Mise 3:11 - U TIENU MAAMA TILI 2013

¹¹ Jerusalemi bujiaba gaani a suuna ki ja ti buudi, Likani kopadicianba bangi li bali maama ti ñuadi po, Bi saawalipuaba mo pua saawali i ligi po. Ama leni lani kuli, bi baa ki dugi o Diedo po ki tua: «Naani o Diedo ki ye leni ti? Fala kan nandi ti abada.»

Gourmanchéma Bible

¹¹ Jelusalema yudanba jia ti buudi ki gaani a suuna. Likani kopadicianba yaa ga pani, Bi kan bangi li *bali maama, Bi sawalipuaba yaaba n ye likani yaa ga ligi, Bi kan pua sawali. Ama bi cili ki paagidi bi pala Li Miali Diedo po ki tua: «Naani Li Miali Diedo ki ye leni ti? Fala kan nandi ti.»

Mise 3:11 ပူးပေါင်းရင်းမြစ်များ

Mi Kpanjama 17:23

O nibiado yen tuo ki wuoni ki gaa li suuli, Yaala n baa teni ti buudi n da tagini u sanu.

Esayi 1:23

A yudanba tie niyiekaaba, Bi juogidi leni a suuda. Bikuli faadi bu paabu Ki tiini ki lingi li suuli. Baa tiendi yaala n dagidi ki kpienbiga po, Li kpepuoli mo yaa fala ki tua ba liba.

Esayi 48:2

Bi yi bi yula u dogagidiŋamu yaaba, Ki dugi Isidayeli Tienu po, Yua yaa yeli n tie Li Miali Diedo U Paaciamu Kuli Daano.

Esayi 5:23

Bi saagi i tagili daano po i moamoani Kelima o paabu po, Ki mundi o niteginka mo i moamoani.

Esayi 56:11

Bi tie sangban-tugidanba, Baa pia ke bi guo. Bi tie yaa yankpaaba N ki bani ki gagidi liba. Bikuli ŋua bi sancele, Ke yuakuli li lingi o yuceli ŋamu.

Jeremi 23:17

Bi ñigini ki yedi yaaba n fali nni: ‹Yi baa baa mi yanduanma!› Bi go yedi yaaba n ŋua bi pajuaga mo: ‹Yebiadima kan nandi yi!›

Jeremi 26:7

Bi kopadicianba, bi saawalipuaba leni bi niba kuli den gbadi Jeremi n maadi yaa maama o Diedo diegu nni.

Jeremi 5:12

Bi pia i boandi o Diedo po, Ki tua ke o Diedo ki ye, Fala kan baa ti, Koma mo kan baa ti ki buali toabu.

Jeremi 6:13

A bonwaala leni a nikpela kuli, Lingi bi yucela ŋamu bebe yo. Ki cili o kopadiciamo ki ban tuoni o saawalipualo, Bikuli ye i janbi po yo.

Jeremi 7:4

Yin da dugi mani i boandi po, ki yedi: ‹Nekanba n tie o Diedo diegu, o Diedo diegu, o Diedo diegu nne!›

Jeremi 8:10

Lani n teni ke n baa taa bi puoba ki teni nitoaba, Ki teni yaaba n paadi ba mo n diedi bi kuani, Kelima ki cili ki bonwaaga ki ban pundi o nikpelo, Bikuli li tiini ki lingi bi yucela ŋamu bebe. Ki cili o saawalipualo ki ban taani o kopadiciamo, Bikuli li ye i janbi po yo.

Esekieli 22:12

A yaa niinne, ke bi gaani li suuli ki wuliti mi soama, ki gaani yaa ñuadi n yabi ki pendi, ki fenli bi lielo leni u paalu. Ama mini wani, a sundi n po! Li Miali Diedo U Tienu n yedi yeni.

Esekieli 22:27

U badijaba ye u niinni nani yaa fuasangbanli n dadi ki toadi ban cuo yaa yandi yeni. Bi wuliti mi soama, ki bolindi bi niba ki bua ki yaa baadi ti ñuadi.

Esekieli 34:2

«Nisaalo biga, maadi ki pua saawali Isidayeli yankpaaba po, ki waani ba min bili bi po yaala. Li Miali Diedo U Tienu yedi mi naa maama: ‹Fala n baa Isidayeli yaaba yankpaaba, yaaba n li nua bi yucela ŋamu bebe! Naani bi yankpaaba tuonli ki bi tie ban yaa kpaa ti yandi ka?

Ose Tili 4:18

Bi li baa ña li dañoli nni, ki kua mi conconma nne. Bi yudanba bua i fe ki cie ti kpiagidi.

Ose Tili 4:8

Bi di n niba tuonbiadi pada ki noadi. Lanwani, bi tudi n niba Ke ban yaa tiendi ti tuonbiadi ki pugidi.

Amosi 5:14

Moandi mani ki yaa tiendi yaala n ŋani, Ki cedi yaala n bia. Yeni, yi baa yaa fo. Lanwani, o Diedo U Tienu, U Paaciamu Kuli Daano baa yaa ye leni yi, Nani yin tua ke o ye leni yi maama.

Amosi 9:10

Bu toabu baa je n niba siiga ti tuonbiadi danba kuli, Bani yaaba n tua: ‹A kan teni fala n nagini ti, A kan teni fala n baa ti.›

Mise 3:5

O Diedo yedi yaa saawalipuaba n boandi o niba, Ke bi yaadi ki ŋaa o sanu: «N niba yaa puni yi bonŋmankaala, Se yin yaa tua ba ke mi yemanma baa yaa ye. Ama bi yàá puni yi bonŋmankaaliba mo, Yin yaa tua ba ke bu toabu baa cua.

Mise 7:3

Bi niba kuli nuni maa mi biadima tienma po. Bi yudanba kan tieni puu se bi gaa li suuli. Bi bujiaba moko dia bi niba a suuna. A nikpiaga doagidi bi niapiali.

Sofoni 3:3

Bi yudanba tie nani yaa yangbanli N gaandi ki duni, Bi bujiaba tie nani yaa fuasangbanli N yen goadi ku ñiagu, Ki co li bonla ki ŋmani likuli Kaa baa sieni liba mi faama po.

Sofoni 3:4

U saawalipuaba tie japaadanba Leni jajanbidiniba. U kopadicianba joagini yaala n gagidi ki ŋani, Ki miidi o bali maama mo.

Malaki 1:10

Li Miali Diedo U Paaciamu Kuli Daano go yedi: «Li baa yaa ŋani ki cie yinba bi kopadicianba po, yi siiga nni yendo n luoni n diegu buliñoana, ke yin da go cuondi n padibinbinli po u mu fanma fanma. N pali ki mani yi po ba waamu. Mii go bua ki gaa yi nuu nni padiliba kuli mo.

Malaki 2:9

Lani n teni ke n baa cedi Isidayeli yaaba kuli n yie yi ki fali yi, kelima yii tuo ki ŋua n sani, ki go pia u nigagidu mo, yin kuandi n bali maama yaa yogunu.»

Mi Coadima 16:15

Musa pali den beni boncianla, ke o den yedi o Diedo: «Da gaa ban padi yaa padili yeni paabu. Mii gaa bi kani ba ŋunbo, mii didi go tieni bi siiga oba kuli biadima.»

Mi Coadima 22:7

Moabi nikpela leni Madiani nikpela den fii ki tugi bu paabu o lingido po. Bi den ban pundi Balaam kani, ki caa o Balaki tondu.

Matie 3:9

Yin da se ki tua yi pala nni: ‹Ti pia Abalahama ke o tie ti yaaja.› N kadi ki waani yi ke U Tienu baa fidi ki teni yaa tana n tie ne n tua Abalahama puoliŋuani.

1 Timote 3:3

Wan da tie yua n puni o yuli li dañoli, wan da tie yua n bua janjanma, wan yaa tie yua n dingi kaa bua koanli, kaa bua ligi ke li pendi.

Titi 1:11

Li tie tiladi ŋan mubini bi ñoana, kelima bi yagini ti dietiandi yama, ki bangi ki bua ki baa i janbi ñuadi.

1 Pieri 5:2

Yin yaa kpaa U Tienu yankulu, yuu n ye yi kani. Yin da tiendi la nani li tie tiladi ka, ama lan yaa tie yi yama po, nani U Tienu n bua maama. Yin da tiendi yeni kelima yi bua ki baa i ligi ka, ama yaa tiendi mani la, ke yi yama ye lienni moamoani.

Jude 1:11

Fala n baa bi po, kelima bi ŋoadi Kayini n den ŋua yaa sanu. Bi go luni bi yula Balaam yaadima nni, kelima bi bua ki baa i panpaani. Bi fiini mi janjanma, ki bodi nani Kore yeni.

1 Samueli 8:3

Ama baa den ŋua bi baa Samueli fuuli, bi den bua mi piama boncianla ki gaani a suuna, ki saagi a moamoancakpiga.