Mise 5:13 - U TIENU MAAMA TILI 2013

¹³ N baa fobi yi diema nni ti budaadi yeni, Ki go bolini yi dogi kuli.

Gourmanchéma Bible

¹³ N baa fobi yin den caani yi diema nni *Akela budaadi yaadi yeni, Ki go bolini yi dogi.

Mise 5:13 ပူးပေါင်းရင်းမြစ်များ

Esayi 2:18

I buli kuli baa bodi.

Esayi 2:8

Bi diema gbie leni i buli Bi yen gbaani bi nii n tagi yaala Yaa nintuali ki pugi la.

Esayi 27:9

Lani n tie ban baa duuni ki ñani Jakob tuonbiadi maama. O tuonbiadi sugili miabu mo n baa cuani yaala nne: O Diedo baa teni li padibinbinli tana kuli N mudi yomi yomi nani o kaalo yeni. O kan go cedi Akera budaadi n yaa go se, Ban juugi tulale naani kuli.

Esekieli 16:41

Bi baa juu a diedi leni u mu ki kuani yaa buudi n den bili a po, bi puoba boncianla kuli nintuali. N baa teni a conconma n baa u bianu, ke ŋan da go fidi ki pa paabuba conconma po.

Esekieli 36:25

N baa mii yi po yaa ñima n ŋani cain, ke yin ŋuudi ki ŋanbi. N baa ŋuudi ki ŋanbi yi leni yi joagindi leni yi buli kuli.

Esekieli 37:23

Bi kan go joagini bi yula leni i buli padima, a cancagintuona leni bi biadima buoli kuli. N baa faabi ba ban den ye naankani kuli, ki tiendi ti tuonbiadi, ki ŋuudi ki ŋanbi ba. Bi baa yaa tie n niba, nmo baa yaa tie bi Tienu.

Esekieli 6:9

Lani, yi niba yaaba n ciadi yeni, baa tiadi n po, ban ban ye ti yonbidi yaa nibuolu siiga. Min baa mudi bani yaaba yaa pala, ya n yie nni ki tiendi mi conconma leni i buli yeni, baa tiadi min den faligi ba maama. Bi kan go fidi ki diidi bi lieba nunmu, kelima bi cancagituona po.

Ose Tili 10:2

Bi tie palalie danba, Moala bi baa tugi bi tudima tugili. O Diedo baa tudi ki lu bi padibinbina, Ki bolini bi butana mo.

Ose Tili 14:3

Lebidi mani ki guani o Diedo kani Leni mi yanlebidima maama, Ki yedi o: ‹Tieni ti po sugili ti tuonbiadi kuli po, Mangi a nunga ti po, ki tuo ti miabu. Ti baa cedi tin padi a po yaa naatona yeni, Ki yaa pagi a leni ti ñoana.

Ose Tili 14:8

Bi baa guani ki cua, Bani yaaba n den ye o soangu nni, Bi baa ko ŋalikama, Bi baa puudi nani i duventiidi, Bi yela baa ña, Nani Liban diema duven yeni.

Nahumi 1:14

Fini Ninivi bado, O Diedo jagi a po yaala n tie ne: «A kan go baa puoliŋuani, Yii n baa teni ke a yela kan bodi. A budiena nni, n baa bolini a buli, Ŋan kpie yii, bi ŋan duadi yii. N baa gbiidi yi takula, Kelima yii pia fuomiba kuli.»

Sofoni 1:4

O Diedo yedi: «N baa fii ki sedi Juda Leni Jerusalemi yaaba po. N baa ñani likani yaa bonla n sieni Ki tie o bulo Baali yaala kuli. Ba yaa kopadicianba n den tuuni o po, Niloba kuli kan go tiadi bi po.

Sakari 13:2

Landaali, n baa bolini i buli mi diema nni, ke oba kuli kan go tiadi ba bi yela. N baa bolini yaaba n pua mi faama ke bi tie saawalipuaba leni bi yantiajoagindi.

Mi Doagidima 9:20

O falabiado yeni n kaa den kpa yaaba, baa den lebidi bi pala leni bi nii n tagi yaala. Baa den cedi kaa go kpiagidi mu cicibiadimu, i buli, yaala n tie wula, yaa ka ŋanjilifa, yaa ka ti kumoandi, yaa ka a tana, yaa ka ti daadi, yaala n kaa nua, kaa gba, kaa cuoni mo.

Bi Bujiaba 18:17

Bi jamuudiba yaaba n den ban goandi mi diema yeni den kua deeni, ki taa li nannankpiedikaali yeni, o bulo, telafiminba leni li nannanduadikaali yeni. O kopadiciamo yeni den se bu buliñoabu kani, wani leni i nikobiluobidi yii n kubi ti toatiadi yeni.