Mise 4:5 - U TIENU MAAMA TILI 2013

⁵ Nilanbuolu kuli baa yaa ŋua o tienu, Timo n yaa ŋua Li Miali Diedo ti Tienu, Hali yaa yogu n tuu yaa yogu.

Gourmanchéma Bible

⁵ I nilanbuoli kuli ŋua ban nua yaala nani ke li tie U Tienu yeni, Tinba wani ŋua Li Miali Diedo ti Tienu Hali yaa yogu n tu yaa yogu.

Mise 4:5 ပူးပေါင်းရင်းမြစ်များ

Mi cilima 17:1

Abalama n den pia piiyia n binayia yaa yogunu, o Diedo den doagidi o kani ki yedi o: «N tie U Tienu U Paaciamu Daano. Ŋan yaa cuoni n nintuali leni li papienli.

2 Bi Badiba 17:29

Ama i nilanbuoli yeni, buolu kuli niba den tagi ban den ŋua yaa buli nannana, ki kuani a Samari yaaba n den maa yaa padibinbina a juana yula po diena nni. Buolu kuli niba den tieni yeni wun ye yaa dogu nni.

2 Bi Badiba 17:34

Bi baa ki tiendi ban den kpa tiendi maama hali dinla. Baa fangi o Diedo moamoani, baa ŋua bi bogida n bili maama, bi o Diedo n den bili yaa bali maama Jakob bila po, wan den cili yua yaa yeli Isidayeli.

Pisomi 20:6

Ti baa yigini leni li pamanli, Kelima a faabima po. Ti baa yugidi ti jakoandicabili ti Tienu yeli nni. O Diedo n tieni a po ŋan mia o yaala kuli.

Pisomi 48:14

Diidi mani u bilinciami bonŋanla, Ki coadi u kaanpaali kuli. Lani n tie yin baa ki togidi Yaa nifiima n baa fii,

Pisomi 71:16

N baa togidi o Diedo U Tienu N tuuni o tuonciama maama. N baa tiadi ki maadi a teginma maama.

Esayi 2:5

Yinba Jakob buolu, Fii mani tin cuoni O Diedo yenma nni.

Esayi 26:13

Li Miali Diedo ti Tienu Canbaantoaba diedi ti. Ama fini bebe n tie tin jaandi ki miadi yua.

Esayi 26:8

Lani n teni ke ti dugi a po, Fini o Diedo, Ki ŋua ŋan bili ti po yaa sanbila kuli. Tin bua yaala leni ti pala kuli n tie, Ki yini a ki mia a todima.

Jeremi 32:40

N baa kuani leni ba yaa ŋantaado n kan fidi abada. N kan go buli ki ŋaa ba. N baa tieni ba mi ŋanma, n baa kuani n fangili bi pala nni, lani n tie ban da foagidi leni nni.

Sakari 10:12

N baa pa n niba u fidu, Bi baa yaa kpiagidi nni, Ki tuodi ki tiendi min yedi yaala. Mini o Diedo n yedi yeni!»

Jesu Tondiba Tuona 14:16

Hali u yogunkpelu, o cedi ke i nibuoli kuli ŋua bi yuceli jaanbuolu.

Mi Tiadima 27:10

Yin tuo o Diedo yi Tienu yedima, ki yaa tiendi o bali maama, o mabilikaama min teni yi yaama dinla ne.»

Kolosi 2:6

Yin den tuo Jesu Kilisiti o Diedo yeni, yin yaa tuugi mani leni o yi yema kuli nni,

Kolosi 3:17

Yin maadi yaa maama kuli leni yin tiendi yaala kuli, tieni mani likuli o Diedo Jesu yeli nni, ki yaa tuondi U Tienu yua n tie Baa, kelima wani Jesu yaa po.

Josue 24:15

Dinla, yi yaa bua ki yaa ŋua Li Miali Diedo, yin gandi yin bua ki yaa ŋua yua, li yaa tie yi yaajanba n den ŋua yaa tieni Efrati duoli po yo, bi li yaa ko tie Amori yaaba, yin ye yaaba yaa diema nni, n ŋua yaa buli yo. Mini leni n diegu yaaba wani, ti baa yaa ŋua Li Miali Diedo yo.»