Mise 5:12 - U TIENU MAAMA TILI 2013

¹² N baa bolini i buli leni i nannana yi siiga. Yi kan go gbaani ki pugi yi nii tuona.

Gourmanchéma Bible

¹² N baa bolini yi *buli leni yi buli nannana yi siiga, Ke yi kan go gbaani ki pugi yi nii n den tagi yaala yeni.

Mise 5:12 ပူးပေါင်းရင်းမြစ်များ

Esayi 2:18

I buli kuli baa bodi.

Esayi 2:20

Landaali bi baa taa bi buli yii n tie ŋanjilifa leni wula, ban den tagi yii ki baa yaa pugi yi yeni, ki lu a dapola leni ti janjandi po.

Esayi 27:9

Lani n tie ban baa duuni ki ñani Jakob tuonbiadi maama. O tuonbiadi sugili miabu mo n baa cuani yaala nne: O Diedo baa teni li padibinbinli tana kuli N mudi yomi yomi nani o kaalo yeni. O kan go cedi Akera budaadi n yaa go se, Ban juugi tulale naani kuli.

Esayi 44:17

Leni yaa daadi n sieni Ke o baa kpie ki tagi o bulo, Ki tieni la o bulo, Ki yaa ñuandi o nintuali ki kpiagidi o, Ki gbaandi o nintuali ki pugi o, Ki miadi o ki tua: «Faabi nni, Kelima a tie n tienu!»

Esekieli 16:41

Bi baa juu a diedi leni u mu ki kuani yaa buudi n den bili a po, bi puoba boncianla kuli nintuali. N baa teni a conconma n baa u bianu, ke ŋan da go fidi ki pa paabuba conconma po.

Esekieli 36:25

N baa mii yi po yaa ñima n ŋani cain, ke yin ŋuudi ki ŋanbi. N baa ŋuudi ki ŋanbi yi leni yi joagindi leni yi buli kuli.

Sakari 13:1

Li Miali Diedo U Paaciamu Kuli Daano yedi: «Landaali, li ñinbunli baa pudi, ki yaa ŋuudi ki ñandi Davidi puoliŋuani leni Jerusalemi yaaba Tuonbiadi leni bi joagindi.

Mi Tiadima 18:14

Yi baa deli laa nibuoli, kelima bi cengi a baabuula leni a lingida yo. O Diedo yi Tienu kuani yi lani yo.

Mi Doagidima 19:20

O den cuo ki fuayanga, wani leni o saawalipua-faadaano, yua n den tiendi mi bancianma o nintuali, ki boandi yaaba n gaa ki fuayanga maalima, ki go gbaani ki kpiagi o nannanli. O den luni bani bonbilie kuli ku fantanbuogu nni ke bi fo, li cidibili n co naani.

Mi Doagidima 22:15

Ama i sangbanli, u ñoagubiadu danba, mi conconma buoli kuli danba, bi nikpaba, i buli danba, yaaba n bua mi faama ki go pua ma kuli, baa yaa ye niinpo.