Mise 4:3 - U TIENU MAAMA TILI 2013

³ O baa tua i nibuoli boncianla bujialo, O baa tua yaa nilanbuoli n pia u paalu, Ki ye hali foagima koanpaado. Bi baa taa bi jugisiemu ki maa a cecela, Ki taa bi kpaana mo ki maa ti moaciedi. Nibuoluba kan go fii ki tuogi uyuu. Bi kan go bangi bu toabu n tiendi maama.

Gourmanchéma Bible

³ O baa tua i nibuoli boncianla bujialo O baa tua yaa nilanbuoli n pia u paalu Ki ye hali foagima koanpaado. Bi baa taa bi jugisiemu ki maa a cecela Bi baa taa bi kpaana mo ki maa ti moaciedi. Nibuoluba kan go fii ki tuogi uyu. Bi kan go bangi bu toabu n tiendi maama.

Mise 4:3 ပူးပေါင်းရင်းမြစ်များ

Pisomi 46:10

Wani n tendi ke bu toabu gbendi I kaani kuli. O kua li dabanli ki jendi li kpaanli. O buoni bu toabu teliti kuli leni u mu.

Pisomi 46:9

Cua mani ki le o Diedo tuona, Cua mani ki le wan tieni yaala Ki tinga nni ke li pia i jeje.

Pisomi 72:3

A juana baa cuani mi yanduanma bi niba po, A joabila mo n cuani ma kelima mi teginma po,

Pisomi 72:7

Laa dana nni o niteginka yema baa mangi. Teni o ŋmaalo mo n yaa ye yaa yogunu kuli, Mi yanduanma n baa ki yaa ye!

Pisomi 82:8

U Tienu, fii ki jia ti buudi leni ki tinga, Kelima fini n die i nibuoli kuli.

Pisomi 96:13

Leni li pamanli o Diedo nintuali, Kelima o kpendi. O kpendi ki baa jia ti buudi ki tinga nni. O baa jia li ŋandunli buudi leni mi teginma, Ki jia i nilanbuoli buudi mo leni i moamoani.

Pisomi 98:9

Leni li pamanli o Diedo nintuali, Kelima o kpendi ki baa jia ki tinga buudi, O baa jia ŋanduna buudi leni mi teginma, Ki jia i nibuoli buudi mo ke li tiegi.

Esayi 2:4

O baa tua i nibuoli bujialo. O baa tua nibuoli boncianla koanpaado. Bi baa taa bi jugisiemu ki maa a cecela. Ki baa taa bi kpaana mo ki maa ti moaciedi. Nibuoluba kan go fii ki tuogi uyuu. Bi kan go bangi bu toabu n tiendi maama.

Esayi 25:3

Lani n teni ke yaa nibuolu n pia U paalu kpiagidi a, Ke yaa dogi mo yaa niba n pia Ku tugumoangu fangi a,

Esayi 51:5

N teginma nagini, N faabima baa doagidi, N baa jia i nibuoli buudi. Yaaba n ye a kpendega po, Baa bili bi suginma n kani. Bi baa yaa dugi n paalu po.

Esayi 60:12

Yaa nilanbuolu leni yaa diema N kan soani a po kuli baa bodi. Laa nibuoli mo baa bodi cain.

Esayi 65:25

O fuasangbanlo leni ki pebiga baa taani Ki yaa kpaa kaanyendu, O yangbanlo leni o nua mo n baa taani Ki yaa ŋmani ti muadi. O wa mo yaa jiema n baa yaa tie mi tama. Fala leni bolinmiba kan go yaa ye N joagagidikaali yuli po.» O Diedo n yedi yeni.

Esayi 9:7

O Diedo fu leni Jakob puoliŋuani. Laa fuugu tie Isidayeli yaaba po yo.

Danieli 2:44

Mi diema yeni badiba yogunu, Tanpoli Tienu baa fiini dietoama, yaama n kan bodi abada. Nibuoto kan fidi ki diedi ma. Mi baa mudi ki gbeni mi diekpiama yeni kuli, ama mani miba baa yaa ye hali yaa yogunu kuli.

Ose Tili 2:18

O Diedo yedi: «Lanyogunu o baa yini nni: “N calo.” O kan go yini nni: “Baali n daano.”

Ose Tili 2:20

Lanyogunu, n baa kuani o ŋantaado N niba leni ti moayandi siiga, Bani leni ti bonyugiditi siiga, Bani leni yaala n balini ki tinga po kuli siiga. N baa kua a dabana, mu jugisiemu Leni ti toatiadi kuli mi diema nni, Ki teni n niba n yaa goa ke bi jigi co.

Joeli 3:2

Laa dana nni, n baa teni n Fuoma n jiidi Ba bi naacenba leni a puotuada po.

Sakari 14:3

Li yaa puoli, o Diedo baa fii I nilanbuoli yeni po, Ki pua ki paadi ba, Nani wan den kpa tieni maama Mi janjanma leni bu toabu daali yeni.

Sakari 8:20

Li Miali Diedo U Paaciamu Kuli Daano yedi: «I nilanbuoli, i dogi boncianla niba Baa tigibi Jerusalemi.

Sakari 9:10

O baa bolini ti toateliti Efrayimi buolu siiga, Ki bolini i taami mo bani Jerusalemi yaaba siiga. O baa kua bi dabana, Ki teni mi yanduanma n yaa ye i nilanbuoli siiga. O baa yaa die, ki cili ñincianma kani Ki ban tuoni hali ñincianma, Ki cili Efrati kpenu ki ban tuoni hali u tinbianu.

Jesu Tondiba Tuona 17:31

Wani U Tienu bili ti buudi daali, wan baa jia ŋanduna yaaba kuli buudi yaa daali leni mi teginma. O gandi o nilo, ki bili ke o baa jia laa buudi. O saa i moamoani ke li baa tieni yeni leni wan fiini yaa nilo bi tinkpiba siiga.»

Mi Doagidima 19:11

Lani n den laa ke tanpoli luodi ki yaa, ke o tanpieno se. Yua n jagi o, yi o Dugika leni o Moamoandaano. O bujiali tiegi, o togidi bu toabu mo leni mi teginma.

1 Samueli 2:10

O Diedo yibalinba baa midi. O baa teni i tatantani n tiani hali tanpoli ki pundi bi kani. O Diedo baa jia ti buudi leni ki tinga niba kuli. O baa pa o bado u paalu, O baa pugini wan gagidi ki dini yua li bali li bali paalu.»