Nehemi 1:1 - U TIENU MAAMA TILI 2013

¹ Hakalia bijua Nehemi maama togida: Persi bado Aritakiselisesi bali binpiiliedi, yaa ŋmaalo n yi Kisile yaa niinni, mini Nehemi den ye u dociamu Susi nni.

Gourmanchéma Bible

¹ Hakalia bijua Nehemi maama togida: Pelisa bado Alitakiselisesi bali binpiiliedi binli, yaa ŋmaalo n yi Kisile yaa niinni, mini Nehemi den ye u dociamu Suse nni.

Nehemi 1:1 ပူးပေါင်းရင်းမြစ်များ

Esidirasi 10:9

Juda leni Benjamen buoli jaba kuli den taani Jerusalemi danataa yeni siiga. Li den tie o ŋmayialo dapiiliedi daali. Bi niba kuli den se U Tienu diegu luolu nni ke ki taaga mi. Bikuli den digibi boncianla kelima mi maama yeni po leni ki taaga po.

Esidirasi 7:7

O bado Aritakiselisesi bali binleleeli binli, Isidayeli yaaba siiga bi tianba, bi kopadiciantianba, Levi buolu bi tianba, bi yanyinba bi tianba, a buliñoaguuda bi tianba leni U Tienu diegu naacenba bi tianba den yegi leni

Nehemi 10:1

Lani kuli yaa po, ti den poli ki niani ki diani. Ti yudanba, Levi buolu leni ti kopadicianba den tieni bi maalima tin diani yaa tila yeni po.

Nehemi 2:1

O bado Aritakiselisesi bali binpiiliedi binli, yaa ŋmaalo n yi Nisan yaa niinni, duven den se wani o bado nintuali, ke n taa duven yeni ki teni o. N pali daa den kpa biidi o kani nani landaali.

Nehemi 5:14

Hali o bado n den dini nni li bali yaa daali ke n tua guveneeri Juda diema nni, ki cili o bado Aritakiselisesi bali binpiiliedi binli, ki yaa caa hali o piitaa n binlieli, lani n tie piiga n binalie, mini, bi n kpiiba, oba ki den gaani guveneeri n yen gaani yaa lubili.

Esiteri 1:2

O den ye o diema kuli dociamu Susi nni ki kaa o bali kalikaanu.

Esiteri 3:15

Ban den teni a tila yaa tonda den jaligi ki fii ki gedi nani o bado n puogi ba maama. Bi den kpaani li ñoamabonli yeni u dociamu Susi nni moko. Lani, o bado leni Hamani den kaa ki ñu ke Susi dogu wani womi, ke bi niba kuli gbani wudi.

Danieli 8:2

Min den laa li bonlekaala yeni yaa yogunu, li den tie n po nani ke n ye Elami diema dociamu Susi nni yeni. N bonlekaala nni, n den sua ke n ye Ulayi kpenu kani.

Sakari 7:1

O bado Dariyusi bali binnaali, o Diedo den maadi leni nni. Li den tie ciyia ban yi yaa ŋmaalo Kisile danaali.