Mise 4:2 - U TIENU MAAMA TILI 2013

² I nilanbuoli boncianla baa yaa caa likani ki tua biyaba: «Cua mani tin do o Diedo juali yuli po, Wani Jakob Tienu diegu kani, Ke wan bangi ti o sani, Ke tin yaa cuoni yini yaa niinni.» Kelima li tie Siyon po yo, Ke li bali maama baa ña, O Diedo maama baa ña Jerusalemi dogu nne.

Gourmanchéma Bible

² I nilanbuoli boncianla baa caa likani ki tua biyaba: «Cua mani tin do Li Miali Diedo juali yuli po, Wani Jakobo Tienu diegu kani, Ke wan bangi ti o sani, Ke tin yaa cuoni yini yaa niinni.» Kelima li tie Siyono po yo ke li *bali maama baa ña, Li Miali Diedo maama baa ña Jelusalema.

Mise 4:2 ပူးပေါင်းရင်းမြစ်များ

Pisomi 110:2

O Diedo n cili Siyon kani ki pugini a paalu, Ki teni ŋan diedi a yibalinba, Yaaba n gaani ki lindi a kuli.

Pisomi 119:1

Li pamanli ye leni yaaba n tiegi bi tagi nni, Ki cuoni nani o Diedo bali maama n bili maama.

Pisomi 119:171

N ñoacuuna n yaa pagi a, Kelima a bangi nni a mabilikaama.

Pisomi 122:1

Ban caa Jerusalemi ki yiini yaa yanbu. Davidi yanbu. N ye leni li pamancianli bi yaa yedi nni: «Tin gedi o Diedo diegu po!»

Pisomi 25:12

Yua n pia li fangili o Diedo po, O Diedo baa waani o wan baa gandi yaa sanu.

Esayi 2:3

I nibuoli boncianla baa yaa caa likani Ki tua biyaba: «Cua mani tin do o Diedo juali yuli po, Wani Jakob Tienu diegu kani, Ke wan bangi ti o sani, Ke tin yaa cuoni yini yaa niinni.» Li tie Siyon po yo Ke li bali maama baa ña, O Diedo maama mo n ña Jerusalemi.

Esayi 54:13

Jerusalemi, a bijaba kuli baa tua o Diedo ŋoadikaaba. Bi baali mo baa yabidi.

Esayi 56:7

N baa yini bani n joagagidikaali po, Ki teni ban mangi bi pala n diegu nni, Ban jaandi nni naani. N baa tuo ki gaa bi padijuukaana Leni bi pada kuli n padibinbinli po, Kelima n Diegu baa yaa yi I jaandi diegu yo i nibuoli kuli po.

Jeremi 31:6

Li daali didi go kpendi, Ke yaaba n guu u dogu baa yedi: «Fii mani tin gedi Siyon o Diedo ti Tienu po.»

Jeremi 42:3

O Diedo a Tienu n waani ti, tin baa tagini yaa sanu leni tin baa tieni maama.»

Ose Tili 6:3

Tin moandi mani ki bandi o Diedo. Nani lan ki pia kuli tama ke u yienu baa faa Ki pudi ku tiŋaagu maama yeni, U Tienu cuama moko tie yene. O baa cua nani ki taludikaaga yeni, Ki kuugi ki tinga gbanu, Nani ki siakuantaaga n yen cua, Ki kuugi ki tinga maama yeni.»

Sakari 14:16

Li baa baa yaa niba n baa ciadi I nilanbuoli yii n den cua ki baa Jerusalemi yeni siiga. Laa niba baa yaa kpendi binli kuli Laa dogu nni ki kpiagidi o bado, Li Miali Diedo U Paaciamu Kuli Daano, Ki go jaani a suga jaanma.

Sakari 2:11

Yinba Jerusalemi yaaba, Ban den gedini yinba yaaba Ti yonbidi Babilonni yeni, sani mani ki ña lipo.»

Sakari 9:10

O baa bolini ti toateliti Efrayimi buolu siiga, Ki bolini i taami mo bani Jerusalemi yaaba siiga. O baa kua bi dabana, Ki teni mi yanduanma n yaa ye i nilanbuoli siiga. O baa yaa die, ki cili ñincianma kani Ki ban tuoni hali ñincianma, Ki cili Efrati kpenu ki ban tuoni hali u tinbianu.

Marki 16:20

O ŋoadikaaba den gedi ki ban wangi o Laabaaliŋamo i kaani kuli. O Diedo den tuuni leni ba ki saagi o Laabaaliŋamo po i moamoani leni yaa bancianma n tiendi.]

Luki 24:47

Bi baa cili Jerusalemi na ki yadi ki gedi i nibuoli kuli po, ki ban yaa wangi ke bi niba n lebidi bi pala, ki baa sugili bi tuonbiadi po.

Jan n diani U Tienu Laabaaliŋamo maama 6:45

Li diani bi saawalipuaba tila nni: U Tienu baa bangi o niba kuli. Yua n cengi Baa, ki gaa o bangima kuli, wani n baa cua n kani.

Jan n diani U Tienu Laabaaliŋamo maama 7:17

O nilo yaa bua ki tieni U Tienu yanbuama, o baa bandi n bangima yaa ñani U Tienu kani, bi n yaa maadi n yuli po yo.

Jesu Tondiba Tuona 1:8

Ama yi baa baa u paalu, U Tienu Fuoma Yua yaa jiidi yi po yaa yogunu. Lani, yi baa yaa tie n siedinba Jerusalemi nni, Jude po leni Samari diema nni kuli, hali ki pundi ŋanduna banlu.»

Jesu Tondiba Tuona 13:42

Poli leni Barnabasi n den ñani, bi niba den mia ba ke ban guani ki maadi bi po laa maama buolu mi fuodima daali yaali n ŋua.

LOMA YAABA 15:19

N den baa U Tienu Fuoma paalu, ki tieni bi siiga sinankeeninba leni mi bancianma. N den cili ki wangi Kilisiti Laabaaliŋamo Jerusalemi, ki yuandi ki wangi o i kaani kuli, hali ki ban gaani ki pundi Iliri diema.

Mi Tiadima 6:1

Musa den yedi: «Diidi o Diedo yi Tienu n puogi nni ke min bangi yi yaa bali maama, yaa mabilikaama leni yaa ñoamabona, ke yin yaa kubi la, ki tiendi la, yin baa kandi ki kua ki diedi yaa diema yeni niinni.