Mise 3:6 - U TIENU MAAMA TILI 2013

⁶ Lani yaa po yinba bi saawalipuaba yeni, Yi yogunu tuoni u bianu, Yi yienu baa kua, Yi kan go le bonlekaaliba kuli. Yi kan go fidi ki pua saawali liba kuli po.»

Gourmanchéma Bible

⁶ Lani yaa po yinba bi sawalipuaba yeni, Yi yogunu tuoni u bianu U yienu baa biigi yipo, Yi kan go le bonlekaaliba kuli. Yi kan go fidi ki pua sawali liba kuli po.»

Mise 3:6 ပူးပေါင်းရင်းမြစ်များ

Pisomi 74:9

Tii go nua a yema maalima ti siiga, Saawalipualo mo ki go ye. Ti siiga nni oba kuli mo ki bani, Laa bonla n baa waagi yaa bianu.

Esayi 29:10

Kelima o Diedo kuani yi niinni Mi guama yantiali ke yi gonbidi. O pii yinba bi saawalipuaba nuni, Ki libini yinba a baayuadiida mo yaa yula ti kpaliti.

Esayi 59:10

Ti baali u bilinu ki tulibi Nani a juama yeni. Ti tulibi nani yaaba n luo i nuni yeni. Ti tuudi u yensiinu, Nani ku yenjuaboandigu yeni. Ba ke ti pia laafia, Ti naani leni bi tinkpiba yene.

Jeremi 13:16

Kpiagi mani o Diedo yi Tienu Hali ke o daa teni ke li biigili cua, Ke yi taana mo daa tuudi li biigili juali. Yi bi daani mi yenma, Ama o lebidi ma ke mi tua kuuma biigili. O baa teni man tua tawaligu Yaagu n biigi boncianla.

Jeremi 15:9

Yaa pua n mali jabilele coagi, Ki baa kpe o panma nni. I fe cuo o ki gbadi o bonŋanla. Bi siiga yaaba n baa sieni mo, Bi yibalinba baa kpa ba leni ki jugisiega. Mini o Diedo n yedi yeni.»

Jeremi 18:18

Jeremi yibalinba tianba den yedi: «Cua mani tin juogi ki baa tin baa kuani Jeremi naani, kelima li bali maama kan kpe ke bi kopadicianba ye. Tundi kan gbeni ke bi yanfuodanba ye. Saawali mo kan gbeni ke bi saawalipuaba ye. Cua mani tin kpa o leni ti maama, ki da cengi o mayedikaama.»

Esekieli 13:9

N nuu baa cuo yaa saawalipua-faadanba n baadi yaa bonlekaala n tie fanma, ki pua yaa saawalo n tie faama. Bi kan baa kaanu n niba taanli siiga. Bi yela mo kan diani, Isidayeli yaaba yela tili nni. Bi kan guani ki kua Isidayeli diema nni. Lani, yi baa bandi ke n tie Li Miali Diedo U Tienu.

Esekieli 7:26

Fala baa pendi, fala n cua. Laabaalibiado baa tuu laabaalibiado. Bi baa mia o saawalipualo li bonlekaala, O kopadiciamo mo kan go baa Wan baa bangi ba yaala, A nikpela mo kaa go pia bi po tundi.

Amosi 8:11

Li Miali Diedo U Tienu yedi: «A dana kpendi ke n baa soani mi koma mi diema nni, Laa tie mi jiema yaa koma ka, Laa tie mi ñima yaa ñuñuunu moko ka. Ama li baa yaa tie o Diedo maama gbadima Yaa koma leni mi yaa ñuñuunu yo.

Mise 2:6

Bi tianba tua: «Cedi wolingu. Yua n yedi ke i fe kan lagidi ti tie yanluodaano.