Mise 3:7 - U TIENU MAAMA TILI 2013

⁷ Yaaba n pua saawali kuli baa pii bi nunmu i fe po, Kelima U Tienu kan lebidi bi po liba.

Gourmanchéma Bible

⁷ Yaaba n pua sawali kuli baa pii bi nunmu kelima i fe po, Kelima U Tienu kan guani bipo liba.

Mise 3:7 ပူးပေါင်းရင်းမြစ်များ

Pisomi 74:9

Tii go nua a yema maalima ti siiga, Saawalipualo mo ki go ye. Ti siiga nni oba kuli mo ki bani, Laa bonla n baa waagi yaa bianu.

Mi Ñama 9:11

Bi ñoagidanba naa den fidi ki cua Musa kani, kelima a sinakpina po. A sinakpina den cuo bi ñoagidanba nani ŋan cuo Ejipiti yaaba kuli maama.

Esayi 44:25

N biandi tuofaa-sinankeene fanma, Ki jiendi a baayuadiida. N teni ke a banda suligi ki goa puoli, Ki lebidi bi bancianma ke mi tua yanpiima.

Jeremi 18:18

Jeremi yibalinba tianba den yedi: «Cua mani tin juogi ki baa tin baa kuani Jeremi naani, kelima li bali maama kan kpe ke bi kopadicianba ye. Tundi kan gbeni ke bi yanfuodanba ye. Saawali mo kan gbeni ke bi saawalipuaba ye. Cua mani tin kpa o leni ti maama, ki da cengi o mayedikaama.»

Esekieli 24:17

Ŋan yaa duni a pali nne, ki nan da doagidi mi kuuma paboanli. Ama, ŋan fini a yufinfinjuadi, ki pili a cacaadi, ki da pigini a ñoakobidi, ki da go je nitoaba jiema.»

Esekieli 24:22

Lanwani, yi baa tieni nani min tieni maama. Yi kan pigini yi ñoakobidi, yi kan je nitoaba jiema mo.

Levi 13:45

Gbaado kuli baa la ti tiacadinti, ki kan yaa ciibi liba. O go baa yaa pii o ñoabu, ki yaa kpaani ki tua: ‹Joagindi! Joagindi!›

Amosi 8:11

Li Miali Diedo U Tienu yedi: «A dana kpendi ke n baa soani mi koma mi diema nni, Laa tie mi jiema yaa koma ka, Laa tie mi ñima yaa ñuñuunu moko ka. Ama li baa yaa tie o Diedo maama gbadima Yaa koma leni mi yaa ñuñuunu yo.

Mise 3:4

Li tie lani yaa po yo, ke yi yaa ti kpaani, Ki miadi o Diedo wan faabi yi yaa yogunu, O kan lebidi yi liba kelima yi soani yaa tuona n bia. Lanyogunu o baa buli yi o nunga.»

Mise 7:16

I nilanbuoli baa le lani i fe n cuo ba, Ba leni ban pia yaa paalu kuli. Bi baa pii bi ñoana, bi tuba mo n womi.

Sakari 13:4

Landaali, i fe baa cuo yaaba n pua saawali ke bi kan go pua. Bi kan go togidi bi bonlekaala mo. Bi kan go la bi saawalipuaba liada ya n tie gbandi, ki pia ti kobidi yeni, ki yaa boandi bi niba.

1 Samueli 14:37

Lanwani, Sayuli den buali U Tienu: «Min fii ki jiidi ki baa Filisiti yaaba bi? A baa taa ba ki tieni tinba Isidayeli yaaba nuu nni?» Ama landaali U Tienu ki den guani o liba.

1 Samueli 28:15

Samueli den yedi Sayuli: «Be yaa po ke a yagi n yama ki teni ke n ñani?» Sayuli den guani ki yedi o: «N ye yanyagiciandi nne. Filisiti yaaba togidi leni nni bu toabu, U Tienu mo lebidi ki ŋaa nni, waa guani nni liba o saawalipuaba kani, bi ti dangidi nni. Lani yaa po yo ke n yini a, ŋan waani nni min baa tieni yaala.»

1 Samueli 28:6

O den mia o Diedo. Waa den guani liba ti dangidi nni, bi Urim bi bi saawalipuaba kani.

1 Samueli 9:9

Hali yogu, Isidayeli diema nni bi yaa den bua ki gedi ki mia U Tienu wan doagidi bi po bonla, bi yen yedi: «Tin gedi yua n nua saala bonla po.» Kelima moala ban yi yua o saawalipualo, kpiama bi den yi o yua n nua saala bonla.