N baa taa yi yin tua n niba. N baa yaa tie yi Tienu, yeni, yi baa bandi ke li tie mini Li Miali Diedo yi Tienu n faabi yi leni Ejipiti yaaba n tuuni yi yaa tuona kuli.

Esayi 64:9

A dogi yii n gagidi ki ŋani yeni kuli Tua fanpienma. Siyon tua fanpienma. Jerusalemi mo tua paboanli kaanu.

Mi Tiadima 15:15

A baa tiadi ke fini moko den tie yonbo Ejipiti diema nni, ke o Diedo a Tienu den faabi a. Li tie lani yaa po yo, ke n teni a mi naa bali maama.

Mi Tiadima 9:29

Ba leni lani kuli, bi tie a yaa niba leni a yaa piame, ŋan den ñani yaaba leni a paalu leni a fidu.»