Mise 4:10 - U TIENU MAAMA TILI 2013

¹⁰ Yeni de, Siyon yaaba, yaa yalini ki duni mani, Nani yaa pua n ye leni u maditugukoanu yeni. Moala yi baa ña u dogu na niinni, Ki gedi ki ban kpaa yi gbandiena li fuali nni. Yi baa gedi hali Babilonni ki ban baa mi faabima. Lanpo, mini o Diedo baa faabi yi yi yibalinba nuu nni.

Gourmanchéma Bible

¹⁰ Yaa yalini ki duni mani nani yaa pua n ye Leni u maditugukoanu yeni. Kelima moala yi baa ña u dogu na niinni Ki gedi ki ban kpaa yi gbandiena li fuali nni. Yi baa gedi hali Babilona. Lanpo yi baa faabi, N baa ga yi lanpo Mini Li Miali Diedo baa faabi yi yi yibalinba nuu nni.

Mise 4:10 ပူးပေါင်းရင်းမြစ်များ

2 Bi Badiba 20:18

Bi go baa cuo a bijaba, a bimadimu, ki ban teni ban tua moagilimu Babilonni bado diegu nni.»

2 Bi Badiba 25:4

Lanwani, bi den cibi Jerusalemi bilinciamu. Ba ke Babilonni toatieba den lindi ki cebini u dogu, Juda toatieba den sani ku ñiagu ki tagi yaa sanu n pendi yaa buliñoabu n ye bilinciamilie siiga, ki nagi o bado salidingo kani. O bado Sedesiasi den taa u tialu po yaa sanu.

2 Bi Badiba Jama 33:11

O Diedo den teni ke Asiiri bado toagoli yudanba cua ki baa ba, ki cuo Manase leni i kugobidi, ki loli o leni ti kumoandi, ki gedini o Babilonni.

2 Bi Badiba Jama 36:20

Ban ki den kpa yaaba bu toabu nni, Nebukanesa den cuo ba ki gedini Babilonni po, ke bi tua wani leni o puoliŋuani yonbi hali Persi yaaba diema yogunu.

2 Bi Badiba Jama 36:23

«Mini Persi diema bado Sirusi yedi yaa maama n tie ne: o Diedo U Tienu yua n die tanpoli puni nni ŋanduna diema kuli, ke n die ma. O puogi nni min maa o diegu Jerusalemi dogu nni, Juda diema nni. Yi siiga, ŋme n tie U Tienu nibuolu? Wan fii ki gedi Jerusalemi, ke wani o Diedo o Tienu mo n yaa ye leni o.»

Pisomi 106:10

O den faabi ba yaaba N den mabindi ba nuu nni, Ki gaa ba bi yibalinba nuu nni.

Esayi 43:14

O Diedo yua n daa ki faabi yi, Isidayeli Tienu yua n Gagidi ki ŋani Yedi mine: «Li tie yi yaa po yo Ke n soani o nilo wan tuogi leni Babilonni yaaba. Bani Kalide yaaba, yaaba n sani yeni, N baa cibi bi pamanli ñinbiaciandi, Ki teni bikuli n tingi mi ñincianma nni.

Esayi 45:13

N tigini Sirusi ke o fii, Kelima mi teginma po. N baa teni o sani kuli n pendi. Wani n baa guani ki maa n dogu, Ki faabi n niba ban cuo yaaba ti yonbidi. O kan tieni la panpaani leni suuli po. Mini Li Miali Diedo U Paaciamu Kuli Daano N yedi yeni.»

Esayi 48:20

Ña mani Babilonni nni, Sani mani ki ña Kalide yaaba siiga. Leni li pamanli kpaani, Yin kpaani ki waani laa laabaalo, Hali yaaba n ye u tinbianu n gbadi. Yin yadi li laabaalo ki yedi: «O Diedo daa ki faabi o naacemo, Jakob puoliŋuani.»

Jeremi 13:4

«Taa ŋan daa yaa gbanñagidigu ke ku ñaagi a ciaga nni, ki gedi u kpenciamu Efrati po ki ban wuoni ku li tanli tinga.»

Jeremi 15:21

N baa faabi a leni bi nibiadiba, Ki go faabi a leni ku tugumoangu danba.»

Jeremi 29:20

Ama yinba, min ñani yaa yonbi Jerusalemi ki gedini Babilonni, cengi mani o Diedo maama!

Jeremi 4:31

N gba li dunli nani yaa pua n bua ki maa yaa dunli yeni. N gba i yanbani ñiidi, Nani yaa puosiaga n baa maa yeni. Li tie Siyon badisalo yaa nialu yo. O fuo ki dogi, O tandi o nii ki yedi: «N bonla pia mi ninñima, Bi nikpaba baa pua ki kpa nni.»

Jeremi 48:41

Yibali fie Keriyoti leni Mesatidoti. Moabi jakoanda tugusoama tiini, Nani yaa pua n baa maa, Yaa tugusoama n tiini maama yeni.

Jeremi 52:27

Babilonni bado den kpa ba Livila dogu nni, Hamati diema nni.

Ose Tili 13:13

Isidayeli buolu madi pundi, Nani yaa biga yaa naa n ye Leni u maditugukoanu yeni, Ama bi nan tie nani ki biyanpiidanga yene, Yaaga yaa maayogunu n pundi, Ke ki nan yie ke ki kan ña ki naa tugu nni.

Ose Tili 2:14

N baa bolini o duventiidi leni o kankandi, Wan maadi yii yaa maama ki tua: ‹N jaconcona n pani nni yaa panpaani n yeni.› N baa teni likani n tua fuali, Ti moayandi mo n ŋmani i tiidi yeni.

Mise 5:2

Lani yaa po, U Tienu baa ŋaa O niba bi yibalinba nuu nni, Hali yaa pua n baa maa ki bonjaga yeni, Yaa mali ka yaa yogunu. Lanwani, ki biga yeni kpiiba yaaba n sieni, Ki ye foagima baa guani ki kpeni, Bi kpiiba Isidayeli yaaba diema nni.

Mise 5:3

O yaa cua o baa yaa kpaa ba Leni o Diedo paalu, O baa gobidi leni wani, Li Miali Diedo U Tienu kpiagidi. O niba jigi baa yaa co, Kelima yaaba n ye hali ki tinga banlu kuli, Baa yaa kpiagidi wani bi bado.

Mi Doagidima 12:14

Lani, bi den puni o pua yeni jiebanciamo fiabi bonilie, ke wan yugi ki gedi o kaanu, yuu n ye mi fanpienma nni, ban baa yaa kubi o naanpo, ki dindi o hali binataa leni boagidima, wan foagidi leni o wa yeni.