Mise 5:5 - U TIENU MAAMA TILI 2013

⁵ Bi baa diedi Asiiri diema leni ki jugisiega, Ki diedi Nemirodi diema mo leni u ŋalikuomu. Bi yaa kua ti diema nni ki ŋmaa ti tinga nni, Ban baa maa yua yeni baa faabi ti bani Asiiri yaaba nuu nni.

Gourmanchéma Bible

⁵ Bi baa diedi Asili diema, leni Nemilodi diema leni bi jatiadi. Bi yaa ŋma ti tinga nni, Ban baa maa yua yeni baa faabi ti bi nuu nni. Bi yaa kua ti diema nni, ki ŋma ti tinga nni Bi baa faabi ti Asili yaaba nuu nni.

Mise 5:5 ပူးပေါင်းရင်းမြစ်များ

Jobi 5:19

O baa faabi a leni li paboanli taalimiluoba, Mi taaleleema mo o kan tuo Yaala n bia n nandi a abada.

Pisomi 72:7

Laa dana nni o niteginka yema baa mangi. Teni o ŋmaalo mo n yaa ye yaa yogunu kuli, Mi yanduanma n baa ki yaa ye!

Mi Kpanjama 30:18

Bonlitaa n ye ki pia n po mi ludima: Li bonnaala mo ke mii bani la:

Mi Kpanjama 30:29

Bonlitaa n ye ki pia yaa bugima n ŋani, Li bonnaala mo yaa cenli ŋani.

Mi Kpanjama 6:16

Bonliluoba n ye ke o Diedo nani la. Li bonleleedila mo tie o po caginde. Lani n tie:

O Yanfuodaano 11:2

Taa biinyendu ki boagidi nibilele, bi ba nibinii, kelima ŋaa bani yaa yebiadima n baa ti faa ki tieni u tingbanu po.

Esayi 14:25

N baa pua ki mudi Asiiri yua Gbanmanu n diema nni. N baa ŋmaa o n juana nni. N baa faabi n niba o nuu nni. O tugili baa maadi bi boacaba po.»

Esayi 44:28

N maadi Sirusi ki yedi ke o tie n yankpaalo. O baa yaa tiendi n yanbuama kuli. O baa yedi Jerusalemi dogu po: ‹Ban guani ki maa u!› Ki go yedi U Tienu diegu po mo: ‹Ban cili ku tanpuuli!› »

Esayi 59:19

Lani, nintuali yaaba baa yaa fangi o Diedo, O kpiagidi mo baa doagidi, U yienu n pudi naanpo yaaba po. Yibali yaa puubi ki cua nani u kpenu yeni, O Diedo Fuoma baa deli o.

Esayi 65:8

O Diedo yedi: «Duven tiidi bonjoanli yaa pia mi ñima, Bi yen yedi: ‹Da bolini li, Kelima li seli ye li niinni.› N baa tieni yeni kelima n naacenba po. Yeni, n kan bolini bikuli yenma.

Esayi 7:14

Lani yaa po, o Diedo wani o ba Baa pa yi mi maalima. Diidi ki le, li puowandiali baa punbi. O baa maa bonjaga, Ki yini o Emanueli.

Jeremi 33:15

Li yogunu yaa pundi, n baa teni Davidi n maa bimoanga, yua n ŋua yaa bujiali n tiegi, ki tiendi mi teginma mi diema nni.

Amosi 1:3

O Diedo den yedi mi naa maama: «Damasi yaaba tieni tuongundataa, Li pundi ba bonanaa, Ya n teni ke n kan lebidi min jagi yaala. Bi den ŋmaa ki midi Galaadi diema yaaba Leni yaa teliti yaa taana n pia ti kudi ke ti sondi.

Amosi 1:6

O Diedo yedi mi naa maama: «Gasa yaaba tieni tuongundataa, Li pundi ba bonanaa, Ya n teni ke n kan lebidi min jagi yaala. Bi cuo nibuomunu kuli ki teni Edomi diema.

Sakari 10:11

Bi baa duodi li paboanli ñincianma, Bi baa pua ki duani mi ñincianma ñingola, U kpenu Nili baa ñuudi. Asiiri yaaba japaadi baa jiidi, Li bali mo n bodi Ejipiti nni.

Sakari 10:3

O Diedo yedi: «N pali beni leni bi yankpaaba Yaaba n gobidi n niba. N baa waani a ŋuabuana fala. Mini Li Miali Diedo U Paalu Kuli Daano, N baa taa n niba, Juda yaaba, ki kubi ba. Bi baa tua nani n tanjagido, Min jagi yua leni ti kpiagidi bu toabu po.

Sakari 12:6

Lanyogunu, n baa teni Juda yudanba n tua nani ku moasiangu yeni li fuali nni, yaa ka nani u mukaanu ŋalikama baba nni yeni. I kaani kuli, bi baa bolini yaa nilanbuoli n kaa ki lindi ba. Jerusalemi yaaba baa yaa li ye bi kaanu, Jerusalemi yene.

Sakari 9:10

O baa bolini ti toateliti Efrayimi buolu siiga, Ki bolini i taami mo bani Jerusalemi yaaba siiga. O baa kua bi dabana, Ki teni mi yanduanma n yaa ye i nilanbuoli siiga. O baa yaa die, ki cili ñincianma kani Ki ban tuoni hali ñincianma, Ki cili Efrati kpenu ki ban tuoni hali u tinbianu.

Sakari 9:13

N baa taa Juda buolu, Ban tua nani o toatielo dabanli yeni, Efrayimi buolu mo n tua nani i piemi yeni. N baa taa Siyon yaaba ban tua Nani o jakoando jugisiega, Ki koani leni Gireki diema.»

Luki 2:14

«U Tienu n baa ti kpiagidi hali tanpolijoma, Yaa niba n mangi o pali ki tinga nni N yaa pia mi yanduanma.»

Jan n diani U Tienu Laabaaliŋamo maama 14:27

N ŋaa yi po mi yanduanma. N puni yi n yaa yanduanme. Mii puuni yi ma nani ŋanduna n puuni maama ka. Yin da yagi yi yama, yin da jie mani.

Jan n diani U Tienu Laabaaliŋamo maama 16:33

N waani yi lani ke yin yaa pia mi yanduanma n niinni. Ŋanduna nni, yi baa le o falabiado. Ama yin paagi mani yi pala. Mini, n paadi ŋanduna.»

Mi Doagidima 17:14

Bi baa tuogi bu toabu leni ki Pebiga, ama ki Pebiga baa paadi ba, kelima o tie bi diediba Diedo leni bi badiba Bado. Wan den yini ki gandi yaaba, yaaba n tie o nidugikaaba, baa taani leni o ki moko n paadi ba.»

Mi Doagidima 19:14

Tanpoli toagola den ŋua o ki jagi i tanpieni, ki la yaa len tiadi n pieni ki ŋani cain.