3 A yaa kpaani ki yini mi yanfuoma, Ki kpedi a nialu ki mia ma,
Ŋan yaa faami bonŋanla, ke o Diedo mo n pa ŋa mi gbadima, mi yanfuoma, ki go pa ŋa li bali Isidayeli yaaba po, ke ban fidi ki kubi o Diedo, a Tienu bali maama!
N tie a naacemo, pa nni mi yanfuoma, Ke min fidi ki bandi a ñoamabonbilikaana.
O Diedo, teni n bubula n pundi a kani! Pa nni mi yanfuoma nani ŋan yedi maama!
Pa nni mi yanfuoma ke min fidi Ki kubi a bali maama, Yeni, n baa fidi ki yaa ŋua ma leni n pali kuli.
A nii n tagi nni, yini n go paagi n gbanu. Pa nni mi yanfuoma, Ke min fidi ki bangi a bali maama.
A yaa diadi a tuba ki cengi n yanfuoma, Ki kpaagi a pali nni bonŋanla,
A yaa lingi ma nani ŋanjilifa yeni, Ki bua ki baa ma nani ŋalimani yeni,
Dugi o Diedo po, Ŋan baa tieni yaala kuli nni, O baa pendi a sanu.
N bijaba, cengi mani o jamado tundi, Ki diadi mani yi tuba ki baa mi yanfuoma.
Mini wani, n bua yaaba n bua nni, Yaaba n lingi nni mo baa le nni.
Yinba yaaba n bia yaa bani ki pa yi bila li bonŋanla, lanwani laa pia kuli tama ke ti Baa yua n ye tanpoli baa pa yaaba n mia o o Fuoma Yua.»
Yi siiga niloba yaa luo mi yanfuoma, wan mia U Tienu yua n puuni bi niba kuli leni ti bulicindi, kaa fu leni ba, o baa pa o ma.