Mise 5:3 - U TIENU MAAMA TILI 2013

³ O yaa cua o baa yaa kpaa ba Leni o Diedo paalu, O baa gobidi leni wani, Li Miali Diedo U Tienu kpiagidi. O niba jigi baa yaa co, Kelima yaaba n ye hali ki tinga banlu kuli, Baa yaa kpiagidi wani bi bado.

Gourmanchéma Bible

³ O yaa cua o baa yaa kpaa ba, Leni Li Miali Diedo paalu, O baa gobidi leni wani Li Miali Diedo o Tienu kpiagidi. O niba jigi baa co Kelima yaaba n ye hali ŋanduna banlu kuli Baa kpiagidi wani bi bado.

Mise 5:3 ပူးပေါင်းရင်းမြစ်များ

1 Bi Badiba 14:16

O baa ŋaa Isidayeli yaaba kelima Jeroboami tuonbiadi po, wan tieni yaadi ki teni ke Isidayeli yaaba mo tieni.»

2 Bi Badiba Jama 30:7

Da tieni mani nani yi yaajanba leni yi kpeliba, yaaba n ki den tiegi o Diedo bi yaajanba Tienu po, ke o den ŋaa ba fala nni nani moala yin nua maama.

Pisomi 67:3

Lani n tie ban bandi a sanu Mi tinfanma nni, Ki bandi a faabima mo i nibuoli kuli siiga.

Esayi 11:11

Landaali o Diedo baa guani Ki tandi o nuu Ki daa ki faabi o niba Yaaba n sieni ki ye Asiiri, Ejipiti, Patilosi leni Etiopi diema nni, Elami, Sineari, Hamati leni Mi ñincianma kpendega nni.

Esayi 49:6

O den yedi nni: «Min teni ke a tua N naacemo yeni daa dagidi. A baa fiini Jakob buoli yaaba, Ki guani bani Isidayeli yaaba, yaaba n sieni. N go gandi a ke ŋan tua mi yenma i nilanbuoli po, Ki teni n faabima mo n talini, Ki pundi hali ŋanduna banlu.»

Jeremi 23:5

O Diedo yedi: «Diidi a dana kpendi, N baa teni Davidi buolu nni Ki bimoanga n maa. O baa yaa tie yaa bado n tuuni Bonŋanla leni mi yanfuoma, Kelima o baa yaa ŋua yaa bujiali n tiegi Ki go tiegi mi diema nni.

Jeremi 31:1

O Diedo yedi: «Li daali kpendi ke n baa yaa tie Isidayeli yaaba kuli Tienu, bimo n yaa tie n niba.»

Esekieli 34:16

N baa lingi yua n bodi, ki guani yua n yaadi. N baa tieni u ñoagu ki go fini leni li cabili yua yaa taali n kua, ki paagi yua n yia mo yaa gbanu. Ama n baa bolini yaaba n pia mi kpama ki go pia u fidu yeni. N baa yaa kpaa ba leni mi teginma.»

Ose Tili 11:8

Efrayimi buolu, n baa bili yi le? Yinba Isidayeli yaaba, Naani n baa fidi ki ŋaa yi yi yibalinba nuu nni? Naani n baa fidi ki soani yi, Nani Adima leni Tiseboyimi yaaba yeni? N pali kuli biidi, Mi ninñima cuo nni yi po.

Ose Tili 2:14

N baa bolini o duventiidi leni o kankandi, Wan maadi yii yaa maama ki tua: ‹N jaconcona n pani nni yaa panpaani n yeni.› N baa teni likani n tua fuali, Ti moayandi mo n ŋmani i tiidi yeni.

Ose Tili 2:9

O baa sani ki ŋoadi o jaconcona, Ama o kan nandi ba. O baa lingi ba, Ama o kan le ba. Li yaa puoli, o baa yedi: ‹To! N baa guani n cakpelo po, Kelima min den ye o kani, Li den mani nni ki cie moala.›

Amosi 5:15

Yin yaa nani yaala n bia, Ki bua yaala n ŋani tienma. Yaa ja mani yaa buudi n tiegi li bujiali kaanu kani. Daalinba, o Diedo, U Tienu, U Paaciamu Kuli Daano, Baa gbadi mi ninñima, Josefi puoliŋuani yii n sieni po.

Mise 4:4

Nilo kuli baa yaa kaa o duventiidi Leni o kankanŋuuke soangu nni. Yua n baa teni bi niba n jie kan go yaa ye, Kelima Li Miali Diedo U Paaciamu Kuli Daano Ñoabu n maadi ki yedi ke li baa yaa tie yeni.

Mise 4:7

N baa taa yaaba n poagili yeni, Ki teni ban tua yaaba n baa sieni, Ki teni ban den deli ki gedini yaaba foagima yeni, N tua yaa nibuolu n pia u paalu. Lanyogunu, mini o Diedo baa yaa die ba Siyon juali nni hali yaa yogunu n tuu yaa yogu kuli.

Mise 5:7

Jakob puoliŋuani yaaba sieni baa yaa ye Yaa nilanbuoli n yabi siiga, Nani yaa yangbanlo n ye ti fuayandi siiga, Bi nani yaa yangbanbili n ye A pegola siiga yeni. O baa yaa cuoni bi siiga ki co ki dadi ki padi, Ke oba kuli mo kan fidi ki gaa ba o kani.

Mise 5:8

Isidayeli yaaba, pua mani yi koanginkaaba, Ki bolini yi yibalinba kuli.

Mise 6:14

Yi baa yaa di ki kan guo, Koma kan ña yi po. Yin baa bili yaa kpaandi ke tin faa ki todi yi, Kan kuani yi fuomiba. Ba yin baa bili yaala mo, N baa teni bu toabu n bolini likuli.

Mise 7:13

Ama li ŋandunli yaaba baa bodi Kelima bi tuonbiadi po.

Sakari 10:6

N baa pa Juda yaaba u paalu, Ki faabi bani Isidayeli yaaba. N baa gbadi bi po mi ninñima, Ki lebidi ki guani ba bi deni. Bi baa yaa tie n po nani mii den kpa Yie ba ba yenma yeni, Kelima n tie o Diedo, bi Tienu. N baa gaa bi miabu.

Matie 1:21

O baa maa bonjaga, ŋan yini o Jesu, kelima wani n baa faabi o buolu yaaba leni bi tuonbiadi.»

Matie 12:50

Yua n tuo ki tiendi n Baa yua n ye tanpoli yaa yanbuama, wani n tie n naataanjaga, n naataanpuoga leni n naa.»

Matie 25:40

Lani, o bado baa guani ki yedi ba: ‹N waani yi i moamoani, yin den tieni la yaa yogunu, n kpiiba na siiga ba yua yaa kpiagidi n wa ki cie po, yi den tieni la n yaa po yo.›

LOMA YAABA 8:29

U Tienu n den tuodi ki bani yaaba, o go den tuodi ki gandi ba, ki baa teni ban tua nani o Bijua yeni. Wani o Bijua yeni mo n tua o bijakpelo o waamu yaaba n yabi boncianla siiga.