Mise 7:19 - U TIENU MAAMA TILI 2013

¹⁹ A go baa gbadi ti po mi ninñima, Ki ŋmaa ti tuonbiadi a taana tiipo, Ki lu ti tin tingi mi ñincianma nni.

Gourmanchéma Bible

¹⁹ A go baa gbadi tipo mi niñima, Ki ŋma ti tuonbiadi a taana tiipo, Ki lu ti mi ñincianma tiipo.

Mise 7:19 ပူးပေါင်းရင်းမြစ်များ

2 Samueli 24:14

Davidi den guani ki yedi Gadi: «N ye paboancianli nni. N yaa baa o Diedo yaa nuu nni, li cie kelima o ninñingbadima yabi. Ama min da baa bi nisaaliba yaa nuu nni wani.»

Pisomi 103:12

Nani puoli n foagi leni nintuali maama, O yen foagidi ti leni ti tagili yene.

Pisomi 130:8

Wani n baa faabi Isidayeli yaaba Leni bi tagili kuli.

Pisomi 85:3

A ñani a niba tagili, Ki puni ba bi tuonbiadi sugili. Joma

Esayi 33:24

Mi diema nni oba kuli ki tua: «Mii pa.» Yaa nibuoli n ye Jerusalemi baa sugili bi tagili po.

Esayi 38:17

N paboanli kpandi ki tua yemanma. Fini n kubi n miali ke min da pundi ku buogu nni. A luni n tuonbiadi kuli a puoli po.

Esayi 43:25

Li li tie mine! Mini n duuni ki ñani yi tagili. N kan go tiadi yi tuonbiadi po, Kelima min bua yi maama po.

Jeremi 31:20

Efrayimi tie n bibuadiga, Wani n tie n bigbabili. N kan fidi ki kan tiadi o po, Kelima n bua o. Mi ninñima pia nni o po. N li bua o moamoane. Mini o Diedo n yedi yeni.

Jeremi 31:34

Oba kan go bangi oyua. Oba kan go yedi o kpiilo: ‹Bandi mani o Diedo!› Bikuli baa yaa bani nni, ki cili yua n wa bi siiga, ki ban taani o nikpelo. Mini o Diedo n yedi yeni. N baa tieni sugili bi tagili po. N kan go tiadi bi tuonbiadi po.»

Jeremi 33:8

N baa ŋuudi ki ŋanbi ba leni ban den tieni yaa tuonbiadi kuli, ki tudi n po. N baa tieni bi po sugili leni ban den tudi n po, ki tieni yaa tuonbiadi leni ban den fii n po leni yaa yiema.

Jeremi 50:20

Laa dana nni, o Diedo yedi: «Bi baa lingi Isidayeli tagili, Ama bi kan go le yi. Juda tuonbiadi mo, bi kan le ti, Kelima min sieni yaaba, N baa tieni bi po sugili.

Jeremi Bubula 3:22

N bani ke o Diedo ŋanma ki gbeni cain, Ke o ninñingbadima mo ki tuoni mi bianu.

Jeremi Bubula 3:32

Ama o baa gbadi o ninñima, Kelima o ŋanma yabinu po.

Esekieli 18:22

Bi kan go tiadi wan den tieni yaa biadima kuli po, o baa yaa ye kelima wan tieni yaa teginma yeni po.

Esekieli 39:29

N kan go buli ba n nunga, kelima n baa jiini n Fuoma Isidayeli buolu po. Mini o Diedo, U Tienu n yedi yeni.»

Danieli 9:24

Li bili binalele taalima piilele a buolu leni a dogagidiko po. Lanyogunu bili ke mi yiema n gbeni, Ke mi tudima n baa u bianu, Ke ti tuonbiadi n baa sugili, Ke yaa teginma n baa yaa ye hali yaa yogunu kuli N doagidi ke li bonlekaala leni U Tienu saawalipuaba Den soagini yaala kuli n tieni, Ke u kaangagidiŋanmoanu mo n go gagidi.

Ose Tili 14:2

Isidayeli yaaba, lebidi mani ki guani O Diedo yi Tienu kani, Kelima yi tuonbiadi n teni ke yi tuudi ki baa.

Ose Tili 14:4

Asiiri diema yaaba kan fidi ki faabi ti. Ti kan go jagini taami mo ki bua ki sani ki cia. Ti kan go yini ti nii n tagi yaala ti Tienu, Kelima a kpienbila baadi a yaa kane mi ninñingbadima.› »

Sakari 3:4

Maleki yeni den yedi o yegininlieba, ke ban landi o tiajoagindi yeni. Li yaa puoli, o den yedi Josue: «Diidi, n ñani a po a tagili, ki baa lani a ti jaantiadi.»

LOMA YAABA 6:14

Ti tuonbiadi kan go yaa die yi, kelima U Tienu bali maama ki go die yi, ama o ŋanbili n ji die yi.

LOMA YAABA 8:13

Yi yaa tiendi ti gbanandi n bua yaala, yi baa kpe. Ama yi yaa teni ke mi Fuoma paalu kpa yi gbanandi bontienkaala, yi baa yaa ye.

Mi Tiadima 30:3

o Diedo baa guani yi niba yaaba n den ye ti yonbidi kuli. O baa gbadi yi po mi ninñima, ki guani ki taani yi, ki ñani yi o Diedo yi Tienu n den yadi yadi yi yaa diema nni.

Mi Tiadima 30:6

O Diedo yi Tienu baa kuani yinba leni yi puoliŋuani pala ku koanciagu, ke yin bua o Diedo yi Tienu leni yi pala kuli leni yi yama kuli, lani n tie yin fidi ki yaa ye.

Mi Tiadima 32:36

O Diedo baa saa i moamoani o niba po, Ama mi ninñima baa cuo o o naacenba po, O yaa laa ke bi fidu gbeni, Ke laa go pia ban baa kubi yua bi ban baa ŋaa yua.

Titi 2:14

O den puni o yuli ki kpe ti po, ki baa daa ki faabi ti leni mi biadima kuli, ki ŋuudi ki ŋanbi ti, tin tua wani n die yaaba, yaaba n baa yaa pia li yankuali a tuonŋama po.

Hebilunba 8:12

N baa tieni bi po sugili Bi tudima kuli po, Ki kan go tiadi bi tuonbiadi po.»

1 Jan 3:8

Yua n tiendi ti tuonbiadi tie Sutaani yua, kelima wani Sutaani den tiendi ti tuonbiadi hali mi cilima ki pundi hali moala. U Tienu Bijua den cua ki doagidi o yuli, ki baa bolini Sutaani tuona.