Mise 3:4 - U TIENU MAAMA TILI 2013

⁴ Li tie lani yaa po yo, ke yi yaa ti kpaani, Ki miadi o Diedo wan faabi yi yaa yogunu, O kan lebidi yi liba kelima yi soani yaa tuona n bia. Lanyogunu o baa buli yi o nunga.»

Gourmanchéma Bible

⁴ Li tie lani yaa po ke yaa yogunu ke yi ti kpaani Ki miadi Li Miali Diedo wan faabi yi, O kan guani yi liba. O baa buli yi o nunga laa yogunu, Kelima yi soani yaa tuona n bia.»

Mise 3:4 ပူးပေါင်းရင်းမြစ်များ

Jobi 27:9

Naani U Tienu cengi o moe, O yaa ye leni li paboanli yaa yogunu?

Jobi 35:13

U Tienu naa cengi yaala n ki pia mayuli, Wani U Paaciamu Daano ki faami li po.

Pisomi 18:41

A teni ke n laa n yibalinba puoli. N baa bolini yaaba n nani nni mo.

Mi Kpanjama 1:28

Yi baa yini nni, N kan guani. Ki lingi nni, yi kan le nni.

Mi Kpanjama 28:9

Nilo yaa biini o tuba kaa bua Ki cengi li bali maama, Ba o jaandi mo tie caginde.

Esayi 1:15

Yi yaa yugidi yi nii ki baa jaandi, Se min buli n nunga, Ba yi yaa figili yi jaandi n kan cengi yi, Kelima yi nii kuli tie soame.

Esayi 3:11

Fala baa nandi o nibiado, Kelima waa ŋua yaa sanu n ŋani. Wan soani yaa tuona baa guani Ki baa o yuli po.»

Jeremi 11:11

Lani n teni ke o Diedo yedi mi naa maama: «N teni ke fala nandi ba. Bi kan fidi ki cia, bi baa yaa mua ki yi nni, nmo nan kan cengi ba.

Jeremi 14:12

Ba bi yaa loli bu ñoabu, n kan cengi bi paboandanmoe. Ba bi yaa cuani a padijuukaana leni bu paabu pada, n kan gaa bi po, kelima n baa teni bu toabu, mi koma leni u yianbiadipuodiko n dudi ba.»

Jeremi 33:5

Ki ña ke yi baa koani leni Babilonni yaaba, ki pia yi po todimiba kuli. Bi baa gbieni yi dogu leni bi tinkpiba bebe, min baa pua ki kpa yaaba n pabiencianli nni. Jerusalemi dogu niba biadima po teni ke n buli ba n nunga.

Jeremi 5:31

Lani n tie: Bi saawalipuaba pua mi saawalifaama, Bi kopadicianba lingi bi yucela ŋamu bebe, N niba mo sua ke lani n dagidi bi po. Yi baa tieni lede saala po?

Esekieli 8:18

Mini moko, n baa soani ba tuonli leni n pali n fii maama. N kan mua bi po, n kan gbadi bi po ninñima mo. N kan cengi ba, ba bi yaa kuudi ki miadi nni ke min faabi ba.»

Mise 3:7

Yaaba n pua saawali kuli baa pii bi nunmu i fe po, Kelima U Tienu kan lebidi bi po liba.

Mise 7:13

Ama li ŋandunli yaaba baa bodi Kelima bi tuonbiadi po.

Sakari 7:13

ke n yedi: ‹Min den yini ba ke baa tuo yeni, n moko yie kaa guani ba, ban den yi nni ke mia nni mi todima yaa yogunu.

Matie 7:22

Li bujiali daali, bi niba boncianla baa yedi nni: ‹O Diedo, o Diedo, tii den wangi U Tienu maama a yeli po ka? Tii den deli mu cicibiadimu a yeli po ka? Tii go den tiendi mi bancianma boncianla a yeli nni ka?›

Luki 13:25

O diedaano yaa ti fii ki luoni bu buliñoabu yaa yogunu, ke li sua ke yi se niinpo, yi baa cili ki yaa pua bu buliñoabu, ki tua: ‹Canbaa, luodi ti po.› O baa guani ki yedi yi: ‹Mii bani yin ñani naani.›

Jan n diani U Tienu Laabaaliŋamo maama 9:31

Ti bani ke U Tienu ki cengi ti tuonbiadi danba maama, ama o cengi yua n jigini o ki tiendi o yanbuama.

Jaki 2:13

U Tienu yaa jia ti buudi yaa yogunu, o kan gbadi mi ninñima yua n kaa den gbadi o lieba po mi ninñima. Mi ninñingbadima paani ti buudi.

1 Samueli 8:18

Lanyogunu, yi baa yaa buudi ki yenbidi yi bado po, yin den gandi yua yinba yi ba yeni. Ama o Diedo kan cengi yi.»