Mise 2:13 - U TIENU MAAMA TILI 2013

¹³ Mini U Tienu baa cibi yi yonbidi kpaadidieli li bonli, Ki kua yi liiga yin tagini li bonli ki ña, Yi yonbidi dogu bilinciamu sani ki ban yaa caa. Mini yi bado n baa kua yi liiga, Mini o Diedo n baa tugi yi yuli.»

Gourmanchéma Bible

¹³ Mini U Tienu baa cibi bi yonbidi kpaadidieli li bonli, Ki kua bi liiga. Bi baa cibi li bonli ki ña Ki tagi bi yonbidi dogu bilinciamu sani, Ki ña ban yaa caa. Mini bi bado baa kua bi liiga Mini Li Miali Diedo baa tugi bi yuli.»

Mise 2:13 ပူးပေါင်းရင်းမြစ်များ

Mi Ñama 14:19

U Tienu maleki yua n yen ye Isidayeli yaaba goli liiga den lebidi ki guani bi puoli po. Ku tawaligu yaagu n den ye bi liiga moko den lebidi ki guani bi puoli po.

Esayi 42:7

Lani, a baa noadi a juama nuni, Ki teni a kpaada n ña li kpaadidieli nni, Ki go teni yaaba n lo li biigili nni N ña li niinni.

Esayi 51:12

Li tie mini lige, mini n baagidi yi. Be yaa po ke yi baa yaa jie o nisaalo Yua n baa kpe? O nisaalo biga, yua yaa miali n tie Nani ku muagu yeni, Be yaa po ke yi baa jie o,

Esayi 52:12

Yin da pua mani belibeli ka ki ña, Yin da sani mani leni jawaandi mo ka ki ña, Kelima o Diedo n baa kua yi liiga, Wani Isidayeli Tienu yeni n baa yaa ye Yi puoli ki guu yi.

Esayi 55:4

Diidi, n teni ke o tua siedi i nibuoli po, Nani o yudaano, ki gobidi i nibuoli.

Danieli 2:44

Mi diema yeni badiba yogunu, Tanpoli Tienu baa fiini dietoama, yaama n kan bodi abada. Nibuoto kan fidi ki diedi ma. Mi baa mudi ki gbeni mi diekpiama yeni kuli, ama mani miba baa yaa ye hali yaa yogunu kuli.

Ose Tili 13:14

Mini o Diedo, n baa faabi Laa niba bi tinkpiba yekaanu nni? Naani n baa faabidi laa niba mi kuuma nuu nni? Fini mi kuuma, a jatiadi ye le? Fini mi kuuma, waani a paalu yuu n bolindi yeni. N kan gbadi laa niba po ninñimiba kuli.

Ose Tili 2:2

Lanwani, Juda yaaba leni Isidayeli yaaba go baa guani ki taani, Ki dini badiyendo. Bi baa diedi mi diema, Kelima Yisireyeli daali yeni baa tua dacianle.

Ose Tili 3:5

Li yaa puoli, bi baa lebidi ki cua ki lingi o Diedo, bi Tienu leni bi bado, Davidi puoliŋuani siiga. Bi baa faa ki guani o Diedo kani leni li fangili, ki go baa o ŋanbili.

Mise 2:12

Jakob puoliŋuani, n go baa ti taani yikuli. N baa taani yinba Isidayeli yaaba, yaaba n sieni. N baa taani yikuli nekanba nani yanloyenli pe yeni, Bi nani yaa yangoli n taani yankpaakaanyendu yeni. Lanyogunu yi baa kpaani li pamanli kpaani.

Mise 3:1

N den yedi Jakob puoliŋuani yudanba, cengi mani: «Naani laa tie yinba ka baa bangi mi teginma?

Mise 4:7

N baa taa yaaba n poagili yeni, Ki teni ban tua yaaba n baa sieni, Ki teni ban den deli ki gedini yaaba foagima yeni, N tua yaa nibuolu n pia u paalu. Lanyogunu, mini o Diedo baa yaa die ba Siyon juali nni hali yaa yogunu n tuu yaa yogu kuli.

Sakari 10:12

N baa pa n niba u fidu, Bi baa yaa kpiagidi nni, Ki tuodi ki tiendi min yedi yaala. Mini o Diedo n yedi yeni!»

Hebilunba 6:20

Jesu n den gaa ti liiga ki kua naankani ti po. O tua yaa kopadicianba bado n tie nani Melikisedeki yeni, ki baa yaa ye hali yaa yogunu kuli.

Josue 3:6

Josue den yedi bi kopadicianba: «Yin taa mani U Tienu ŋantaadikpaku ki bugi, ki gaa ku niligu liiga, ki yaa cuoni.» Bi den taa ku ki bugi, ki gaa ku niligu liiga ki cuoni.

Mi Doagidima 17:14

Bi baa tuogi bu toabu leni ki Pebiga, ama ki Pebiga baa paadi ba, kelima o tie bi diediba Diedo leni bi badiba Bado. Wan den yini ki gandi yaaba, yaaba n tie o nidugikaaba, baa taani leni o ki moko n paadi ba.»

Mi Doagidima 7:17

kelima ki Pebiga, yua n ye li bali kalikaanu siiga baa yaa tie bi yankpaalo, ki gobidi ki caani ba li miali ñinbuna kani. U Tienu mo baa duuni ki ñani bi nunsiidi kuli bi nuni nni.»