Mise 5:6 - U TIENU MAAMA TILI 2013

⁶ Lanyogunu Jakob puoliŋuani yii n sieni, Baa yaa ye yaa nibuoli n yabi siiga. Nani yaa mangu n ña o Diedo kani, Bi nani ki taaga n mi yaa ñinboala ti muadi po yeni. Ki taaga yeni naa guu bi niba kani liba, Ki kan go ŋmani bi nisaaliba kani mo liba.

Gourmanchéma Bible

⁶ Lanyogunu Jakobo puoliŋuani yi n sieni Baa ye yaa nibuoli n yaba siiga. Nani yaa mangu n ña Li Miali Diedo kani ki kuugi, Nani ki taaga n mini ki ŋa yaa ñinboala ti muadi po yeni, Ki taaga yeni naa guu bi niba kani liba. Bi nisaaliba mo ka cuani ga.

Mise 5:6 ပူးပေါင်းရင်းမြစ်များ

2 Bi Badiba 15:29

Isidayeli diema bado Peka n den die yaa yogunu, Asiiri bado Tigilati-Falasari den cua ki fie Iyoni, Abeli-Beti, Maaka, Janaaki, Kadesi, Hatisori, Galaadi, Galile leni Nefitali diema kuli, ki cuo bi niba ti yonbidi ki gedini ba Asiiri.

1 Bi Badiba Jama 1:10

Kusi n den mali Nemirodi. Wani n den tua ki tinga jakoandikpialo.

2 Bi Badiba Jama 33:11

O Diedo den teni ke Asiiri bado toagoli yudanba cua ki baa ba, ki cuo Manase leni i kugobidi, ki loli o leni ti kumoandi, ki gedini o Babilonni.

Jobi 29:22

N yaa den maadi ki gbeni, bi kan go liegi. N maama yen sandi bikuli po.

Pisomi 110:3

A paalu yaa doagidi yaa daali, A niba pia li yankuali bonŋanla, Nani ku mangu n yen luoni U tiŋaafaanu maama yeni. A jawaaba baa cua a kani Ki la yaa tiadi n gagidi U Tienu po.

Pisomi 72:6

Teni o bado n yaa tie Nani yaa taaga n mini u kuanu nni yeni! Wan yaa tie nani yaa tacianga N cua ki kpidi ki tinga yeni!

Esayi 14:2

I nibuoli baa taa ba ki gobidi Ki gedini ba bi diema nni. Isidayeli buolu baa gaa ba Nani li faali yeni o Diedo tinga nni, Ban tua nani a jatuada leni a puotuada yeni. Bi baa cuo ti yonbidi yaaba n den kubi ba ti yonbidi, Ki diedi yaaba n den mabindi ba.

Esayi 14:25

N baa pua ki mudi Asiiri yua Gbanmanu n diema nni. N baa ŋmaa o n juana nni. N baa faabi n niba o nuu nni. O tugili baa maadi bi boacaba po.»

Esayi 33:1

Fala baa nandi fini yua bolindi Ke bi naa bolindi a, Ki janbidi ke bi naa janbi a! A yaa bolini ki gbeni, bi baa bolini a mo. A yaa janbi ki gbeni, bi baa janbi a mo.

Esayi 37:36

O Diedo maleki den ñani ki pua Asiiri toagoli nni niba kobiga n piinii n tudamuu (185 000). Lan den fii ki faa, bikuli den tie tinkpiba.

Esayi 37:37

Lani, Senakeribi Asiiri bado den fii ki guani ki ban kali Ninivi dogu nni.

Esayi 6:13

Ba li yaa sua ke niba piiga siiga kuli, Niyendo yendo n sieni ki ye mi niinni, Bi baa lu bani moko u mu nni. Ama nani telebinti leni seni tiidi, Bi yaa pedi i ñiali, Yin go yen guani ki kpeli maama yeni, Bi yaa ñiana moko baa guani ki bundi Ki tieni yaa puoliŋuani n gagidi Ki ŋani yene.

Jeremi 14:22

Naani i nibuoli buyuogidi siiga, Pia yaa bulo n baa fidi ki teni ki taaga n mi? Naani ti tawadi n kpendinni ki taaga? Laa tie fini o Diedo ti Tienu ka? Ti dugi a po, kelima fini n tiendi laa bonla kuli.

Nahumi 2:11

Bi kpa bi niba ki koadi ŋalimani ki biani u dogu fanma! Bi wudi bi niba gbani ki teni ke a duna pua aya! Bi niba jie ki luodi ke bi nunmu kuli gbidi.

Sofoni 2:13

O baa fii ki sedi nujienu yaaba po, Ki bolini Asiiri diema yaaba, Ki teni bi dociamu Ninivi n tua paboanli kaanu Leni fanpienma, ñima n ki ye naani.

Sofoni 3:12

N baa kubi yi siiga taliginba Leni bi yumiindanba, Yaaba n bili bi dugidi o Diedo kani, Ki baa yaa lingi bi wuonkaanu n kani.

Luki 1:71

O den niani ke o baa gaa ti ti yibalinba nuu nni, Leni yaaba n nani ti kuli yaa nuu nni.

Luki 1:74

Ke o baa gaa ti ti yibalinba nuu nni Ki teni tin yaa jaandi o kaa jie,

Luki 24:27

Lani, Jesu den cili leni Musa yaa maama kani, ki pundi bi saawalipuaba yaama, ki bundi bi po i Diani nni kuli yaala n den maadi o po.

Mi Tiadima 32:2

N bangima n wuli nani ki taaga yeni, N maama mo nani ku mangu yeni, Nani yaa taaga n mi dindini li muabunli po yeni, Nani yaa ñinboala n maa ti muadi po yeni.