Mise 6:5 - U TIENU MAAMA TILI 2013

⁵ N niba, tiadi mani Moabi bado Balaki n den jagi Ke o baa tieni yi yaa bonbiadila, Ki go tiadi Beori bijua Balaam N den guani o yaa maama. Tiadi mani yaala n den tieni Li sancenli nni kuli, Ki cili Sitimi ki pundi hali Giligali. Tiadi mani lani kuli ki bandi mini o Diedo N den tieni yi po yaa ŋanbili kuli.› »

Gourmanchéma Bible

⁵ N niba, tiadi mani Moabi bado *Balaaka n den jagi Ke o baa tieni yi yaa bonbiadila, Ki go tiadi Beola bijua *Balaama n den guani o yaa maama. Tiadi mani yaala n den tieni li sancenli nni kuli, Ki cili Sitimi ki pundi hali Giligali. Tiadi mani lankuli ki bandi mini Li Miali Diedo N den tieni yipo yaa *ŋanbili kuli.› »

Mise 6:5 ပူးပေါင်းရင်းမြစ်များ

Pisomi 111:4

O bua ban yaa tiadi o bancianma po. O Diedo tie mi ŋanma leni mi ninñingbadima daano.

Pisomi 143:11

O Diedo, teni min yaa ye kelima a yeli po! Ñani nni li paboanli nni, Kelima a teginma po!

Pisomi 36:10

Li miali kuli ña a yaa kane. A yaa yenma po yo, Ke ti nua mi yenma.

Pisomi 71:19

U Tienu, a teginma kpedi hali boncianla, Kelima a tieni yaa bonla n yabi. U Tienu, ŋme n naani leni a?

Esayi 1:27

Yaa bujiali n tiegi n baa faabi Siyon dogu, U dogu niba mo yaa lebidi bi tagu Ki tiendi yaala n tiegi, bi baa faabi.

Mi Coadima 22:41

Ku tiŋaagu, Balaki den taa Balaam ki den gedi Bamoti-Baali dogu nni. Likani Balaam den laa Isidayeli yaaba bi nitianba.

Mi Coadima 23:27

Balaki den yedi Balaam: «To, lanwani, cua ne, tin go gedi kaanto. Li fidi ke lankani wani, U Tienu baa tuo ŋan soli n po u nibuolu yeni.»

Mi Coadima 25:1

Isidayeli yaaba den kaa Sitimi. Lankani bi den cili ki cagini bi yula leni Moabi yaaba bisiaba.

Mi Coadima 25:2

Moabi yaaba bisiaba yeni den yi Isidayeli yaaba bi buli pada po. Isidayeli yaaba den dini bi padijiedi, ki go gbaani ki pugi bi buli.

Mi Coadima 31:16

Laa puoba ka den ŋoadi Balaam tundi Peori po, ki tulini Isidayeli yaaba, ke bi tieni o Diedo po mi tudibiadima? Lani yaa po yo, ke u yianbolinko den baa o Diedo nitaanli siiga.

Mi Coadima 31:8

Bi go den kpa Madiani yaaba badimuudiba moko, lani n den tie: Evi, Rekem, Suri, Huri leni Reba. Bi go den kpa Beori bijua Balaam moko leni ki jugisiega.

Mi Coadima 33:49

Bi den tii bi naga ki kuli Jurden, ki cili Beti-Yesimoti, ki ban pundi hali Abeli-Sitimi, Moabi tiali nni.

Efesa 2:11

Yin tiadi mani line, bi den mali yi ke yi tie nilanba. Ban yi yaaba a junga, kelima bi niba n tieni yaala bi gbanandi nni, den teni ke bi yi yi a jifola.

Mi Tiadima 16:3

Mi jaanma yogunu, yi kan ŋmani yaa dupen n pia dabinli, ama yi baa yaa ŋmani yaa dupen n ki pia dabinli, hali danalele, li paboanli dupen, kelima yi baa yaa tiadi yi miana yema kuli nni, yin den sani ki ñani Ejipiti diema nni yaa daali.

Mi Tiadima 23:6

Ama o Diedo yi Tienu naa den bua ki cengi Balaam. Lane, o Diedo yi Tienu den lebidi yi po ti solindi yeni, ke li tua seli, kelima o Diedo yi Tienu den bua yi.

Mi Tiadima 8:18

Yi baa yaa tiadi o Diedo yi Tienu po. Wani n puni yi u fidu, ke yi baa laa ŋalimano, kelima o bua ki kuani wan den poli ki niani yaala yi yaajanba, nani wan tieni maama dinla.

Mi Tiadima 8:2

Yi baa yaa tiadi o Diedo yi Tienu n den teni ke yi cuoni yaa cenli bina piinaa mi fanpienma kuli nni, kelima o den bua ki faligi yi, ki biigi yi, ki bandi yaala n ye yi pala nni leni yi yaa baa kubi o bali maama, bi yi yaa kan kubi ma.

Mi Tiadima 9:7

Musa den yedi: «Tiadi mani, ki da sundi, ke yi den bieni o Diedo yi Tienu pali mi fanpienma nni. Hali yin ñani Ejipiti diema nni yaa daali, ki taa ki pundi hali yin cua u naa kaanu yaa daali, yi den fiindi mi yiema o Diedo po.

Josue 2:1

Isidayeli yaaba n den ye Sitimi dogu nni, Nun bijua Josue den fiini bi siiga nibilie. O den soani ba ŋasiili nni, ban duodi ki ban goandi mi diema, ki diidi Jeriko dogu bonŋanla. Bi den fii ki gedi ki ban pundi ki kua yaa puokpagili n yi Rahabi diegu nni, ki duani.

Josue 3:1

Josue den yagidi ki fii ki ñani Sitimi dogu nni, wani leni Isidayeli yaaba kuli. Bi den pundi Jurden, ki jiidi likani ki baa yuandi ki duodi.

Josue 4:19

Ku niligu den duodi Jurden li binli ŋmakpialo dapiiga daali, ki kpaa bi nagili Giligali dogu kani, Jeriko puoli.

2 Pieri 2:15

Bi ŋaa yaa sanu n tiegi, ki yaadi ki ŋoadi Beori bijua Balaam n den tagi yaa sanu, wani yua n den bua ki baa yaa panpaani n ki tiegi.

1 Jan 1:9

Ti yaa tuo ti tuonbiadi, Nani wan tie nidugika ki go tiegi yeni, O baa pa ti ti tuonbiadi sugili, Ki go ŋuudi ki ñani ti biadima kuli cain.

Jude 1:11

Fala n baa bi po, kelima bi ŋoadi Kayini n den ŋua yaa sanu. Bi go luni bi yula Balaam yaadima nni, kelima bi bua ki baa i panpaani. Bi fiini mi janjanma, ki bodi nani Kore yeni.

Mi Doagidima 2:14

Ama min jaligidi a yaa bonla po, tie ke a pia a kani yaaba n ŋua Balaam bangima, yua n den bangi Balaki ke o tulini Isidayeli yaaba, ke bi ŋmani ti padinandi ki go conbi.

Bi Bujiaba 11:25

Naani a tama ke fini n cie Tisipori bijua Balaki, Moabi diema bado? O den nia leni Isidayeli yaaba, ki tuogi leni ba bu toabu.

Bi Bujiaba 5:11

Yaaba n boagidi mi ñima a caana kani, Yiini ki togidi o Diedo n den ŋanbi bi po yaa ŋanbili, Wan den ŋanbi Isidayeli yaaba yudanba po yaa ŋanbili. Lanwani, o Diedo niba den gedi Ki sedi bi yibalinba dociamu bilinciamu buliñoana kani.

1 Samueli 12:7

Lanwani, moala yin nagini mani o Diedo nintuali min bu leni yi. N baa tiadi yi wan tieni yinba leni yi yaajanba kuli po yaa ŋanbili.