Mise 7:8 - U TIENU MAAMA TILI 2013

⁸ N yibali, da mangi a pali. Ba n yaa baa, n baa go fii. Ba n yaa ye li biigili nni, O Diedo tie n yenma.

Gourmanchéma Bible

⁸ Ti yibalinba, da mangi mani yi pala tipo, Baa ti yaa baa, ti go baa fii Baa ti yaa ka li *biigili nni, Li Miali Diedo tie ti yenma.

Mise 7:8 ပူးပေါင်းရင်းမြစ်များ

Jobi 31:29

Naani n den mangi n pali n yibali yebiadima po? Naani n den yugi ki cii Leni li pamanli kelima bonbiadila tieni o po?

Pisomi 112:4

Mi yenma yendi li biigili nni, Bi niteginkaaba po. O Diedo tiegi, ki tie ninñingbadilo leni mi ŋanma daano.

Pisomi 143:3

Yibali ŋua ki faligidi nni, O guli nni ki baa ŋmaa ki midi nni, Ki teni ke n ye li biigili nni, Nani yaaba n kpe ke li waagi yeni.

Pisomi 20:8

Bi nitianba dugi bi toateliti po, Bine mo dugi bi taami po, Ama tinba wani dugi o Diedo Ti Tienu yaa paalu po yo.

Pisomi 27:1

Davidi yanbu. O Diedo n tie n yenma leni n faabima. N go baa yaa jie ŋme yo? O Diedo n tie n miali wuonkaanu. N go baa yaa digibi ŋme yaa kane? O Diedo n tie yua n kubi n miali, Mii bangi liba kuli po.

Pisomi 35:19

Yaaba n ye leni nni ti yibalindi, N da mangi bi pala n po. Yaaba n nani nni fanma fanma po, N da nua ki sugidi nni,

Pisomi 37:21

O nibiado yen ledi o kan guani. O niteginka gba mi ninñima ki go puuni,

Pisomi 37:24

O yaa tuudi o kan baa, Kelima o Diedo baa mubini o nuu.

Pisomi 38:16

O Diedo, fini n tie min dugi yua yaa po. O Diedo n Tienu, fini n baa guani n po.

Pisomi 84:11

N yaa tieni dayenli a luoli nni, Li cie n po min tieni dana tudili poto. N yaa ye U Tienu diegu buliñoabu kani, Li mani n po ki cie, Min yaa ye bi nibiadiba gbandiena nni.

Pisomi 97:11

Mi yenma yendi bi niteginkaaba, Li pamanli mo ye yaaba Yaa pala n pieni po.

Esayi 2:5

Yinba Jakob buolu, Fii mani tin cuoni O Diedo yenma nni.

Esayi 49:9

N yedi a kpaada mo: ‹Ña mani!› N yedi yaaba n ye li biigili nni mo: ‹Doagidi mani ban le yi!› Bi baa fidi ki yaa kpaa i sankuni Ki baadi bi jiema a juana po.

Esayi 50:10

Yi siiga ŋme n fangi o Diedo Ki cengi o naacemo nialu? Yua n cuoni li biigili nni kuli, Ki naa pia mi yenma, Wan bili o dugidi o Diedo kani, Ki yaa dugi o Tienu po.

Esayi 9:2

A teni ke u buolu yabidi, Ke a puni u niba li pamancianli. Bi pala mangi a nintuali nani U jetaagu pamanli, bi nani bi niba N yen mangidi bi pala Ti fagidi boagidima yogunu maama yeni.

Jeremi 48:27

Moabi, naani laa tie moamoani ka, ke Isidayeli tie a po ñuali bonla? A den cuo o a suuda siiga yo, ki baa yaa maadi o maama ki digini a boacaba?

Jeremi 50:11

Mangi mani yi pala, mangi mani yi pala Yinba yaaba n pua mi diema nufanu yeni! Yugi ki cii mani nani yaa naasalo yaa gbanu n saagi, Yigini mani nani yaa taami n pia u paalu yeni.

Jeremi 8:4

Ŋan yedi ba: O Diedo yedi nanda: «Naani yua n baa ki yen fii ka? Naani yua n jadi ki ŋaa u sanu ki yen ti guani?

Esekieli 25:6

Li Miali Diedo U Tienu yedi mi naa maama: «Yi den pua yi nupola, ki ciini yi taana, ki mangi yi pala, ki waani yeni yi falima Isidayeli diema po.

Esekieli 35:15

Nani ŋan den mangi a pali Isidayeli buolu faali bodima po yeni, N baa soani amoko yene. A juana leni a diema baa tua fanpienma, Fini leni Edomi diema kuli. Lani, bi baa bandi ke n tie Li Miali Diedo.› »

Esekieli 36:5

Lanwani, mini o Diedo, U Tienu yedi mi naa maama: ‹N pabiencianli nni, n fu leni yaa nilanbuoli n lindi Isidayeli diema. N fu leni Edomi yaaba yo ki cie. Bi pamanli nni leni bi faliga nni, bi den cua ki fagi mi diema yankpaakaani ke yin tua bi yii.

Amosi 9:11

Lanyogunu, n go baa sieni Davidi diegu, Yaagu n baa yeni. N baa maa ki fiini ku diegbenbuona. N go baa ŋanbi ku kun tua Nani kun den kpa tie maama hali yogu.

Abidiasi 1:12

Edomi yaaba, yi kan bi mangi yi pala, Yi kpiiba Juda yaaba fala daali, Yi kan bi mangi yi pala u nufanu N pua ba yaa daali, Bi ki sugi ba bi paboanli daali.

Mise 4:10

Yeni de, Siyon yaaba, yaa yalini ki duni mani, Nani yaa pua n ye leni u maditugukoanu yeni. Moala yi baa ña u dogu na niinni, Ki gedi ki ban kpaa yi gbandiena li fuali nni. Yi baa gedi hali Babilonni ki ban baa mi faabima. Lanpo, mini o Diedo baa faabi yi yi yibalinba nuu nni.

Mise 7:10

N yibali baa le lani kuli i fe n cuo o, Wani yua n den tua nni, Li Miali Diedo a Tienu ye le? Bi baa ŋmaa n yibalinba nani u sanu nni moamoadi yeni. N nuni baa le lani kuli.

Sakari 12:8

Lanyogunu n baa kubi Jerusalemi yaaba, ba bi siiga yua n tadi ki cie baa yaa pia u fidu nani Davidi yeni. Davidi puoliŋuani baa yaa tie nani U Tienu yeni, nani o Diedo maleki yua n ye bi liiga yeni.

Matie 4:16

Yinba yaaba n den ye li biigili nni, Yi laa mi yencianma. Laa yenma yendi bani, Yaaba n den kaa mi kuuma biigili diema nni.»

Jan n diani U Tienu Laabaaliŋamo maama 16:20

N waani yi i moamoani ke yi baa buudi ki go mua, ama ŋanduna yaaba baa mangi bi pala. Li pabiidili baa cuo yi, ama yi pabiidili baa lebidi ki tua pamanli.

Jan n diani U Tienu Laabaaliŋamo maama 8:12

Jesu go den yedi bi niba: «Mini n tie ŋanduna yenma, yua n ŋua nni kuli, kan go cuoni li biigili nni, ama o baa baa li miali yenma.»

Jesu Tondiba Tuona 26:18

N soani a bi kani ke ŋan ŋubidi bi nuni, ki ñani ba li biigili nni ban kua mi yenma nni, ki ñani ba Sutaani paalu nni, ban cua U Tienu kani. Lani, ban baa bi tuonbiadi sugili, ki baa bi u kaanu U Tienu gagidi ki ŋanbi yaaba kelima li dandanli po siiga.›

2 Korenti 4:6

U Tienu yua n den yedi: «Mi yenma n yendi li biigili nni,» teni ke mi yenma yendi ti pala nni, ki puni ti U Tienu kpiagidi yaa bandima, yaadi n yendi Kilisiti nunga nni.

2 Korenti 4:9

Bi yen wangi ti fala, ama U Tienu ki ŋaa ti. Bi yen guliti ti, ama baa bolindi ti.

Mi Doagidima 21:23

U dogu yeni kaa bua yienu ki bagi ŋmaalo, kelima U Tienu kpiagidi baa yendi u, ki Pebiga moko tie u fidisanga.

Mi Doagidima 22:5

Ku ñiagu kan go yaa ye. O naacenba kan go bua u yienu yenma, ki bagi ki fidisanga yaama, kelima o Diedo U Tienu baa yaa yendi ba. Bi baa yaa die hali yaa yogunu kuli.