Mise 7:12 - U TIENU MAAMA TILI 2013

¹² Landaali, ki cili Asiiri ki ban pundi hali Ejipiti, Ki taa Ejipiti ki ban tuoni u kpenciamu Efrati, Ki cili ñincianma ki ban tuoni miyama, Ki didi taa juali ki ban tuoni liyali, A niba baa ña lipo ki kpeni.

Gourmanchéma Bible

¹² Laa daali yeni a niba baa ña Asili diema nni yaama n ye jienu po. Bine n ña hali Ejipiti dogi nni, yi n ye ganu po, Bine mo baa ña Tili dogu yu n ye nintuali, Bine mo n ña hali u kpenciamu Yufilata yu n ye puoli po. Bi baa ña mi ñincianma jaana po leni a juana nni ki kpeni.

Mise 7:12 ပူးပေါင်းရင်းမြစ်များ

Esayi 11:11

Landaali o Diedo baa guani Ki tandi o nuu Ki daa ki faabi o niba Yaaba n sieni ki ye Asiiri, Ejipiti, Patilosi leni Etiopi diema nni, Elami, Sineari, Hamati leni Mi ñincianma kpendega nni.

Esayi 11:16

Li sanjali baa tieni n niba yaaba N sieni Asiiri po, Nani lan den tua Isidayeli yaaba po maama, Ban ñani Ejipiti diema nni yaa daali.

Esayi 43:6

N baa yedi nujienu po diema: ‹Guani ba!› Ki yedi nuganu po diema mo: ‹Da baa ki kubi ba!› Teni n bijaba n ña yaa diema N ye foagima ki kpeni, Ki ñani n bisiaba mo hali U tinbianu ki guani ba.

Esayi 49:12

Bani nne: bi ña hali foagima ki kpendi, Bine ña nujienu leni nintuali po, Bine mo ña Sinimi diema po.»

Jeremi 23:3

N baa taani n niba yaaba n sieni, min yadi ba yaa diema nni kuli, ki guani ba bi yanloli nni. Bi baa maa ki go pugini hali boncianla.

Jeremi 3:18

Laa dana yaa niinni, Juda leni Isidayeli diema yaaba Baa taani ki yegi ki ña nujienu diema po, Ki kpeni min puni yi baanba Yaa diema, man tua bi faali yeni nii nni.»

Jeremi 31:8

N baa teni ban ña nujienu diema po. N baa taani ba hali u tinbianu, Bi siiga pia a juama leni a diama, Yaa puoba n punbi leni U maditugukoanu danba kuli. Li tie nitaancianli n lebidi ki guani nekanba.

Jeremi 46:27

Fini Jakob n naacemo, da jie liba. Yi jigi n da cie, yinba Isidayeli puoliŋuani, N kpendi ki baa faabi a, Fini Jakob buolu. N baa faabi a puoliŋuani, Min den yadi yaaba ke bi ye yaa diema n foagi nni. Jakob puoliŋuani baa guani Ki baa mi yanduanma. Liba kan go yagi bi yama.

Esekieli 29:21

Lanyogunu n baa pugini Isidayeli yaaba u fidu. N baa yaadi a ñoabu ki teni ŋan fidi ki maadi bi siiga. Lani, bi baa bandi ke n tie Li Miali Diedo.»

Esekieli 37:21

Li yaa puoli, a baa waani ba mini o Diedo U Tienu n yedi yaala. N baa taani Isidayeli yaaba ban den ye yaa nilanbuoli siiga, ki ñani ba lipo, ki guani ki kaani ba bi yaa diema nni.

Ose Tili 11:11

Bine mo baa ña Ejipiti po, Ki jaligi ki cua nani i nuani yeni, Bine mo n ña Asiiri po nani mu kpaajiemu yeni. N baa teni bikuli n guani ki kali bi diedi nni. Mini o Diedo n yedi yeni.»