Mise 6:8 - U TIENU MAAMA TILI 2013

⁸ U Tienu den bangi fini o nisaalo yaala n ŋani Leni o Diedo n guu a kani yaala. Lani n tie ke ŋan yaa ŋua yaa bujiali n tiegi, Ki bua mi teginma, Ki go yaa cuoni wani a Tienu nintuali leni li yumiinli.

Gourmanchéma Bible

⁸ U Tienu den bangi fini o nisaalo yaala n ŋani. Leni Li Miali Diedo n gu akani yaala. Lani n tie ke ŋan yaa ŋua yaa bujiali n tiegi, Ki bua mi teginma Ki go yaa cuoni wani a Tienu nintuali leni li yumiinli.

Mise 6:8 ပူးပေါင်းရင်းမြစ်များ

Mi cilima 18:19

N den gandi wani ke wan bili li ñoamabonli o bijaba leni o diegu yaaba po, yaaba n baa ŋoadi o puoli, ki baa yaa kubi o Diedo sanu, ki go tiendi yaala n tiegi, ki kubi mi teginma. Li tie lani yaa po ke o Diedo baa tieni Abalahama po wan den niani o yaala kuli.»

Mi cilima 5:22

Enoki n den mali Matusalemi yaa yogunu, Enoki den cuoni leni U Tienu hali bina kobitaa, ki go mali a bonjala leni a bonpola.

2 Bi Badiba Jama 30:11

Ama Aseri buolu, Sabuloni buolu leni Manase buolu siiga, bi tianba den miini bi yula ki cua Jerusalemi.

2 Bi Badiba Jama 32:26

Lanwani, ba Esekiasi japaadi nni, wani leni Jerusalemi yaaba kuli den bandi bi tagili, ki miini bi yula, ke o Diedo pabienli ki den baa bi po, Esekiasi miali dana nni kuli.

2 Bi Badiba Jama 33:19

Hali ke Manase daa den tuo ki lebidi ki dingi oba, o jaandi leni U Tienu n den gaa i maama, o tuonbiadi, o tagili kuli, wan den maa i buli padibinbina a juana po naankani, wan den sieni Akera budaadi leni wan den kpie yaa nannana, likuli diani ki bili Hosayi tili nni.

2 Bi Badiba Jama 33:23

Waa den miini o yuli o Diedo kani nani o baa Manase n den miini o yuli maama. Ama Anmoni go den tieni yaala n bia ki cie.

2 Bi Badiba Jama 34:27

‹Nani ŋan cedi ke yaa maama n ye li naa tili nni, ki tie Jerusalemi dogu po leni u niba po, cuo a pali yeni, ke a miini a yuli n nintuali, ki dadi ki padi a tiayiekaadi, ki go buudi n nintuali yeni, mini moko gbadi.› O Diedo n yedi yeni.

Nehemi 9:13

A den ñani tanpoli ki maadi leni ba Sinayi juali po. A den teni yaa ñoamabona n tiegi, Yaa bali maama n tie moamoani, Yaa tundi leni yaa mabilikaama n ŋani boncianla.

Pisomi 101:1

Davidi yanbu. Diidi, n baa yiini ki pagi Li ŋanbili leni yaala n dagidi tienma! O Diedo, n baa yiini ki kpiagi fine!

Pisomi 112:4

Mi yenma yendi li biigili nni, Bi niteginkaaba po. O Diedo tiegi, ki tie ninñingbadilo leni mi ŋanma daano.

Pisomi 112:9

O puuni a luoda leni ti bulicindi. O teginma ye yaa yogunu kuli, Ke o paalu mo pugidi leni ti kpiagidi.

Pisomi 37:26

Yogunu kuli o niteginka gba Mi ninñima ki dindi li panli. O puoliŋuani mo baadi li seli.

Pisomi 73:28

Mini wani, ki nagini U Tienu, N tie yaala n mani n po. N bili n dugidi o Diedo U Tienu kani, Yeni, n baa togidi ŋan tieni yaala kuli.

Mi Kpanjama 21:3

Ki tieni yaala n tiegi ki go dagidi, Mani o Diedo po ki cie a pada.

O Yanfuodaano 12:13

Tin cengi yaa maama nne kuli mañiali tie: Fangi U Tienu, ki go yaa kubi o bali maama, kelima o nisaalo n yeni.

Esayi 56:1

O Diedo yedi mi naa maama: «Kubi mani yaa bujiali n tiegi, Ki yaa tiendi mi teginma, Kelima n faabima yogunu pundi. N teginma doagidima yogunu pundi.

Esayi 57:15

Yua n ye hali tanpolijoma, Wani yua n ye hali yaa yogunu kuli, Ke o yeli mo gagidi ki ŋani yedi: «N ye mi gagidiŋanma nni Leni yaa kaanu n kpedi ki cie I kaani kuli nni. Ama n go ye leni ban mabindi yua Leni yua n ye leni li pabiidili. Yeni n baa fidi ki baagi yaaba N ye li pabiidili nni, Ki go faabi yaaba n laadi fala bi pala nni.

Esayi 66:2

N yaa nuu n tagi laa bonla kuli, Ki teni ke lani kuli ye. O Diedo n yedi yeni. Diidi n nuni n baa yaa maa yua yaa po: Lani tie o ninñinnilo yua n ye leni li paboanli, Yua n yen gbadi n maama ki yaa digibi.

Jeremi 22:16

O den ja o ninñinnilo leni taliga buudi ke li tiegi. Naani lani ka doagidi ke o bani nni? Lani n teni ke li bonla kuli den cuoni o po bonŋanla. O Diedo n yedi yeni.

Jeremi 22:3

O Diedo yedi nanda: Yin yaa tiendi mi teginma leni yaa bujiali n tiegi. Faabi mani ban faligidi yaa nilo yua n duoliti o nuu nni. Yin da faligi ki duoli o caano, ki kpienbiga leni li kpepuoli. Yin da wuli yua n ki pia tagili soama nekanba.

Jeremi 9:23

Yua n bua ki jigini o yuli, N jigini o yuli kelima o pia mi yanfuoma ki bani nni, Ki bani ke n tie Li Miali Diedo, Yua n tiendi mi ŋanma, Ki ja yaa buudi n tiegi, Ki tiendi yaala n tiegi ki tinga nni. Min bua yaala n yeni.» Mini o Diedo n yedi yeni.

Jeremi Bubula 3:26

Li ŋani hali boncianla, O nilo n guudi o Diedo faabima Leni li juunli.

Esekieli 16:63

Lanwani, a baa tiadi yaala n den tieni puoli po, i fe n cuo ŋa, ke a kan go tuo ki yaadi a ñoabu. Ama n baa tieni a po sugili leni ŋan den tieni yaa biadima kuli. Mini o Diedo, U Tienu n yedi yeni.»

Esekieli 33:14

Li yaa tie ke n yedi o nibiado: ‹Laa pia kuli tama a baa kpe!› Li yaa tie ke o lebidi ki ŋaa o tuonbiadi, ki ŋua yaa bujiali n tiegi leni mi teginma.

Ose Tili 12:6

Lankane ke Tanpoli leni ki tinga Tienu, Ban yi yua o Diedo yedi:

Ose Tili 6:6

Yaala n tiegi mani n po ki cie a pada. Ki bandi U Tienu mo mani ki cie a padijuukaana.»

Levi 26:41

Mini moko baa yie bi po, ki kuani ba bi yibalinba diema nni. Lanwani leni bi pajoagima kuli, bi baa miini bi yula ki pa bi tagili panpaani kuli.

Amosi 5:24

Teni mani yaa bujiali n tiegi N yaa puubi yi siiga nani mi ñima yeni. Teni mani mi teginma n yaa ye yi siiga, Nani yaa kpenu n kan ñuudi yeni.

Mise 6:9

O Diedo maadi leni u dogu niba, ki yedi: Juda yaaba leni u dogu nitaanli cengi mani, O Diedo baa faabi yaaba n fangi o yeli.

Sofoni 2:3

Yinba, ki tinga yumiindanba kuli, Lingi mani o Diedo, Yinba yaaba n tuo ki baa yaa ŋua O ñoamabonbilikaana! Yaa cuoni mani leni mi teginma, Yaa cuoni mani leni li yumiinli, Wani U Tienu nintuali. Li fidi ke yi baa ciadi, O Diedo pabienli daali.

Sakari 7:9

«Mini Li Miali Diedo U Paalu Kuli Daano den yedi: ‹Yaa ja mani ti buudi leni mi teginma, ki go yaa pia yiyaba po mi ŋanma leni mi ninñingbadima.

Matie 5:3

«Li pamanli ye leni yaaba n tie luoda bi pala nni, kelima tanpoli diema tie bi yaame.

Matie 5:7

Li pamanli ye leni mi ninñingbadima danba, kelima bi baa gbadi bi po mi ninñima.

Luki 10:42

Ama bonyenla n tie tiladi; Mariyama gandi li bonŋanla, ban kan fie o yaala.»

Luki 11:42

Fala baa yaa ye leni yinba Farisieninba, kelima yi coadi yaa kpinfaadi n yi menti leni ru leni kpinfatoadi kuli, ki ñandi diim. Ama yi ŋaa mi teginma leni U Tienu yaa buama. Li pundi yin yaa bi tiendi lani, ki nan da cedi yin maani ki tiendi yaala yeni mo.

Luki 12:14

Jesu den guani ki yedi o: «N danli, ŋme n dini nni li bali ke min jia yi po yi maama, bi ki boagidi yi faali?»

Luki 6:36

Yin yaa tiendi mani mi ŋanma nani yi Baa moko n tiendi mi ŋanma maama yeni.

LOMA YAABA 7:16

N yaa tiendi min ki bua ki tieni yaala yeni, n tuo ke li bali maama ŋani.

LOMA YAABA 9:20

Fini o nisaalo, a tie ŋme ki baa nia leni U Tienu? Naani ban maa yaa tiagu baa yedi yua n maa ku: «Be yaa po ke a maa nni nanda?»

1 Korenti 7:16

Fini o pua, a bani lede ke a baa faabi a calo? Fini o joa mo, a bani lede ke a baa faabi a pua?

Efesa 4:32

Yin yaa mani leni yiyaba, ki gba yiyaba po mi ninñima, ki tiendi yiyaba po sugili nani U Tienu n den tieni yi po sugili, Kilisiti nni maama.

Mi Tiadima 27:10

Yin tuo o Diedo yi Tienu yedima, ki yaa tiendi o bali maama, o mabilikaama min teni yi yaama dinla ne.»

Mi Tiadima 30:15

Diidi, dinla n sieni yi nintuali li miali leni yaala n ŋani, mi kuuma leni yaala n bia.

Kolosi 3:12

Lanwani, yinba U Tienu nigandikaaba, wan gagidi ki ŋanbi yaaba, ke yi tie o buakaaba, yin yaa la mi ninñingbadima leni li ŋanbili, li yumiinli, mi dingima leni li juunli.

2 Tesaloniki 2:16

Ti Diedo Jesu Kilisiti wani o ba leni ti Baa U Tienu yua n den bua ti, ki puni ti kelima o ŋanbili po yaa baagi n ki pia gbenma leni yaa suginma n ŋani,

Jaki 2:20

Fini o yanluodaano na, naani a bua ki bandi ke yaa dandanli n ki pia a tuona tie fanma?

Josue 24:14

Lanwani, Josue go den yedi ba: «Moala yin fangi o Diedo, ki yaa ŋua o leni payenli leni yaa yantiali n ki pia janbi. Yin ñani yi siiga yi yaajanba n den ŋua yaa tieni Efrati kpenciamu duoli po leni Ejipiti po, ki yaa ŋua Li Miali Diedo.

1 Pieri 3:8

N tundijuodike n tie ne. Yikuli n yaa pia mani yantiayenli leni yiyaba, ki yaa gba yiyaba po mi ninñima, ki gbie leni mi buama yi kpiiba po, ki go yaa pia mi ninñingbadima leni li yumiinli yiyaba po.

1 Samueli 12:23

Mini mo, o Diedo n luoni n po min tieni ti naa yaa tuonbiadi: lani n tie ki cedi ki kan yaa jaandi ki miadi o yi po. N baa yaa bangi yi yaa sanu n ŋani ki go tiegi.

1 Samueli 15:22

Samueli den yedi: «Naani ki tuo ki tieni o Diedo n bua yaala, Ki cie a padijuukaana leni a pada? Mi tuoma pia mayuli ki cie a pada, O ñoamabonli tienma pia mayuli ki cie a petona kpama.