Mise 2:12 - U TIENU MAAMA TILI 2013

¹² Jakob puoliŋuani, n go baa ti taani yikuli. N baa taani yinba Isidayeli yaaba, yaaba n sieni. N baa taani yikuli nekanba nani yanloyenli pe yeni, Bi nani yaa yangoli n taani yankpaakaanyendu yeni. Lanyogunu yi baa kpaani li pamanli kpaani.

Gourmanchéma Bible

¹² Jakobo puoliŋuani, n go baa ti taani yikuli. N baa taani yinba Isalele yaaba, yaaba n sieni kuli. N baa taani yikuli nekanba nani yanloyenli yaa pe yeni, Nani yaa yangoli n taani yankpaakaanyendu kani yeni. Laa yogunu yaa niligu yaa pali n mani fuugu baa tieni boncianla.

Mise 2:12 ပူးပေါင်းရင်းမြစ်များ

Mi cilima 36:33

Bela den guani ke Botisira yua Sela bijua Yobabi den gaa o kaanu, ki kali ti gbandi po.

1 Bi Badiba Jama 1:44

Bela den guani ke Yobabi, Sela bijua, Botisira dogu yua n den gaa o kaanu, ki kali ti gbandi po.

Esayi 11:11

Landaali o Diedo baa guani Ki tandi o nuu Ki daa ki faabi o niba Yaaba n sieni ki ye Asiiri, Ejipiti, Patilosi leni Etiopi diema nni, Elami, Sineari, Hamati leni Mi ñincianma kpendega nni.

Esayi 27:12

Landaali, o Diedo baa yoagi i tiidi, Ki cili u kpenciamu Efrati, Ki ban pendi Ejipiti ñinbaadu. Bi baa duo yi yendo yendo Yinba Isidayeli yaaba.

Esayi 34:6

O Diedo jugisiega gbie leni mi soama, Ki go guo leni mi kpama, a pebila Leni a ŋuabuana soama Leni a petona cayaana kpama, Kelima li padili ye Botisira dogu nni o Diedo po. Li tuonli baa soani Edomi diema nni.

Esayi 5:17

I dogi diegbena nni, i pe baa cua Ki ŋmani nani bi yankpaakaanu yeni. Bi canba baa cua ki je a piada bonpiakaala,

Jeremi 23:3

N baa taani n niba yaaba n sieni, min yadi ba yaa diema nni kuli, ki guani ba bi yanloli nni. Bi baa maa ki go pugini hali boncianla.

Jeremi 3:18

Laa dana yaa niinni, Juda leni Isidayeli diema yaaba Baa taani ki yegi ki ña nujienu diema po, Ki kpeni min puni yi baanba Yaa diema, man tua bi faali yeni nii nni.»

Esekieli 34:11

Mini o Diedo U Tienu yedi mi naa maama: «Mini n ba n ji baa kubi n yandi ki go yaa faami bi po.

Esekieli 34:13

N baa ñani ba mi diema nibuoli siiga ki cuani ki kaani ba, bi yaa diema nni. N baa yaa kpaa ba Isidayeli diema juana po, ti joaloandi nni leni bi niba n ye mi diema nni yaa kaani kuli nni.

Esekieli 34:22

N baa faabi n yandi ke ban da go su ba, ki jia ti buudi n yandi leni yinba siiga.

Esekieli 34:31

Yinba bi nisaaliba, yinba n tie n yangoli, n yankpaakaanu yangoli, mini mo tie yi Tienu. Mini o Diedo U Tienu n yedi yeni.»

Esekieli 36:37

Mini o Diedo U Tienu yedi mi naa maama: «N baa teni Isidayeli yaaba n guani ki mia n todima, min go cengi ba, ki teni ban pili nani u yankulu yeni.

Esekieli 37:21

Li yaa puoli, a baa waani ba mini o Diedo U Tienu n yedi yaala. N baa taani Isidayeli yaaba ban den ye yaa nilanbuoli siiga, ki ñani ba lipo, ki guani ki kaani ba bi yaa diema nni.

Amosi 1:12

Lani yaa po, n baa soani u mu bi dogu Tema nni, Wun je Botisira dogu dieŋama.»

Mise 2:13

Mini U Tienu baa cibi yi yonbidi kpaadidieli li bonli, Ki kua yi liiga yin tagini li bonli ki ña, Yi yonbidi dogu bilinciamu sani ki ban yaa caa. Mini yi bado n baa kua yi liiga, Mini o Diedo n baa tugi yi yuli.»

Mise 4:8

Fini Siyon juali li toaguudidieli, A baa guani ki baa a kpiagidi Nani mi kpiama yeni, Jerusalemi mo n guani ki baa o bali.»

Mise 5:7

Jakob puoliŋuani yaaba sieni baa yaa ye Yaa nilanbuoli n yabi siiga, Nani yaa yangbanlo n ye ti fuayandi siiga, Bi nani yaa yangbanbili n ye A pegola siiga yeni. O baa yaa cuoni bi siiga ki co ki dadi ki padi, Ke oba kuli mo kan fidi ki gaa ba o kani.

Mise 5:8

Isidayeli yaaba, pua mani yi koanginkaaba, Ki bolini yi yibalinba kuli.

Mise 7:14

U Tienu, taa a yankpaagbiamu ki yaa kpaa a niba, Bani yaa nigoli n tie a piama yeni. Bi ye bi bebe li fuasieli nni i tikuani siiga. Ŋan go yaa kpaa ba Basan leni Galaadi diema nni, Nani ŋan den kpa kpaa ba maama.

Mise 7:18

Ŋme n naani leni fini U Tienu, Fini yua n duundi ki ñandi ti tuonbiadi, Ki puuni sugili a niba yiema po. Ŋaa kubi a pabienli yogunu kuli a niba yaaba n sieni po, Kelima mi ninñingbadima mani a po.

Sofoni 3:20

Lanyogunu n baa guani ki kpeninni yi. Li baa yaa tie min baa guani Ki taani yi yaa yogunu. Yi baa le ke n lebidi yi yema, Ki teni yin guani ki baa yi kpiagidi, Yi yela mo n ña li ŋandunli nibuoli nni kuli.» Mini o Diedo n yedi yeni.