Mise 7:9 - U TIENU MAAMA TILI 2013

⁹ N tieni ti tuonbiadi o Diedo po, Lani, n baa juuni ki gaa o pabienli tundifala, Hali wan baa ti tua n candanbaalo, Ki saa n po i moamoani yaa yogunu. O baa gedini nni naankani n yieni, Yeni n baa yaa ñuadi o teginma tuona.

Gourmanchéma Bible

⁹ Ti tieni ti *tuonbiadi Li Miali Diedo po, Lanwani ti baa juuni o pabienli tundifala po, Hali wan baa ti ga ti buudi yaa yogunu, Ki faligi yaaba n faligidi ti ki saa tipo moamoani. O baa ñani ti li biigili nni ki gedini ti naankani n yieni, Ki baa ŋanbi tipo.

Mise 7:9 ပူးပေါင်းရင်းမြစ်များ

2 Samueli 24:17

Davidi n den laa maleki ke o lu bi niba u yianbiadu, o den yedi o Diedo: «Diidi ki le, n tudi! Mini n tieni ti tuonbiadi. Yaa niba n tie ne naa tieni liba kuli. N mia ŋa, a nuu n cuo mini leni n baadiegu yaaba.»

Jobi 23:10

Ama o nan bani n sanu n tie yuu. O yaa ti biigi nni yaa yogunu, N baa ña ki ŋani nani wula yeni.

Jobi 35:14

Ba ke a yedi ke ŋaa nua o, A buudi wani nan ye o nintuali. Lanwani, ŋan guudi o.

Pisomi 119:154

Koani ki gaa nni ki faabi nni, Ki kubi nni min yaa ye nani ŋan niani maama.

Pisomi 37:6

O baa teni a moamoani n doagidi Nani mi yenma yeni, Ki teni a teginma mo n yaa tie Nani u yienu u yensiicocolu yeni.

Pisomi 43:1

Saa n po i moamoani n Tienu, Koani leni yaa nibuolu n ki tiegi yeni Ki gaa nni. Faabi nni i janbi danba Leni bi nibiadiba nuu nni!

Pisomi 7:6

Yibali n ŋoadi ki deli ki nandi nni, Ki ŋmaa ki midi midi nni tiipo, Ki lu n kpiagidi mo mi wagima nni. Joma.

Pisomi 94:15

Bi baa guani ki jia ti buudi lan yaa tiegi, Yaaba yaa pala n tiegi kuli baa ŋoadi o puoli.

Esayi 42:16

N baa teni a juama n tagini Ban ki den bani yaa sanu, Ki gobidi ba yaa sanbila n den boani ba niinni. N baa teni yaa biigili n ye bi liiga N lebidi ki tua yenma. N go baa teni yaa sani n tie Gbangbana mo n ladi ki dagini. N kan ŋaa ba, Lani n tie min baa tieni yaala.

Esayi 42:7

Lani, a baa noadi a juama nuni, Ki teni a kpaada n ña li kpaadidieli nni, Ki go teni yaaba n lo li biigili nni N ña li niinni.

Esayi 46:13

N teni ke n teginma nagini. Maa go ye foagima. Li kan go waagi ke n faabima baa cua. N baa kuani ma Siyon nni, Ki pa Isidayeli yaaba n jigidi.

Esayi 51:22

Yi Diedo, Li Miali Diedo yua n gaa O niba koanli yedi mine: «Diidi n fie yi nuu nni, Ki nunfufuuga tadiñokaaga, N pabiencianli n ye yaa tadiñokaaga nni, Ke yi kan go ño ki niinni.

Esayi 56:1

O Diedo yedi mi naa maama: «Kubi mani yaa bujiali n tiegi, Ki yaa tiendi mi teginma, Kelima n faabima yogunu pundi. N teginma doagidima yogunu pundi.

Jeremi 10:19

Jerusalemi yedi: «Mi naa yebiadima te? N bia n yeni! N poagilima ki pia ñoagu. Nmo den tua: Laa bia, N baa naabi!

Jeremi 14:7

Bi yedi: «Ti tagili yabi ki pendi. Li tie moamoane. Ama fini o Diedo, le ŋan baa tieni yaala, A yeli kpiagidi po. Ti tudi a po hali boncianla. Ti tieni a po ti tuonbiadi.

Jeremi 51:10

O Diedo, teni ti teginma n doagidi. Cua mani Siyon nni, Tin togidi o Diedo ti Tienu n tieni yaala.

Jeremi Bubula 1:18

O Diedo n tiegi, Kelima n den yie o bali maama. Cengi mani yinba i nibuoli kuli, Diidi mani n fala! Bi gedini n jafanba leni n jawaaba ti yonbidi.

Levi 26:41

Mini moko baa yie bi po, ki kuani ba bi yibalinba diema nni. Lanwani leni bi pajoagima kuli, bi baa miini bi yula ki pa bi tagili panpaani kuli.

Malaki 3:18

Lani, yi baa le yaa paadima n ye bi niteginkaaba leni bi nibiadiba siiga. Yi baa le yaa paadima n ye yaaba n tuuni U Tienu po leni yaaba n ki tuuni o po siiga.»

1 Korenti 4:5

Lani yaa po, yin da ja ti buudi liba kuli po, hali ke li yogunu daa pundi. Yaa guu mani o Diedo cuama, wani yua n baa yendi yaala n wuo li biigili nni, ki go doagidi yaala n den wuo a pala nni. Lanyogunu, nilo kuli baa baa U Tienu kani lan pundi wan baa yaa pagidi.

2 Timote 4:8

Ba moala bi bili n po mi teginma badifogiliga, o Diedo yua n tie o bujiateginka n baa pa nni yaaga o guacuama daali. O kan pa mini nbebe ka, ama yaaba n den bua o guacuama kuli.

Mi Doagidima 18:20

Tanpoli, mangi a pali u bodima po. Yinba bi nigagidiŋanba, Bi tondiba leni bi saawalipuaba kuli Mo n mangi yi pala, Kelima U Tienu tuu yi po li panli ki jia u buudi.»

1 Samueli 24:15

Fini Isidayeli bado, a ñani ki baa tuogi leni ŋme bu toabu? A ŋua ki deli ŋme? Mini o sangbankpiemo, mini li canfundili?

1 Samueli 25:39

Davidi n den gbadi ke Nabali kpe, o den yedi: «N jaandi ki pagi o Diedo yua n den koani ki gaa nni Nabali n den fali nni yaa yogunu. Wani o Diedo n yie ke mini o naacemo n da tieni yaala n bia. O Diedo teni ke Nabali biadima guani ki baa o yuli po.» Li yaa puoli, Davidi den soani ke bi waani Abigayili ke o bua wan tua o pua.

1 Samueli 26:10

Davidi go den yedi: «Hali o Diedo po, wani o Diedo n baa kpa o, o daali yaa pundi, yaa ka o yaa gedi toabu.

1 Samueli 3:18

Lanwani, Samueli den togidi o li kuli kaa wuoni liba. Eli den yedi: «O tie o Diedo, wan tieni yaala n dagidi o po.»